|
Re: موظفوووووووووون ولكن !!!! (Re: عواطف ادريس اسماعيل)
|
عطووفة سلامات ما عارفك اذا انتي قاصدة بالإضهاد الإجتماعي الظلم الواقع من طرف صاحب العمل أم انه إضهاد آخر من أصحاب الوظائف الأخرى ذات الدخل العالي مقارنة بالموظف الكحيان! عاوز اتكلم عن ظلم اصحاب العمل ليس من أجل التبرير لتسيب الموظفين و لا مبالاتهم التي باتت مضرب مثل ! فأنا أعتبر ان أصحاب العمل هم العامل الرئيسي و السبب الحقيقي وراء ما يجري من جرجرة و معاكسات حتى في مجال الخدمات المقدمة من قبل شركات القطاع الخاص ! شفتي يا ستي أول حاجة الموظف بيجي عشان يشتغل بعد ما يتلطع كم سنة كدى عاطل و خلاص لما يقول الفرج جا و في المعاينة الصوووووورية (هم زاتهم محتاجين معاينة)البيعملوها ليهو يقوموا يوروهو انهم أي نعم محتاجين لزول لكن حيجربوهو عشان لو ما نفع يقوموا يجيبو واحد غيرو لأنو الزول الكان ماسك الوظيفة دي كان منقًطها و كان موظف ممتاز و كان و كان و...و ... , لكن كان مامنضبط و كان بيغيب عشان كدة إحنا عملنا ليهو كش الولد ... هسع انت لو داير تبقى زولنا تلتزم لينا بالمواعيد و تقدم فروض الولاء و الطاعة و في رواية اخرى تدينا رقبتك, بعد ما يوافق ليهم على وهماتهم القديمة و البايخة دي (لأنهم في نفسهم ما منضبطين) .. صاحبنا المسكين طبعا بيكونوا بيسألو فيهو اذا كان اشتغل قبل كدة و للا ما اشتغل المهم لما يلقوهو ليك ما عندو خبرة تعالي شوفي الظلم الفرمالة انوهم بيجربو فيهو , وبعد ما خلاص يباركوها و يقولوا ليهو تجينا من بكرة تستلم الشغل (التقول عايزين يسلموهو ورث), صاحبنا طبعا الفرحة بتكون ما سايعاهو و زي ما بيقولوا اخوانا المصريين (مزأطط من الفرحة), يرجع البيت سرعة سرعة و يغسل بنطلونو و قميصو و ينتظرهم عشان يكويهم و البيت كلو يكون عرف خلاص .. فلان اتوظف وفي رواية اخرى الحلة كلها , وصاحبنا كل يوم ماشي الشغل و جاي من الشغل و طبعا هو لسة في فترة التجربة يعني لسة مكتوب بقلم الرصاص و في أي لحظة ممكن يمسحوهو و ترجع الورقة فاضية زي الما حصل حاجة . طبعا أول أيام شوية دلع ومجاملات و ظرافات و عزومات فطور وش من هذا القبيل , شهر و شهرين صاحبنا بيبقى مقلق بخصوص المرتب لأنو الجماعة ما قالوا ليهو حاجة , طبعا خلال الفترة دي بيكونوا بيدوهو مصاريف بسيطة بسيطة و كلو تبع التجربة, صاحبنا يجي بخجلة كدة ويسأل وهو مدنقر عن المرتب , وبنفس خجلتو يردوا عليهو بطريقة زي بتاعة عادل امام (حيعيط من الإيمان و التقوى) ويقولوا ليهو لما ناس شئون المستخدمين يجيبو لينا العقد بتاعك , كلها كم يوم و يعملوا ليك العقد , ووحاتك ناس شئون المستخدمين ما جايبين خبر و للا عارفين اصلا انو اخونا ده اشتغل معاهم ! نواصل
(عدل بواسطة غباشي on 06-23-2007, 03:24 PM)
|
|
|
|
|
|
|
العنوان |
الكاتب |
Date |
موظفوووووووووون ولكن !!!! | عواطف ادريس اسماعيل | 06-22-07, 07:33 AM |
Re: موظفوووووووووون ولكن !!!! | Mustafa Mahmoud | 06-22-07, 07:42 AM |
Re: موظفوووووووووون ولكن !!!! | عواطف ادريس اسماعيل | 06-22-07, 08:19 AM |
Re: موظفوووووووووون ولكن !!!! | سيف الدين حسن العوض | 06-22-07, 08:39 AM |
Re: موظفوووووووووون ولكن !!!! | عواطف ادريس اسماعيل | 06-22-07, 09:16 AM |
Re: موظفوووووووووون ولكن !!!! | محمد مختار جعفر | 06-22-07, 08:22 AM |
Re: موظفوووووووووون ولكن !!!! | عواطف ادريس اسماعيل | 06-22-07, 08:34 AM |
Re: موظفوووووووووون ولكن !!!! | فيصل نوبي | 06-22-07, 08:47 AM |
Re: موظفوووووووووون ولكن !!!! | محمد مختار جعفر | 06-22-07, 08:56 AM |
Re: موظفوووووووووون ولكن !!!! | عواطف ادريس اسماعيل | 06-22-07, 09:25 AM |
Re: موظفوووووووووون ولكن !!!! | عواطف ادريس اسماعيل | 06-22-07, 09:19 AM |
Re: موظفوووووووووون ولكن !!!! | abubakr | 06-22-07, 08:48 AM |
Re: موظفوووووووووون ولكن !!!! | عواطف ادريس اسماعيل | 06-22-07, 09:29 AM |
Re: موظفوووووووووون ولكن !!!! | sanaa gaffer | 06-22-07, 08:50 AM |
Re: موظفوووووووووون ولكن !!!! | عواطف ادريس اسماعيل | 06-22-07, 09:35 AM |
Re: موظفوووووووووون ولكن !!!! | هاشم أحمد خلف الله | 06-22-07, 10:54 AM |
Re: موظفوووووووووون ولكن !!!! | عواطف ادريس اسماعيل | 06-23-07, 07:06 AM |
Re: موظفوووووووووون ولكن !!!! | د.محمد حسن | 06-23-07, 08:13 AM |
Re: موظفوووووووووون ولكن !!!! | عواطف ادريس اسماعيل | 06-23-07, 08:29 AM |
Re: موظفوووووووووون ولكن !!!! | مجدي عبدالرحيم فضل | 06-23-07, 10:05 AM |
Re: موظفوووووووووون ولكن !!!! | عواطف ادريس اسماعيل | 06-23-07, 10:26 AM |
Re: موظفوووووووووون ولكن !!!! | حافظ العشا | 06-23-07, 10:54 AM |
Re: موظفوووووووووون ولكن !!!! | عواطف ادريس اسماعيل | 06-23-07, 12:08 PM |
Re: موظفوووووووووون ولكن !!!! | السمؤال بدرالدين | 06-23-07, 12:39 PM |
Re: موظفوووووووووون ولكن !!!! | عواطف ادريس اسماعيل | 06-24-07, 05:34 AM |
Re: موظفوووووووووون ولكن !!!! | غباشي | 06-23-07, 03:18 PM |
Re: موظفوووووووووون ولكن !!!! | عواطف ادريس اسماعيل | 06-24-07, 05:42 AM |
Re: موظفوووووووووون ولكن !!!! | EMU إيمو | 06-24-07, 09:21 AM |
Re: موظفوووووووووون ولكن !!!! | الطيب شيقوق | 06-24-07, 09:53 AM |
Re: موظفوووووووووون ولكن !!!! | عواطف ادريس اسماعيل | 06-24-07, 10:33 AM |
Re: موظفوووووووووون ولكن !!!! | عواطف ادريس اسماعيل | 06-24-07, 10:29 AM |
|
|
|