استاذه سلمى ياجميله ,
طبعا عمره اختلاف الراي ما كان يفسد للود قضيه , رايك على راسي , مش كفايه انك فتحتي لينا
المجال نتكلم في موضوع بالنسبه لي شخصيا (شائك) !! ورايك في محلو واحترمو كل احترام ,,
بس انا حبيت اوضح وجهة نظري ,,
انا ما قلت انو المراه تتقولب بقالب الرجل عشان تكون سعيده ,, بالعكس , جمال المراه
في القالب الخلقها بيهو ربنا , انوثه وحنان وجمال ,, بس لما يتمرد عليها الرجل ويفضل غيرها
لاسباب يعلمها هو , حيكون من اجرامها في حق نفسها انها تشوفو فضل عليها منو لتغير قالبها
وقناعاتها عشان تكون نكره صوره لاخرى ربما اقل جمالا , وربما لم تستطع ان تكونها ,,
كده بتكون طلعت من جلدها عشانو , وانا بشوف هذا الرجل (اخير عدمو) مش لو اتخرب البيت ,
لو اتخربت مالطا بحالا ,, لان هذا الرجل حتما اختيار خاطيء ,,
انا قصدت من انها ماتغير نفسها عشانو , انها تشوف رجل يقبل جمالها زي ماهو , يقبلها
شريكه لحياتو زي ما هي , بقناعاتها بافكارها بجنونها بجمالها بلون بشرتها , كلها في مجملها
تكون مقبوله عندو تمام القبول ,, والا مافي لزوم للارتباط لانو اما حيفشل ,,واما اذا ارادت
المراه لزواجها الاستمرار حتفضل تغير في قوالبها عشان ترضيو , وتفضل تتلبس قالب ورا قالب ,
ويمكن في الاخير تنسى , هي قالبهااصلا كان شكلو كيف ؟؟؟وتطلع من هذه الزيجه من غير حتى شخصيه ,,
استاذه تراجي ,, كلامك في محلو تماما ,, بس اخوانك القلتي عليهم ديل وين ؟؟
يعني تربوا وتوضبوا وتدسوا ؟؟
انشالله تكون وجهة نظري وضحت ليكم ,,
وانشالله ما نكون افسدنا للود قضيه ,,
تحياتي ,,
|
|
فيس بوك
تويتر
انستقرام
يوتيوب
بنتيريست