استاذه سلمى ,, موضوعك فعلا مهم ولامس وتر حساس ,,اعجبني جدا المنحى الذي اخذه النقاش على يد كل من استاذه صفيه واستاذه تراجي ,, فعلا , الى متى ستظل المراه تغير شكلها وحياتها ارضاء للرجل ؟ ليه ما يقبلها الرجل زي ماهي ؟ شكرا لان الموضوع طرح بشكل يقبل مشاركة المراه برضو برايها في الشريك ,, طبعا مسالة سوداني او سودانيه دي زي ما سبق وذكرتو , دي مساحه واسعه صعب الجزم فيها براي واحد , بس بشكل عام نحن السودانيين (اكثر جفافا) من باقي الاجناس , مابنقيم للعواطف وزن , والمظاهر بتشكل جزء كبير من العلاقه ,, يعني المراه بتهتم بوزن الذهب وكمياتو واحجامو اكتر ما يهمها الزوج وعواطفو , ونجي نقول ليه البعض يفضلونها غير سودانيه !! ما لان السودانيه طلباتها مرهقه !! وفي المقابل , الرجل السوداني غالبا (عادي) تقليدي , وحتى لو كان شخصيه متفرده , بعد الزواج بيتحول لشخص عادي , كأن الزواج قصقص ريشو , وحولو لنسخه بنشوفا كل يوم وفي كل بيت !! والمراه كذلك, لازم يتحولو لاشخاص اوزانهم ثقيله ,تفاصيل حياتهم ممله ورتيبه !! ده غير انو الرجل السوداني رجل مليء بالعقد والتناقضات وغير مفهوم البته !! انا شابه في السادسه والعشرين ويؤسفني اكون بفكر كده , بس اظن الرجل الحكت عنو استاذه تراجي ده لو اتوجد على كوكب الارض,, انا حاكون سعيده باني اغير رايي انو الدنيا لسا بخير!!!
تحياتي لكم ,,
|
|