يا جماعة تعالوا نتبرع لي حبيب نورة ..!!

Quote: حبيب نورا سلامات ...يا خي انت مالك متحسس و بقولوا ليك الشدرة لو مالت تتكي علي اخواتها ... اقول ليك حاجة في اضانك والله مقترح عمر دا في السلك و انا عندي ليك خطة لكن اوعي يكون خشمك خفيف ... يعني ما في اي زول يعرف حتي نورا زاتا... الخطة يا حنين ... انا اقوم احرج ليك الفرد البتبرعوا ببنطلون جينز و كلام فارغ زي دا ... انا بفتح باب التبرع نقدي ...و اعبي ليك المنبر دا كلو بالتبرع النقدي لحد ما يهتفوا (نعم للنقدي لا للعيني)... انا بفتح باب التبرع ب 500,000 بالقديم لكن و بعدين دي حسب الاتفاق ترجعها لي ....اتفقنا؟ بعد ما انا اشيل التبرع الوهمي بتاعي نقسم الباقي سوا ....انت المتبرع لك تاخد تلتين و انا اخد تلت .... عليك الله حاول توافق انا زول خاشي علي عرس بس باقي (التلاجة, التلفزيون, الغسلة, و ايجار الشقة لمدة 6 شهور, ايجار الفنان, بعدين انا ما داير اي شهر عسل, و موضوع النادي طبعاً طلع علي اهل العروس).... بس دي الحاجات الباقية علي اخوك و انا متأكد التلت بجيبها.... تزوجوا فقراء يغنيكم الله .... ساعدوا الايامي علي النكاح و بالجد يا حبيب نورا حتلقاها في ميزان حسناتك...بس الكلام دا ما في قرد يعرفوا