|
Re: حين تمتد الأيادي الآثمة إلى الخدود الناعمة - ضرب والدتهم فأنهالوا عليه ضربا !!! (Re: عمر الفاروق)
|
Quote: نصحية لوجه الله لا تضرب المرأة ولو بزهرة وفتكم بعافية .. |
عطوفة,, بس عشان تكملى جميلك كان تنصحيها هى ماتسوى الكلام البجيب الضرب. وهو شئ واحد بس غيرو مافى سلطة بتاعت ضرب وابين ذلك لاحقا. عندما كنت خاليا تواعدت مع امرأة date يعنى ,, بغرض التعارف للوصول الى عش الزوجية اللى حنان النيل قالت يبنوه قشة قشة وهى ماعارفة الف الطوب بقى بيكم ,, المهم تقابلت مع الاستاذة ,, واخوك فالح فى فنون استقراء الشخصية ,, قصر الكلام ,, زولتك ماصعبت على الموضوع ,, فأثناء ماكنت استمع الى شقشقتها قالت لى : انا عندى مواخذة على القرآن ,, الملافض ماعجبتنى لكن قلت كدى النشوف آخرها آها يا اختى الماعاجبك فى القرآن شنو? حكاية اضربوهن دى ماعاجبانى قلت ليها والله يا اختى الآية دى ما نزلتها انا ,, وشكواك دى انا ماجهة الإختصاص فيها دحين امشى لى الله وقولى ليه الآية دى ماعاجبانى ومن دربك ده يااختى انا وانتى مابنتبارى ,, والله يعدل علينا وعليك ,, اها زى الاخت دى انا بعتبرها قدمت لى خدمة. هى حرة ,, بعدين مش انا اللى حا احاسبها لكن الخدمة اللى قدمتها لى هى انها اختصرت لى المشوار ووفرت على القراية ام دق فيما لو تجوزتها ,, كان دخلنا فى حاو و تر.. المهم اتغدينا وشربنا العصير وفراق الطريفى لى جملو. المهم فهمى انا للحتة بتاعة الضرب دى انها ربنا جعلها Last resort فطالما ربنا جعلها واحدة من طرق العلاج يبقى نحن ماعندنا حق نعدل على ربنا وبعدين ربنا ختاها بعد يفشل النصح والهجر ,, يعنى بعد الحال يبقى ميؤس منها,, يعنى زى ما الدكتور بلجأ للكيموثيربى كعلاج أخير فالتى لاينفع معها النصح ولا الهجر حكم الله -ولم يحكم بشر -باللجؤ الى ما يراه البعض هدرا لكرامة المرأة ,, فى حين انو ربنا قال : (ولقد كرمنا بني ادم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا) سورة الاسراء:70 والمرأة من بنى آدم فلا يعقل ان الله عندما يشرع يقصد ان يهينها,, ولاننسى ان مسالة الضرب هذه جاءت مرة واحدة فى القرآن ولعلاج حالة محددة (وهى عند الخوف من نشوز الزوجة ) وليس لأى خطأ آخر يصدر منها . يعنى الضرب مش عمال على بطال ,, فى الهينة والقاسية ,, ويلاحظ ايضا ان الله لم يأمر بالضرب بعد حدوث النشوز وانما قبل وقوعه (واللائي تخافون نشوزهن ,,) يعنى مجرد الخوف من النشوز نظرا لما للنشوز من خطورة اذ ينتج عنه انهيار الأسرة بكاملها وربما تضيع جراءه حقوق اطفال ,, وكون الله وضع العلاجات ابتداءا من مرحلة خوف النشوز فهو اراد ان يحافظ على كيان الأسرة ,, فكأنه اراد ان نتخذ تدابير احترازية قبل وقوع النشوز وما يترتب عليه من ضرر ,,
نصيحة لوجه الله: كان ربنا امر بي شئ مانعترض عليه ولو لم نفهم العلة لأن علة الاحكام الربانية هى امر الآمر نفسه.. لكن ممكن نقول ماتستغلوا احكام الله وتفسروها على حسب المصلحة وتقعوا فى النسوان خبيت ,, وهنا اظن اننى التقى مع مقصود عواطف. والله تعالى اعلم. (الا يعلم من خلق وهو اللطيف الخبير) صدق الله العظيم.
|
|
|
|
|
|