سلام الطيب عمى لزم اسمه احمد ملقب بالمدير,,وهو لا مدير لا حاجة لا بعرف كتابة , لا قراية لكن منضمة والله منضمة,,من قمت شفتو سواق,,,وهو سواق المستشفى حام كل الجزيرة فى وظيفته هذه اخيرا استقر فى ابقوتة يقال له المدير ,,الكبير والصغير يناديه بالمدير يوم قمت سالت الوالد قلت ليه عمى دا سمه المدير ليش قال لى عمك دا مشى بعد 6 سنوات,,,كان خليقة,,لكن حبوتك طوالى بتنقزو وبتقول ولدى يكبر ويبقى مدير,,مش مدير مدرسة ولا شركة,,,مدير قيد وقتها مافى مدير قيد غير يكون خواجة فسمى بالمدير ,,حتى عياله اسمهم اولاد المدير ولسع مدير
صديقى وصاحبى ,,,اسمه نادر يلقب بالدكتور,,,نادر الدكتور مش دكتور نادر,,,وهو خريج جامعة النيلين قسم المحاسبة وعامل كم دورة فى الكومبيوتر بس ملقب بالدكتور,,,من ولدوه امه كانت بتقول ولدى يكبر ويبقى دكتور عشان هى ولدت بيه قيصرية,,,وعجبتها منهة الدكترة
صديقى الجميل ادم اسحاق ابكر ,,يلقب بادم دل,,وdill دى يعنى قلب بالهندى,,حين قدم الى الهند كان لابس فنلة كان مرسوم عليها قلب,,وهى دعاية لفلم مشهور لعامر خان ,,اسمه دل سى دل ملقياه ومن يومها اشتهر بادم دل,, ادم دا درس اقتصاد ثم ماجستير فى المحاسبة,,ثم منحته الجامعة لتحضير الدكتوراه فى علم البنوك والله يالطييب ,,مرة من المرات وهو فى سنته الاولى ببحث عنه فى مكتبة رجل الدستور الهندى دكتور امباتكار من الظهر الى المغرب وانا دخل المكتب ,,بكورك وبفتش ليه رف رف,,فى النهاية لقيتو غاتس ليه فى كتب من سنة 1870 قال لى دى لعالم اقتصاد هندى ,,درس فى انجلترا سنة كيت وصاحب نظرية كيت,,توفى سنة كيت ادم من اولاد شرق جمل مرة اسى مقيم فى استراليا وعلى ما اعتقد محاضر فى احدى الجامعات,,,مش ممكن يصلح يكون وزير والله ممكن يحل مشكلة دارفور بس هو عندو عيب ليس بكوز تحياتى ليه
انا غايتو اخر وزير سمعت بيه وكان بملى الخشم هو النذير دفع الله ووقتها انا فى الابتدائى لكن بعدها والله يا ود شيقوق ما لقيت وزير تربية ملىء عينى تحياتى
|
|