|
Re: أحدث لافتة بالخرطوم (Re: Ameer Elfatih)
|
سمح الوصوفو --- حاج الماحى
--------------------------------------------------------------------------------
سَمح الوصوفو يا رب نشوفو حَرَمو وسُرُوفو ..نَعقِبْ نطوفو الراوي سَمّ ونقّر دفوفو *** مَدحاً مُوزّن ..فوق الحُروفو بالألف.. الله ربي اللطوفو *** بالباء .. بهلّو الأسرار في جوفو بالتاء .... توانى مِسْكو العَسوفو *** بالثاء .. ثنايا بَرقاً خَطوفو يالجيم .. مجمّل سمحات وصوفو *** بالحاء .. حُيُالو ضرع العجوفو بالخاء ...........لخلقو ينظر يشوفو *** بالدال .. دَواياَ للصايبو جوفو بالذال ..لى ذكراً شاع في الخيوفو *** بالراء .. رءوفاً للناس عَطوفو بالزين ....... لى زياً يوي العَكوفو *** بالسين .. يساعد للكان لهوفو بالشين.. شفاعتو يوم الوقوفو *** بالصاد .. صحابتو شايلين سيوفو بالضاد .. يضوّي بين الألوفو *** بالطاء .. مُطهّر قلبو الرؤفو بالظاء.. يظِلّو الغيم رفوفو *** بالعين ..علامتو فوق الكتوفو بالغين .. غَفَرْلو وأمّن لى خوفو *** بالفاء .. فصيحاَ للسر كَشوفو بالقاف ....... قفّل باب الخسوفو *** بالكاف .. لى كفاَ ينبع سُرُوفو باللام ..... لِماهو يا رب نشوفو *** بالميم .. معاهو يوم الوقوفو بالنون .. نروّح لى ذاك غوفو *** بالهاء .. نهاجر ونسعى ونطوفو بالواو ...ولامِن آخر الحروفو *** بالياء.. يمينو يكرم ضيوفو
يا ربّي سَآلك تقبل لى مطلب *** تعطيني جملاً كَبِبي أصهب مُو الدون قِصيّر وماهو المشقلب *** أصهب بشاري طايع مأدب صدراً مفجَّج في شوفتو ترغب *** سَرجاَ سناري محكوم مذهب والفروة مِرعِزْ اتنيها واركب *** فوقو إن رفعت من حينو جَلّب قُلتْ يا سلاماً أقبل وقبقب *** تسمع مشيهو رجليهو طَبْ طَبْ ينسف دوايرو بينات يلعب *** ليهو المسافة تِنْصّرْوتقرب الماحي فوقو بىمدحو يطرب *** بى زمزميتو والزاد محقّب إن ردت تاكل وإن ردت تشرب *** هوِّى ومُناي في ام سور وكوكب القبة خضراء ونساما هبهب *** نوصل نزورو وفي شفاعتو نُكتب
|
|
|
|
|
|
|
العنوان |
الكاتب |
Date |
أحدث لافتة بالخرطوم | Ameer Elfatih | 05-31-09, 11:54 AM |
Re: أحدث لافتة بالخرطوم | Ameer Elfatih | 05-31-09, 12:02 PM |
Re: أحدث لافتة بالخرطوم | سلمى الشيخ سلامة | 05-31-09, 12:57 PM |
Re: أحدث لافتة بالخرطوم | مصطفى توفيق | 05-31-09, 01:10 PM |
Re: أحدث لافتة بالخرطوم | Ameer Elfatih | 06-01-09, 02:53 PM |
Re: أحدث لافتة بالخرطوم | Adil Hamza | 06-01-09, 03:21 PM |
Re: أحدث لافتة بالخرطوم | حسن الجيلى سعيد | 06-01-09, 05:54 PM |
Re: أحدث لافتة بالخرطوم | سناء عبد السيد | 06-01-09, 06:06 PM |
Re: أحدث لافتة بالخرطوم | BitAlhana | 06-01-09, 07:01 PM |
Re: أحدث لافتة بالخرطوم | ثروت سوار الدهب | 06-02-09, 06:28 AM |
Re: أحدث لافتة بالخرطوم | Elbagir Osman | 06-02-09, 06:50 AM |
|
|
|