آدم الهلباوي والسقوط الاخلاقي ....

Quote: علاء بني صهيون ، الاخوه و الاخوات المتداخلون ، سلام عليكم و رحمه الله و بركاته يعني أنا كان يوم جاتني سكته قلبيه و أنا بقرا في سودانيزاونلاين فبالله شيلو ديتى من معظم المشاركين في البوست ده ......!!!! أول حاجه أنا ح أفترض إنو معظمكم ما قرا البوست بتاع : بورداب الرياض وحملة وليد دارفور ذات الاجندة الصهيونة .. !!! و الافتراض ده نتيجه لحسن ظني بالناس البتكتب هنا ، لانو ما ممكن أصدق إنو في بني أدم ربنا اداهو بصر و بصيره يجي ينتقد علاء في فتحو للبوست ده بعد ما يقرا بوست بورداب الرياض وحملة وليد دارفور ذات الاجندة الصهيونة . و القصه باختصار إنو أخونا عبد الرازق الطالب من ما بدت حمله وليد دارفور و لحد ما إنتهت و بعد ما إنتهت بيكتب في المنبر ده إنو الحمله دي اتعملت باجندة صهيونية ، علاء فتح البوست بتاع "بورداب الرياض وحملة وليد دارفور ذات الاجندة الصهيونة .. !!! " و طالب ود الطالب بانو يورد أسباب إتهاماتو . ود الطالب لا أورد سبب إتهاماتو لناس قعد معها في الغربه سنينا عددا ،لا قال بيني و بينهم ملح و ملاح و لا كمان إعتذر . أها ده كلو كوم و دخول أخونا ادم الهلباوي كوم تاني ، دخل مع ود الطالب و خربو البوست و عملوه المهديه و الخليفه عبد الله و صور لا ليها أول لا ليها أخر ... أنا شخصيا دخلت كم مرة طلبت من الهلباوي إنو ينصر أخوه ظالما ، و ينصحو بالاعتذار كان ما عندو دليل و لا شاهد لصحه إتهاماتو لكن لا حياه لمن تنادي !!!! الصوره مثار الخلاف هنا ، أوردها علاء بيقول للهلباوي ، إنت ما كنت مشارك في الحمله دي و أهو دي صورتك ماسك يد فلان و فلان ... عبد الرازق الطالب جا كتب : Quote: "الأرباب خالد سعيد.. من بعد التحية.. لاحظ يد الهلباوي.. وبتفهم كلام العرب.. و معلق عليها تحت ب Quote: "الهلباوي يعبر بالصورة عن موقفه من الحملة الصهيونية.. ولا كلام العرب قاسي يا الأرباب.." كل المتداخلين سالو الهلباوي عن رايو في كلام ود الطالب ، الهلباوي نزل تلاته مداخلات بعد داك و ما رد على إستفسارات الناس دي ، معناها موافق على كلام عبد الرازق ، و قديما قيل : السكوت علامه الرضا !!! و كونو يجي بعض الاخوان و االاخوات و يلومو أخونا علاء على فتحو للبوست ده ، فده ممكن يكون من مسببات سكتتي القلبيه المتوقعه في أي لحظه ألان !!!!!!