|
Re: -_- هَمْهَمَة -_- (Re: ibrahim fadlalla)
|
الأستاذ الأخ إبلراهيم
سلام كبير
Quote: هم .. هجع زي ..الوجع فوق الضرس لامن .. نتح خلى الوسع خريم إبرة *** |
يا سلام ... كلام زي الترتيب أبعد الله كل الهموم ( ما عدا هم العرس اللي أكعب من وجع الضرس )
Quote: هم .. هطل هم ..مطر هم .. وقع .. في الجوف و انزرع .. هم .. كبر هم .. سبر هم .. بذر هموم ..تترى *** |
حكمة و الله
هناك حكمة يا أبو خليل تقول : الهم لو أصابك فهو واحد ، و إن جلستَ تحاوره صارا إثنين
Quote: وقليبي ..الركع .. هزهز .. نتر.. جابد .. فتر حيلو .. انكسر وماتت عزة .. النبرة.. *** |
ياخي في دي بالغت ...مبالغة في النظم و تصوير الحالة لأول مرة تقابلني العبارة دي ( عزة النبرة ) فالعزة غالبا ما تكون واضحة في عزة النبرة
Quote: هم .. حتل في بير الهموم الجوة الفؤاد .. حفرة .. هم .. نزل لا راح واتنسى .. لا فات .. طلع .. مع الزفرات .. زفرة أو دمعة .....منطفرة في الدميعات وكتين ..يساسقن .. في حدق العيون .. مليانات .. حسرة *** |
عشت حالة مشابهة
Quote: هم ..نطع هم ..لطع هم ..رتع هم .. قطع .. وش الفرح .. معنى الفرح من الروح ..إنترا *** هم .. هجم هم ..كجر هم ..لبد هم .. برة هم .. هرد الفؤاد ..وإنزرد في الفؤاد ..قرا.. *** هم .. ألَمَّ هم ..وهَمَّ هم ..هَلُمَّ هم ..وجرَّا |
يديك ألف عافية كن بخير
|
|
|
|
|
|