|
Re: العام الخامش عشر لجعفر المسحوق (Re: مصعب عوض الكريم علي)
|
البلوله حاج الأمين من شعراء منطقة الجزيره بندىبحجرالعسل،(قرية كجينه)صاحب مفرده متفرده ،لديه المله القويه فى استخراجها وتطويعها،وخصوصا"فى شعر المسادير ،وقد كتب مسدار 104 رباعيه فى رحله باللورى لمسقط رأس اخواله بود حسونه،ويمتاز بالسباكه فى هذا الشأن ،واحسبه الأوحد ،ولايمكن لشاعر ان يجاريه فى الشعر الرباعى،لانوا زى مابقولوا (قطعو اخضر)
**ذكر لى ابن عمى ابراهيم الفاضل بابكر ودالزين ابن أخت البلوله حاج الأمين،قال لى لما كنت بقرأ فى الجامعه كان عندى صاحب اسموا احمد طه من ريره ..وانا بعرفوا كمان،هذا الفتى مولع بالشعر الرباعى ،فمره شفتوا شايلوا رباعيه وبكلم بيها فى الناس وبقول انو ماممكن لزول ان يجارى هذه الرباعيه ،فقال لى قلت ليه عندى خالى يمكن يجيب احسن منها ،فرسلتها للبلوله وقلتلواياخال دايرك ترد لى على الرباعيه دى الان. الرباعيه بتقول : اهلى الكانوا سادات الحجاز فى أسيا ربوّ وعلمو الأجيال وصبحت قاسيه اهلى الكفهم مطر السوارى الراسيه أسأل منهم حتى اللئام القاسيه
رد البلوله الجعلى وقال:
أهلى العزت الدين ولليتاما مواسيه تيجان الملوك دون عمتم متواسيه افريقيا وأوربا واستراليا وأسيا مع امريكيا خايفين من جنايا سواسيه
أهلى الكانوا سادات الحكم فى الدنيا أهلى العروتين عرفوها وأخدو الدنيا أهلى الفى الجهاد بزلوا النفس والدنيا أهلى أحبتم ربحانه أخرى ودنيا
أهلى الكانوا سادات الحكم فى شندى سكين جوع وكفا" بالفضائل يندى داقين فى رؤوس اهل العفاف برمندى والباشا الغشيم سولو فعل المندى
أهلى الفى المحاص كل الخلوق أدرابن وأهلى بكسر الحجر الأصم درابن الدين والفضايل لى القمم سادرابن المختار دليلم و الطريق بادرابن
أهلى بكفى أعوام المجاعه سرابن أهلى بغرق القاصد الكريهه سرابن يوم الحاره بتحلق صفوف اسرابن أسأل جيرتم شايق مع كاسرابن
أهلى المولى لى ريسة المداين جابن النار لى عدوهم والسعيد بنجابن أهلى بمحن الأسد الهصور سنجابن أرباب المعارف دانو لى أنجابن
أهلى المولى فى قسم الفراسه بدابن الفرع اليبيس من الجوار بندابن كم كم من تلوب فى الحاره من سندابن سيفن بجدع الهامه وصميم كندابن
أهلى العزه ليهم قسمه من وهابن كبير المرده إحتار فى جنابن وهابن الفارس العنيد ساعة اللطام بوهابن فى كل البشر فرضه وفرق إيهابن
أهلى شريعه لى ضيوف الهجوع أبوابن أهلى شريعة الخير فطره عند بوابن هيبات الملوك تلقاها فوق نوّابن راجع بالقماح البى قبيحه نوابن
**صاحبكم بعد ما سمع رد البلوله قال ليهو طبعا"وديت ردك البلد ولقيت الشعراء الكبار كلهن فاتوا البلوله قال ليهوا والله كمان انا أصغر زول فى شعرانا
حسونة خالد * منبر حجر العسل
|
|
|
|
|
|
|
العنوان |
الكاتب |
Date |
حجر العسل.. | مصعب عوض الكريم علي | 02-05-09, 03:37 PM |
حجر العسل.. | مصعب عوض الكريم علي | 02-05-09, 03:39 PM |
Re: حجر العسل.. | مصعب عوض الكريم علي | 02-05-09, 03:45 PM |
Re: حجر العسل.. | مصعب عوض الكريم علي | 02-05-09, 03:47 PM |
Re: حجر العسل.. | Gaafar Ismail | 02-20-09, 05:50 AM |
Re: حجر العسل.. | مصعب عوض الكريم علي | 02-28-09, 07:08 AM |
Re: حجر العسل.. | مصعب عوض الكريم علي | 03-11-09, 09:39 PM |
رد | معاوية عوض الكريم | 02-19-09, 07:14 PM |
رد | معاوية عوض الكريم | 02-20-09, 06:10 AM |
العام الخامش عشر لجعفر المسحوق | مصعب عوض الكريم علي | 03-11-09, 09:41 PM |
Re: العام الخامش عشر لجعفر المسحوق | مصعب عوض الكريم علي | 03-12-09, 07:18 PM |
Re: العام الخامش عشر لجعفر المسحوق | مصعب عوض الكريم علي | 03-20-09, 12:06 PM |
Re: العام الخامش عشر لجعفر المسحوق | مصعب عوض الكريم علي | 03-20-09, 09:05 PM |
Re: العام الخامش عشر لجعفر المسحوق | مصعب عوض الكريم علي | 03-20-09, 11:22 PM |
Re: العام الخامش عشر لجعفر المسحوق | مصعب عوض الكريم علي | 03-21-09, 02:04 PM |
Re: العام الخامش عشر لجعفر المسحوق | مصعب عوض الكريم علي | 03-28-09, 08:39 AM |
Re: تحية الي حجر العسل | عمر صديق | 03-31-09, 09:38 PM |
Re: تحية الي حجر العسل | مصعب عوض الكريم علي | 04-07-09, 03:31 PM |
Re: تحية الي حجر العسل | مصعب عوض الكريم علي | 06-08-09, 07:59 AM |
|
|
|