|
العام الخامش عشر لجعفر المسحوق (Re: معاوية عوض الكريم)
|
الزول البدور راحة فؤادو يسوي خروج ويرجع لي بلادو يقضي العيد مع حرثو وولادو الرزق من الله مقسوم لي عبادو ** منو الجاهد تعب فى رزقو زادو؟ كتير الجاهو رزقو هو فى قعادو يحكي قليبي عن شوقو وسهادو الغريب في غربتو وما نال مرادو ** طريت بلدي العظيم الجاري نيلو طريت شاطيهو والمشرق نخيلو طريت السابقين ديك من رعيلو ** هلاكو وضيعتو انت بقيت دليلو شقاوة الفيهو والفات وامليلو هد الخير قفلو وسدد سبيلو متين يا الله هاده الشين تزيلو ** كل الفي البلد فكر يهاجر وحتى القاضي سوي جوازو تاجر وحاكم الدولة ظالم ثم فاجر رعاياك فى السجون جوة المحاجر ** محامي لقيتو ينجر فى المناجر ودكتور يبني ما بين طوب واجر وليد البدري لي موجهنا زاجر ودموع أطفالنا ماليات المحاجر ** نرسل ليك فيزا عشان تزورنا؟ وكلمة (ياعبد) جرحت شعورنا تراك قلعتنا وعريت جذورنا نحن حرقنا مش فارن قدورنا!! ** صحيح رئيسنا عندو فنون عجيبة كل ما مر يوم يعلن مصيبة كمان فرض الغرامة مع الضريبة كتير كشونه زى غنم الزريبة ** 15 سنة وفى نفسو ريبة كل يوم يتخيل الاحزاب قريبة قولة (نعم) بقت غنوة حقيبة حليل بلدي البريدة ولي حبيبة ** أريتك يا الرئيس تسمع غنايا زمان والله نحن بلدنا آية متل بيت الكريم لام الرمايا يقسم للدول ويدي العطايا ** تري البترول حكايتو بقت دعاية حتى أكان طلع ما ظنو غاية أبكفي ألفي الجنوب حايمين عرايا؟ وكمان ناس الغرب دارين سقايا ** وبرضو الوزراء واقفين في الزوايا وكل واحد يفكر في البنايا يقولوا الفقراء كتبوا ليك محاية وشريف كركوج كمان أداك عصاية ** كدي قوم يا الرشيد جيب الدواية عشان اكتب فصول من الرواية فراق أولادي تب ما كان هواية وأنا أدينت لي بتي السماية ** تعال دول الخليج شوف الضحايا وناس البقعة ما لاقين ضحايا جاتني من البلد كترة وصايا!! علبة الصلصة من ضمن الهدايا ** تخوجل في البلد بالعباية والراجيلو فيك خير يا عشايا زى الفوق جبل وفوق راس حصاية حفر غرق زرع لي هناك نوايا ** غلطان سيدي من أول بداية هو الوداك وعلمك القرابة اسمع صوتو قال: آخر جزايا تسب قبري وتكتل في جنايا ** تعبنا وضقنا ما فيهو الكفاية منى نصيحة ليك أنا في النهاية تسوق الجيش وتقعدو بس حماية كريم المولي غفار الخطايا ** لكن كان أبيت اسمع منايا يجي القذافي ياخدك في السبايا تكون طباخ معاهو في السرايا تطلبوا تقولو : حسني يكون معايا ** وبعد الحال بتشبع في الجرايا تعيش وتعيش وتتخطي المنايا وديل العلماء كايسين الكرايا بليد وغليد عشان نهب العمايا؟ 1/4/1984م صديق صالح الحلو
|
|
|
|
|
|
|
العنوان |
الكاتب |
Date |
حجر العسل.. | مصعب عوض الكريم علي | 02-05-09, 03:37 PM |
حجر العسل.. | مصعب عوض الكريم علي | 02-05-09, 03:39 PM |
Re: حجر العسل.. | مصعب عوض الكريم علي | 02-05-09, 03:45 PM |
Re: حجر العسل.. | مصعب عوض الكريم علي | 02-05-09, 03:47 PM |
Re: حجر العسل.. | Gaafar Ismail | 02-20-09, 05:50 AM |
Re: حجر العسل.. | مصعب عوض الكريم علي | 02-28-09, 07:08 AM |
Re: حجر العسل.. | مصعب عوض الكريم علي | 03-11-09, 09:39 PM |
رد | معاوية عوض الكريم | 02-19-09, 07:14 PM |
رد | معاوية عوض الكريم | 02-20-09, 06:10 AM |
العام الخامش عشر لجعفر المسحوق | مصعب عوض الكريم علي | 03-11-09, 09:41 PM |
Re: العام الخامش عشر لجعفر المسحوق | مصعب عوض الكريم علي | 03-12-09, 07:18 PM |
Re: العام الخامش عشر لجعفر المسحوق | مصعب عوض الكريم علي | 03-20-09, 12:06 PM |
Re: العام الخامش عشر لجعفر المسحوق | مصعب عوض الكريم علي | 03-20-09, 09:05 PM |
Re: العام الخامش عشر لجعفر المسحوق | مصعب عوض الكريم علي | 03-20-09, 11:22 PM |
Re: العام الخامش عشر لجعفر المسحوق | مصعب عوض الكريم علي | 03-21-09, 02:04 PM |
Re: العام الخامش عشر لجعفر المسحوق | مصعب عوض الكريم علي | 03-28-09, 08:39 AM |
Re: تحية الي حجر العسل | عمر صديق | 03-31-09, 09:38 PM |
Re: تحية الي حجر العسل | مصعب عوض الكريم علي | 04-07-09, 03:31 PM |
Re: تحية الي حجر العسل | مصعب عوض الكريم علي | 06-08-09, 07:59 AM |
|
|
|