نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: تمنطاشر ياناير..غنية عشان العشاق (Re: Tumadir)
|
تماضر النقاء
يا بعض ما اضعنا و مصطفي
فخر جيلي و مرواد مآقيه
دمت رمزا للوفاء
فتاح يا عليم رزاق يا كريم صلى على عجل همهم همهمة
حصن للعباد وهوزز سبحتو ودنقر للتراب هم فوق هم همـة
صنقع للسما
وكان فى الجو فى غيم وكم نجمات بعاد وكان الدنيا صيف
لا قالتو كيف ...كيف اصبحت كيف
لا لمسة حنان لا لمسة وداد لا رمشة طريف
من قلبا وفى زى ايام زمان
ايام الدفى
كانت ماهـا
فى كانت فى المراح شدتـلـو الحمار تحلب فى الغنم
لى شاى الصباح والطير ما نضم ما رسل نغم
عم عبد الرحيم
اتوكل نزل فى المشرع لقا زملان الشقا
الجا من الجريف الجا من الجبل عل الناس بخير
صبح هاظرم نقنق ناقرم غاظوه نعل
وعم عبد الرحيم ما بخبر زعل
كل الناس هنا ما بتخبر زعل
تزعل من منو وتزعل فى شنو
كل الناس حنان كل الناس صحاب كل الناس اهل
والماهم قراب قربم العمل
الطاق اليطق عشت ابو الزمل
بالحالة العليك بالفال بالامل
عم عبد الرحيم
كت فلاح فى يوم فى ايدك تنوم على كيفك تقوم
لا دفتر حضور لا حصة فطور تقرع بالقمر تزرع بالنجوم
لكن الزمن دوار آ بدوم
عم عبد الرحيم
ماشى على الشغل فى البال القديم اتعارض تكل
تنشايح جراح .. يا كيف الغسل ؟
الدنيا ام صلاح تبدأ من التكل
من حج الصباح فى حق الملاح
فى اللبس الجديد فى القسط القديم
وبيناتن عشم ......فى الفرج البعيد
امونة الصباح قالتلو النعال والطرقة انهرن
ما قالتلو جيب ما قالتلو جيب شيلن يا الحبيب
غشهن النقلتى والترزى القريب
بس يا ام الحسن
طقهن آبفيد !! طقهن آبزيد !! انطقن زمن
وان طق الزمن لازمك توب جديد وبى اية تمن
غصبًا للظروف والحال الحرن
شان يا ام الرحوم ما تنكسفى يوم لو جاراتنا جن
مارقات لى صفاح او بيريك نجاح ده الواجب اذن
وايه الدنيا غير لمة ناس فى خير او ساعة حزن
عم عبد الرحيم.. يا حر . . ماكا حر
ياريت التمر يا ريت لو يشيل كل تلات اشهر
والله ايام زمان كانت ما تمر
كان ما جاك هوان ما لاقاكى ضر
كان لا ضقت ضيق لا اتغرغر فقر
لا شابيت غريق لا طلوح صبر
وكان ما كان وكان كان اكسيكى در
حيكومات تجى وحيكومات تغور
تحكم بالحجى بالدجل الكجور
ومرة العسكرى كسار الجبور
يوم باسم النبى تحكمك القبور
تعرف يا صبى مرة تلف تدور
ولا تقول برى او تحرق بخور
هم يا الفنجرى يا الجرف الصبور
كل السقتو ما باقى على التمور
وارضك راقدة بور
لا تيراب وصل لا بابور يدور
والماهية اف ... عيشة هاك وكف
فى هذا الزمن تف يادنيا تف
فى هذ الزمن
تف يا دنيا تف
يا العبد الشقى ما اتعود شكى
لكن الكفاف فوقك منتكى
والسوق فيك ياسوق حالا ما تسر
الا كمان فى ناس فايتاك بالصبر
ساكنين بالايجار لا طين لا تمر
واحدين بالايجار ما لا قين جحر
سلعتم الضراع والعرق اليخر
عمال المدن كلات الموانى الغبش التعانى
بحارة السفن حشاشة القصوب لقاطة القطن
الجالب الحبال الفطن الفرن
الشغلانتو نار والجو كيف سخن
فرقاً شتى بين ناس عيشا دين مجرورة وتجر
تقدح بالاجر ومرة بلا اجر
عيشهم كمهو ديل شوف كمهم
وديل شوف هان قدر
وناسا حالا زين مصنع مصنعين طين فى طينو وين ؟
ما مرابو مر بارد همها
لا بعرق جبين لا وشا يصر
عين والله عين كلها كمها عزها هان قدر
دى الجنة ام نعيم الجنة ام قصر
يا عبد الرحيم الا ورا القبر
يلكد فى الحمار لا تسرح كتر
وان كان الفقر
يا عبد الرحيم اشبه بالكفر
حكومات تجى وحكومات تغور
تحكم بالحجى بالدجل الكجور
ومرة العسكرى كسار الجبور
يوم باسم النبى تحكمك القبور
تعرف يا صبى مرة تلف تدور
ولا تقول برى او تحرق بخور
هم يا الفنجرى يا الجرف الصبور
كل السقتو ما باقى على التمور
وارضك راقدة بور
لا تيراب وصل لا بابور يدور
نقرط للحمار نقريط الحمار لا تنسى النعال
الطرقة ، الخدار
اللبس الجديد تسريح السفر
للماشى الصعيد ماشى الديش نفر
والبــال اشتغل ...والبال اشتعل
ب الابا مايعيد الحول ما اشتغل
الغبن الشديد السابة ورحل
الضيق المحل الفرج القريب ... الجا وما وصل
زى الحال دة يوم لا كان لا حصل
والبال اشتغـل
السكة الحديد يا عم القطر
يا عبد الرحيم
قدامك قطر
وسال الدم مطر وطارت دمعتين
وانشايح وتر يا طاحن الخبر
ما بين القضا ومرحاكة القدر
الشهدو الدموم و الدمع الهدر
ايدهم فى التراب والعين فى القطر
عارفين الحصل عارفين فى حذر
الخبر اليقين بوخ وانتشر
اطفال القرى وعمال الحضر
ادوهو الطيور ودنو البحر
انصاع السحاب وادفق مطر
عم عبد الرحيم ... فى الشارع عصر
لى تالا اليسار متفادى الكجر
عربية الكجر دورية الكجر
جفلت الحمار وطوح زى حجر
وعم عبد الرحيم ,,,, اتلافا القطر
فتاح يا عليم سال الدم مطر
جرتق بالتراب منشور بكتاب
روشتة وجواب ماهية شهر
مفتاحا قراب اورنيقين سهر
جم لبدة حمار مقطوعين ضهر
عم عبد الرحيم يا كم من بشر
عم عبد الرحيم يا كم من بشر
صحى الموت سلام ما يغشاك شر
صح فى الموت سلام
ما يغشاك شر
|
|
 
|
|
|
|
|
| العنوان |
الكاتب |
Date |
| تمنطاشر ياناير..غنية عشان العشاق | Tumadir | 01-18-06, 06:52 AM |
| Re: تمنطاشر ياناير..غنية عشان العشاق | Tumadir | 01-18-06, 06:53 AM |
| Re: تمنطاشر ياناير..غنية عشان العشاق | أبوذر بابكر | 01-18-06, 07:49 AM |
| Re: تمنطاشر ياناير..غنية عشان العشاق | adil amin | 01-18-06, 08:52 AM |
| Re: تمنطاشر ياناير..غنية عشان العشاق | Abureesh | 01-18-06, 09:18 AM |
 Re: تمنطاشر ياناير..غنية عشان العشاق | Yasir Elsharif | 01-18-06, 05:45 PM |
| Re: تمنطاشر ياناير..غنية عشان العشاق | هاشم نوريت | 01-18-06, 05:56 PM |
| Re: تمنطاشر ياناير..غنية عشان العشاق | Adil Osman | 01-18-06, 05:57 PM |
| Re: تمنطاشر ياناير..غنية عشان العشاق | Adil Osman | 01-18-06, 06:04 PM |
| Re: تمنطاشر ياناير..غنية عشان العشاق | هاشم نوريت | 01-18-06, 06:04 PM |
| Re: تمنطاشر ياناير..غنية عشان العشاق | Adil Osman | 01-18-06, 06:08 PM |
| Re: تمنطاشر ياناير..غنية عشان العشاق | هاشم نوريت | 01-18-06, 06:10 PM |
| Re: تمنطاشر ياناير..غنية عشان العشاق | هاشم نوريت | 01-18-06, 06:10 PM |
| Re: تمنطاشر ياناير..غنية عشان العشاق | Adil Osman | 01-18-06, 06:16 PM |
| Re: تمنطاشر ياناير..غنية عشان العشاق | Adil Osman | 01-18-06, 06:22 PM |
| Re: تمنطاشر ياناير..غنية عشان العشاق | Adil Osman | 01-18-06, 06:27 PM |
| Re: تمنطاشر ياناير..غنية عشان العشاق | هاشم نوريت | 01-18-06, 06:33 PM |
| Re: تمنطاشر ياناير..غنية عشان العشاق | Ibrahim Adlan | 01-19-06, 00:43 AM |
| Re: تمنطاشر ياناير..غنية عشان العشاق | Tumadir | 01-19-06, 05:04 AM |
| Re: تمنطاشر ياناير..غنية عشان العشاق | Yasir Elsharif | 01-19-06, 05:40 AM |
| Re: تمنطاشر ياناير..غنية عشان العشاق | Omar | 01-19-06, 11:26 AM |
| Re: تمنطاشر ياناير..غنية عشان العشاق | عمر ادريس محمد | 01-19-06, 12:02 PM |
| Re: تمنطاشر ياناير..غنية عشان العشاق | عمر ادريس محمد | 01-19-06, 12:32 PM |
| Re: تمنطاشر ياناير..غنية عشان العشاق | هشام آدم | 01-19-06, 12:49 PM |
| Re: تمنطاشر ياناير..غنية عشان العشاق | احمد العربي | 01-19-06, 01:02 PM |
|
| |
فيس بوك
تويتر
انستقرام
يوتيوب
بنتيريست