وتخرجين من أحزانك مبتلة بالجمال..نادية عثمان مرحبا

Quote: نادية، احزني ماشاء فيك الوفاء لعهده معك! وبقدر حزنك وبقدر دموعك، ادعي.. دموعك بتغسل احزانك وانا باعتبرها دعاء! اختمي آلام يومك بدعاء من قلبك المحروق و جددي عهدك مع ربك الرحمن الرحيم وادعيه انو يصبرك ويثبتك وادعي ليهو يا ناديه! انحنا الحيين حلنا ساهل، الدموع بتخفف شويه، والصلاة بتخفف، ووقفة الأهل والأصحاب بتهون القواسي بس، الاعزاء الذين رحلوا بحاجة إلينا يا نادية، ومحتاجين لدعواتنا ليهم بالرحمة وبيصلهم الدعاء والأعمال الطيبة انت ما معترضة على حكم الله ومؤمنة، بس الفراق حار ومن حقك تبكي والله عادل ورحمن ومطلع على القلوب في الحزن، استفتي قلبك بس! وذكرى زوجك الراحل بتبقى حية في قلبك وخليها دافية بكثرة الدعاء له و الصدقة على روحه... الله يهون عليك حزنك وينزل السكينة على قلبك ويرحم زوجك و يجعل قبره روضة من رياض الجنة ويعوض شبابه الجنة يا رحمن يا رحيم شكرا ليك يا تماضر، وان شاء الله ما تدوقي لا انتي ولا نادية و لا أي زول حرقة فراق زول عزيز