نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: دفرة يا سيزيف..(أو ذلك الشرغرغ) (Re: عصام عبد الحفيظ)
|
أعزائى
شكرا على صبركم الطويل.."ماديرة اجيب سيرة الآبرى لأنه ده شرغرغ ناس تانيين"
المهم مريت على كل ردرودكم وقلت اطلع منها بذبد الحديث فوجدت شرغرعاتكم "شططا"
اختزل بعضها هنا من الناس المارديت عليهم:
ابو ساندرا
الخلوة والفلقة
سير الفحضة
نصر الدين صلاح
بيصحوا الساعه اربعه صباحا عشان يمشي يجيب رغيف
من الفرن قبال اذان الصبح و عمره 11 سنه
لنا المهدى
صديقة أمي كانت بتسرحنا زمان بطريقة عجيبة
تهوي المشط بزاوية قائمة على أم الرأس ولمن المشط (يتغزا) بهذه الطريقة في الرأس تدور أعيننا في محاجرها!
ثم تميله بزاوية حادة و من ثم تمرره على الشعر!
عماد عبد الله
رمضانيات سودانية ماهي مستوردة .. مية مية رمضانيات .
صوت بايخ .. و موسيقى أبيخ .. و بيجي البرنامج قبل شراب الموية بشوية .. و الجوطة و الربكة بتاعت : يا ولد رشيت الفسحة ؟ أجري فرش البرش .. كسر الفول .. ألحق دكان عبدالله جيب شاي , الإبريق وين ؟ أمشي ناس سكينة جيب الصاج .. دخل الغنم قبل المغرب .. البلاعة لغاية هسه ما اتغرفت ليه ؟؟
سلوى
سيزيف لم يوقظ يوميا الرابعة فجرا للصلاة حتى في الأيام التي ترفع فيها عنه الصلاة بحركاتها المعهوده، ويقتله الحياء وهو ابن احدى عشر ربيعا أن يصرخ يا عالم الله منحني رخصة فأرحموني،
سيزيف لم يصلي في شتاء قارس وهو يدري أنه لا يجب أن يصلي،
حمد صاحب عصام جبر الله
فجاة حمد قعد يضحك، مالك يا زول؟ قال و هو طفل كل امنيتو لما يصحي الصباح انو الابل الساعى بيهو الليلة ما يكون فيهو واحد هايج ....
لكن التانى ده بالغ: لما نكون عاوزين نرفه بنمشي نسك المرفعين.
بالله سلم عليه. "بس ما تخليه يسككك" هههههههههه
ممكونة
قرصة الورك..
الرصعة..
سرٌيح الشعر..
المراسيل..
غسيل العدة....إلخ..
كانت بمثابة (( سيزيفيات )) حياتي..
سيف النصرمحى الدين محمد أحمد "اسمك ده براهو داير ليه دفرة  "
هذا النبش العبثي بصبر تراه في ملامح وجوهن و هن
يحدقن بكل تركيز في محتويات صندوق القمامة حتى لا تفلت علبة من بين أيديهن
سيف مساعد "اكتر زول حننى"
يمشي الطاحونة بالحمار كيلتين ونصف ويشق الزراعة وينط الحمار
ابو عشرين يقع ويقع الدقيق من فوق ليهو ودي مامشكلة العتالة ورفع الشوال تاني
يكون في الطريق مافي ولا زول
وكمان صحيت الساعة خمسة يمشي السوق يشتري الملاح قبل المدرسة
يجي راجع والازمة قئمة عليهو من الجري عشان يحصل المدرسة ما ياخد علقة
بالمسطر في الاسابع من وراء
نديدى ابو مهيار
: قسوة النظام
معروف سند
انا شغال شرغرغ ووشر (washer )
امجد
في الاخر جاو هرقل و نحنا منظريين جودو
سيف خليل
فلكل مرحلة شرغرغها..حقة تمباك الجد في مرحلة..مرسال السوق في مرحلة تليها..دا غير شرغرغات المدرسة..المدونة،الحساب الاملائي،الاملاء،التسميع..وفي المتوسطة الاملاء الانجليزي..وللثانوي والجامعة شرغرغاتها..اما في الحياة الزوجية..ما اكثرهن من شرغرغات ’’بالالوان
نادر السودانى
كل ذوول بي حالو يدور
يلملم في الشقي المشرور
الوجع في الجيب مصرور
لابسد لابيبل الزور
سيف خليل تانى جاب حكمة فيلسوف
الحياة هي المصيبة التي تسبق الموت
واسما عبد الحليم التى تشاركنى "الوجع" فى الشرغرغ قالت
المحيرنى فى غسيل الشرغرغ ليه سواد البن ما بطلع من تحت الاضافر إلا بعد يومين؟
ده كله ما بلحق فرتيق اللمة للعب بى بت أم لعاب.
وختمتها بمقولة ما زلت ادندنها فى سرى:
ودفرة يا سيزيف حافى حالق
أبو جهينة أديب نوبا اراب قال:
غاسل الشرغرغ و المقروصة في الورك ( كهاتين ) .. و أشار بسبابته إلى كومتين في جبهته
و لكنه لم يذكر تسريح الشعر بعد غسله حيث أن الكومة التالتة كانت قد بدأتْ في الفششان.
سلمى داوود .."يا حبوبة بيعضيني!!" ههههه
وصديق الموج الحاسد الراصد قال لى: غسلى شرغرك واندمسى
"وانفعت ضاحكة"
ومحمد المرتضى حامد قال قاصدا سيرين: قولي ليها ..حرما
المشكلة الناس ما حيفهموها الا تحكيها ليهم ...رايك شنو؟
وبدرالدين السمح قال "وليته لم يقل" شفتي (قابلني) البكتبها الأستاذ في الكراس دي مش شرغرغ دي الجمرة ذاتها
ونذار حسين اتبحر فى العلم حين قال:
ونيوتن زاتو كان يحمل اناء به ماء يرمي فيه كل ما يراه شرا...فأكتشف أن كل شر يغرق بقدر حجمه
ويزيح من الماء كذلك قدر حجمه....قام قال ايوا....الشر غرق....لكن الموية الغرق في محلها وينا؟
وبدأ ينظر...النظرية اللا يومن دا...
ومن وقتها...والداير ليه فنجان جبنه...يستعمل نظرية الشر غرق...وسموا الاناء باسم النظرية
وتراجى مصطفى "بعد لسانها ده كله" قالت: تسريح الشعر كانت هاريانه بيه اختي تغريد...اظنها عشان ما
متمكنه من العمليه لصغرها فكانت بتظعمتنا ظعميط عجيب
وطاخخخخخخخخخخخ بالفرشه في راسك لو اتحركتي...تسريح
امي كان آخير...اظنها العقدة الخلتني كارهة الشعر
وبقيت تفه من دخلت الجامعه,وخلصنا من الموضوع.
خليل جاب لستته وجا:
شرغرغات
لدغة الثعبان والعقرب
المغص الكلوي
ختان الاناث والرجال
الولادة عند المراة
الفلس
الفشل العاطفي
العجز الجنسي
وعادل بدوى جابها من آخرها ولجأ للقانون وأتى بنموذج بخيت:
سِمِعْتو بالمثل البقول: "راحة بخيت"؟!
أصلو بخيت كان بِسْرَح بالعجول...أها، يوم قالوا ليهو: الليلة يا بخيت أديناك راحة ما تَسْرَح بالعجول، أسرح بالسخيلات.
أتاريكم كلَّكم كُنتو، يوماً ما، في راحة من زفت سي زفت...سارحين بالأزفت مِنُّو!
حَقُّو تطالبوا أهلكم بـ"عائدات تعويضية"..."بتوضيحاتها"
ههههههههه
اما عصام عبد الحفيظ فجاب الشرغرغ زاتو تصور لما عاينت ليه حنننى ولقيت روحى ما زعلانه منه ..يعنى الصورة عملت لى ثيرابى وكثارزس
فى ناس رقيقين وما عندهم تاريخ جايلد ابيوز
مثلا:
شهاب الفاتح:
تسريح الشعر المتلبد: ملل و قسوة النظام.
القرصة: الالم.
الشرغرغ: حدث كل يوم سخف كل ساعة.
وكل عام وذاكرتك بالف خير يا غالية.
وعيد سعيد.
وعادل عثمان جاب صورة سمحة وقال:
لى حين العثور على شرقرق او صورة شرقرق.. كتابتك جميلة يا تماضر وفيها نصوص سيزيفية كثيرة. عيد سعيد.
وعبده عبد الحميد عبد الله "الاسم برضو شرغرغى جدا" ههههه
والله يا تماضر ماشاء الله كتبت مفردات ذكرتنا عصر ما قبل الكيانات يا سلام
على الزمن الجميل وناسه الرائعين .
نصر الدين صلاح عجبتو عبارتى بتاعة كلكم كنتو فى حالة جايلد ابيوز جابها بأبيوزها ختاها ومشى
واحمد العربى ابو الصحب:
صديقتي الجميله
اجمل ليفة اشميق
لك
وجبنات رايقات لا يتعكرن
كل سنه وانتي اجمل
وسماءاتك صافيات
مودتي
والقلب النابض "اظنها مبسوطة منى فى بوست السكر داك قالت
لعزيزة تماضر
كل سنة وانت طيبة ...
واصدقاء الشرغرغ بخير ...
بوست معاني وذكريات ..
منى أحمد ست الامتاع قالت لى:
لعزيزة تماضر
كل سنة و انت طيبة
و شكرا جزيلا على الامتاع
كتابة رائعة بحق
أتمنى أن تواصلي امتاعن
نهال كرار جابت للشرغرغ فيروز عديل كده..
مع انه شرغرغها كان لايخلو من الحنكشة:
بوستك دا هسي ذكرني بأيام الشعر المنكوش والوش المغبر والكرعين الحفيانه
ذكرياتي مع عجلتي الحنينة
لغاية اليوم بتمنى أرجع أركب لي عجلة ولو لدقيقة
اها ياعصام ماقلت لى النفرين المع الشرغرغ ديل منو؟
والله انتو ناس جميلين بحق ..
شكرا لكل مداخلاتكم التى اضحكتنى كثيرا وخففت على "ليفة الشرغرغ" التى تليفت على خاطرى باحكام ولن "تتفرتق" ابدا.
|
|
 
|
|
|
|
|
| العنوان |
الكاتب |
Date |
| دفرة يا سيزيف..(أو ذلك الشرغرغ) | Tumadir | 10-24-06, 07:51 PM |
 Re: دفرة يا سيزيف..(أو ذلك الشرغرغ) | tmbis | 10-24-06, 08:16 PM |
| Re: دفرة يا سيزيف..(أو ذلك الشرغرغ) | Tumadir | 10-24-06, 08:29 PM |
| Re: دفرة يا سيزيف..(أو ذلك الشرغرغ) | Tumadir | 10-24-06, 08:36 PM |
| Re: دفرة يا سيزيف..(أو ذلك الشرغرغ) | Sabah Hussein | 10-24-06, 08:40 PM |
 Re: دفرة يا سيزيف..(أو ذلك الشرغرغ) | شهاب الفاتح عثمان | 10-24-06, 08:44 PM |
 Re: دفرة يا سيزيف..(أو ذلك الشرغرغ) | tmbis | 10-24-06, 08:51 PM |
| Re: دفرة يا سيزيف..(أو ذلك الشرغرغ) | NASERELDIN SALAH | 10-25-06, 00:22 AM |
| Re: دفرة يا سيزيف..(أو ذلك الشرغرغ) | Hussein Mallasi | 10-25-06, 05:23 AM |
| Re: دفرة يا سيزيف..(أو ذلك الشرغرغ) | Tumadir | 10-25-06, 05:30 AM |
| Re: دفرة يا سيزيف..(أو ذلك الشرغرغ) | Hussein Mallasi | 10-25-06, 05:43 AM |
| Re: دفرة يا سيزيف..(أو ذلك الشرغرغ) | أبو ساندرا | 10-25-06, 05:57 AM |
| Re: دفرة يا سيزيف..(أو ذلك الشرغرغ) | lana mahdi | 10-25-06, 05:57 AM |
| Re: دفرة يا سيزيف..(أو ذلك الشرغرغ) | Emad Abdulla | 10-25-06, 07:40 AM |
| Re: دفرة يا سيزيف..(أو ذلك الشرغرغ) | Salwa | 10-25-06, 07:19 AM |
| Re: دفرة يا سيزيف..(أو ذلك الشرغرغ) | Bakhaf | 10-25-06, 07:38 AM |
| Re: دفرة يا سيزيف..(أو ذلك الشرغرغ) | Hussein Mallasi | 10-25-06, 08:09 AM |
| Re: دفرة يا سيزيف..(أو ذلك الشرغرغ) | عصام عبد الحفيظ | 10-25-06, 08:37 AM |
| Re: دفرة يا سيزيف..(أو ذلك الشرغرغ) | esam gabralla | 10-25-06, 08:22 AM |
| سيزيفيات. | mamkouna | 10-25-06, 08:32 AM |
| Re: دفرة يا سيزيف..(أو ذلك الشرغرغ) | Adil Osman | 10-25-06, 03:20 PM |
| Re: دفرة يا سيزيف..(أو ذلك الشرغرغ) | سيف النصر محي الدين محمد أحمد | 10-25-06, 05:01 PM |
| Re: دفرة يا سيزيف..(أو ذلك الشرغرغ) | saif massad ali | 10-25-06, 05:46 PM |
| Re: دفرة يا سيزيف..(أو ذلك الشرغرغ) | Tumadir | 10-25-06, 07:46 PM |
| Re: دفرة يا سيزيف..(أو ذلك الشرغرغ) | Abomihyar | 10-25-06, 09:08 PM |
| Re: دفرة يا سيزيف..(أو ذلك الشرغرغ) | Marouf Sanad | 10-25-06, 10:03 PM |
| Re: دفرة يا سيزيف..(أو ذلك الشرغرغ) | Amjed | 10-26-06, 00:40 AM |
| Re: دفرة يا سيزيف..(أو ذلك الشرغرغ) | saif khalil | 10-26-06, 05:56 AM |
| Re: دفرة يا سيزيف..(أو ذلك الشرغرغ) | Hussein Mallasi | 10-26-06, 06:09 AM |
| Re: دفرة يا سيزيف..(أو ذلك الشرغرغ) | saif khalil | 10-26-06, 08:48 AM |
| Re: دفرة يا سيزيف..(أو ذلك الشرغرغ) | عصام عبد الحفيظ | 10-26-06, 09:51 AM |
| Re: دفرة يا سيزيف..(أو ذلك الشرغرغ) | نادر السوداني | 10-26-06, 01:18 PM |
| Re: دفرة يا سيزيف..(أو ذلك الشرغرغ) | khaleel | 10-26-06, 01:31 PM |
| Re: دفرة يا سيزيف..(أو ذلك الشرغرغ) | Asma Abdel Halim | 10-26-06, 06:10 PM |
| Re: دفرة يا سيزيف..(أو ذلك الشرغرغ) | النذير حجازي | 10-26-06, 07:13 PM |
| Re: دفرة يا سيزيف..(أو ذلك الشرغرغ) | Tumadir | 10-26-06, 08:33 PM |
| Re: دفرة يا سيزيف..(أو ذلك الشرغرغ) | عبده عبدا لحميد جاد الله | 10-26-06, 08:52 PM |
| Re: دفرة يا سيزيف..(أو ذلك الشرغرغ) | عصام عبد الحفيظ | 10-27-06, 01:27 AM |
| Re: دفرة يا سيزيف..(أو ذلك الشرغرغ) | saif khalil | 10-27-06, 05:48 AM |
| Re: دفرة يا سيزيف..(أو ذلك الشرغرغ) | NASERELDIN SALAH | 10-29-06, 00:55 AM |
| Re: دفرة يا سيزيف..(أو ذلك الشرغرغ) | ابو جهينة | 10-30-06, 02:10 AM |
| Re: دفرة يا سيزيف..(أو ذلك الشرغرغ) | Salma Daoud | 10-30-06, 02:31 AM |
| Re: دفرة يا سيزيف..(أو ذلك الشرغرغ) | صديق الموج | 10-30-06, 03:06 AM |
| Re: دفرة يا سيزيف..(أو ذلك الشرغرغ) | احمد العربي | 10-30-06, 03:12 AM |
| Re: دفرة يا سيزيف..(أو ذلك الشرغرغ) | محمد المرتضى حامد | 10-30-06, 04:03 AM |
| Re: دفرة يا سيزيف..(أو ذلك الشرغرغ) | Tumadir | 10-30-06, 06:27 AM |
| Re: دفرة يا سيزيف..(أو ذلك الشرغرغ) | بدرالدين شنا | 10-30-06, 06:22 AM |
| Re: دفرة يا سيزيف..(أو ذلك الشرغرغ) | nazar hussien | 10-30-06, 09:15 AM |
| Re: دفرة يا سيزيف..(أو ذلك الشرغرغ) | القلب النابض | 10-30-06, 09:25 AM |
| Re: دفرة يا سيزيف..(أو ذلك الشرغرغ) | Tragie Mustafa | 10-30-06, 09:35 AM |
| Re: دفرة يا سيزيف..(أو ذلك الشرغرغ) | khaleel | 10-30-06, 11:57 AM |
| Re: دفرة يا سيزيف..(أو ذلك الشرغرغ) | منى أحمد | 10-30-06, 03:43 PM |
| Re: دفرة يا سيزيف..(أو ذلك الشرغرغ) | نهال كرار | 10-30-06, 05:54 PM |
| Re: دفرة يا سيزيف..(أو ذلك الشرغرغ) | Adil Al Badawi | 10-31-06, 00:35 AM |
| Re: دفرة يا سيزيف..(أو ذلك الشرغرغ) | عصام عبد الحفيظ | 10-31-06, 06:44 AM |
| Re: دفرة يا سيزيف..(أو ذلك الشرغرغ) | Tumadir | 11-02-06, 06:30 AM |
| Re: دفرة يا سيزيف..(أو ذلك الشرغرغ) | محمد خضر الغامدى | 11-02-06, 07:25 AM |
| Re: دفرة يا سيزيف..(أو ذلك الشرغرغ) | Nadia Elsir | 11-02-06, 08:10 AM |
| Re: دفرة يا سيزيف..(أو ذلك الشرغرغ) | Hussein Mallasi | 11-02-06, 08:21 AM |
| Re: دفرة يا سيزيف..(أو ذلك الشرغرغ) | wedzayneb | 11-02-06, 09:23 AM |
| Re: دفرة يا سيزيف..(أو ذلك الشرغرغ) | محمد خضر الغامدى | 11-03-06, 10:49 AM |
| Re: دفرة يا سيزيف..(أو ذلك الشرغرغ) | Tumadir | 11-03-06, 06:17 PM |
| Re: دفرة يا سيزيف..(أو ذلك الشرغرغ) | Tumadir | 11-03-06, 06:19 PM |
| Re: دفرة يا سيزيف..(أو ذلك الشرغرغ) | wedzayneb | 11-04-06, 07:10 PM |
|
| |
Tumadir
فيس بوك
تويتر
انستقرام
يوتيوب
بنتيريست