ماهي مفاتيح قلب المرأة

لو عملت ليها دا كلو ، وما اشتريت ليها الدايراو
فمعناتو حتاكل نيم
ولو عملت وعملت وجيت غلطت أو قصرت في حاجه ، فهي احتمال ما حتسأل نفسها يا ربي مفاتيح قلبو شنو الراجل دا ، وأجيبو تاني كيف وأخلليو في السلك ، لاكين يمكن تلاقي وتسمع وتشوف البخلليها تدخل مع زمرة كافرات العشير اللي ذكرهن نبينا أنك مهما أحسنت اليها في الدهر ورأت منك ما لا يعجبها فانها تكفر لك احسانك و تنساه ، وديل قال أنهن ماليات جهنم مع أنهن مسلمات ، يا ساتر ، الله يحفظكم



ملاحظة على نقطة الاصغاء
انو المرأة لا تحكي لأنها تريد حلا ، يعني ممكن المرأه تحكي ليك قصة أو مشكلة خاصة بيها أو بصديقتها ، وتقوم سعادتك تختصر المنضمه و تديها الحل طوالي

تكون انت هنا فاكر نفسك عملت معروف في المرا ، وتتفاجأ برد فعل ما يعجبك من بعضهن ، السبب أنها بتحكي ليك لأنها دايراك تسمع المشكله ، يعني أهم ليها أنك تسمع المشكله من أنك تحلها ليها أو لصديقتها

برضو مفروض بناتنا يفهمن الفرق دا في تركيبتنا ، يعني الرجال بحبو يشوفو الحل طوالي ، وكونو الراجل اختصرك باعطائك اقتراحات ، فدا ما معناتو أنو زول ما بسمع ولا بهتم ولا بحس ووو
قد يكون العكس ونظلم بعض

قاربوا و سددوا

وربنا يفتح لينا قلوب نسواننا ، ويفتح قلوب نسواننا لينا
ويا رب اجعلنا مفاتيح للخير مغاليق للشر

وتسلمو يا حبايب
وما تنسوا مفتاح العربيه المرسيدس دا برضو مفتاح مهم جدا بيسعد بعض النسوان