|
|
 Re: طرائف الفنانين والفنانات (Re: بلدى يا حبوب)
|
الفنانة عائشة الفلاتية رحمة الله عليها كانت بنت بلد خفيفة الدم مشبعة بروح امدرمان ولها كثير من النوادر والقفشات التلقائية كان الشاعر السراحمد قدور قد منخا قصيدة -يا حبيى انحنا اتلاقينا مرة- فاهملتها وسالها اكثر من مرة السر قدور فطالبته ببعض التعديلات مما جعله يحولها الى الفنان الراحل العاقب محمد حسن الذى لحنها وغناها وتقبلها الناس قبولا حسنا ملأ قلب النانة عائشة الفلاتية حنقا عندما قابلت السر قدور فى مكاتب الاذاعة قالت له من الغيظ (ده كله منك داهية تأخذك وتاخد عوض جبريل تقصد طبعا الشاعر عوض جبريل يرحمه الله وعندها ضحك السر قدور وسألها عوض جبريل ذنبه شنو اجابت 0( ما شين زيك
الراحلة المقيمة الفنانة منى الخير قدمت روائع مثل اغنية الحمام الزاحل وعيون المها واحترت معاك وايام وليالى وعلشان هواك حبيت قمرية فى الدوح وغيرها ولكن كانت قد اختفت زمانا وانقطعت اخبارها عن الوسط الفنى وكعادة الاذاعة فى ذالك الزمان سعت اليها واجرت معها حوار وختم مقدم البرنامج بسؤال فى غايةالطرافة 0 لو قالوا ليك اختارى عريس من الوسط الفنى تختارى منو ولم تكن قد تزوجت بعد فقالت على استحياء عبد العزيز دؤاود قالوا ليه متزوج قالت عثمان الشفيع برضو طلع متزوج قالت صلاح محمد عيسى برضو قالوا ليها متزوج قالت بكل تلقائية 0 الباقين ما بنفعوا معاى
الراحل المقيم الشاعر محمد بشير عتيق كل شعره او اكثره فى الغزل فهو مولع بالجمال والناس القيافة حملوه مرة الى مستشفى امدرمان مريض وبعد ان بدات الطبيبة الوسيمة تقيس حرارته ونبطه ظل يرنو اليها فتناول ورقة من ايدها ورقه رغم مرضه وكتب ابياتا ظاهرها الفكاهة والدعاية وباطنها الاعجاب والغزل
عيان سيادتك
قاصد عيادتك
اديهو وصفه
او حبة سلفه
ولو فيها كلفة
------
مع تحياتى ليك يا بشرى سليمان
|
|
 
|
|
|
|
|
| |
بلدى يا حبوب
فيس بوك
تويتر
انستقرام
يوتيوب
بنتيريست