|
Re: طب إبن سينا و أبوقراط ... و قلع الضرس بالملقاط (Re: ابو جهينة)
|
العـــزيز (ابو جهينة )
بخصوص (الدكاى) عندنا زمان المزارعين كانو بيوزعوا على نفسهم يوم قعدة الدكاى ،كل يوم عند واحد فيهم ، اليوم داك صاحبنا كان الدور عليهو ،بس هو اظنو اهمل فى الموضوع وترك باب الغرفة اللى فيها (الدكاى) مفتوح ، يقوموا خرفان وغنم الحلة يدخلوا الغرفة يضربواالدكاى كلو وخصوصا بقايا البلح المترسب فى قاع الفخار
صاحبنا لمن جا داخل لقى الخرفان متكلة فى الحيطة (سكرة ينى) فإستشاط غضبا وبدا يمسك خروف خروف ويمسك الخروف من خشمو ويشمو ، من يلقى ريحة الدكاى يعاجله بصفعة مع بعض السباب لحد ما لقى فى اخر صف الخرفان سخلة صغيرة برضها سكرانة قام صفعها صفعة جامدة وقال : ديل عرفناهم كبار إنتى كمان متين إتعلمتى السكر . اما بخصوص لبن الحمار فالموضوع كان شايع برضو ، وكمان فى الحصبة يأكلوك فار مشوى ويقولوا ليك ده زرزور. ولك والاسرة الكريمة التحية
|
|
|
|
|
|
|
|
|