دكتور نت
والله موضوعك جميل وطرح هادف جدا
الم تسمع يا دكتور بان هناك من قال ان السودانيين هم اصل العرب
؟ اكيد الناس ديل بيكونوا عايزين ينقلوا للعرب الثقافة العربية الاصيلة. ح نبداها من الثقافة المسموعة شفت كيف ونسمعهم تسجيلات لقيقم وكرومة وسرور. وبعدين ننقلهم الى الاشياء المرئية ونعرض ليهم الدوبيت والهمبته والعرضه والجلد بالسوط في مشاهد مسرحيه ونقول ليهم ناس ابوجهل زمان كانو كدى
، وبعد داك ح نستعرض فيهم امكانياتنا اللغوية ونديهم عينة من العربي الفصيح بتاعنا زى "مرقنبو قرنبو" ونرثي لهم لغتهم العربية التي كادوا ان ينسوها بعد ان شوهتا لهجاتهم الغريبه، ونذكرهم باننا احسن من يتحدث العربيه. اها بعد داك ح نديهم جولة في المعارض المصاحبة ونعرض ليهم التبروقه والابريق والعنقريب. بعد داك ح ناخدهم جولة على ظهور الحمير ليشاهدو جمال عاصمة الثقافة (بالمناسبة الجزيرة العربية دي فيها حمير
؟). طبعا اهم حاجة خلال جميع البرامج لازم يكون هناك مترجم عشان يشرح ويفسر للزوار الشبه عرب (ناس الجزيرة العربية) لانهم ما بيفهموا لهجتنا العربية الاصيلة
.
اها لمن تنتهي فعاليات المهرجان اكيد ح نكون كملنا للناس ديل كلامهم وما ح يلقوا حاجة يقولوها لينا غير (والله السودانيين اطيب ناس). اها بعد داك نحن ناخد جملتهم دى ونهلل بيها ونكبر بيها في اعلامنا لعشرة سنين قادمة على الاقل. بعد داك خلى يجي راجل يقول السودان ما بلد عربي
. وله مش كدا يا السنجك؟ بالمناسبة يخوانا اي زول ما عربي بعدين لن يسمح له بالمشاركة ومافي داعي للاحراج
.
(طبعا كل هذا السيناريوه باعتبار ان هناك حضور غير السودانيين انفسهم. فنحن نحب الثقافة العربية اكثر من باقي العرب وبالتالي اتوقع ان يعطونا المجال لنحتفل بمهرجانها (برانا). لان تجاربهم في هذا المجال كثيرة، قالوا الوحدة العربية قمنا نحن بقينا نهاتي بيها ليل على نهار، قالوا فلسطين عربية نحن قلنا نمشى نحررها وهم باعوها بهناك)
وشر البليه ما يضحك
فيس بوك
تويتر
انستقرام
يوتيوب
بنتيريست