|
Re: ونسه بنات (Re: bint_alahfad)
|
سلامات أخواتى العذيذات
الليله ياربى بقيت عموش ولا شنو؟ معقوله تكون سولارا كتبت وأنا ماشفن كتابتها؟ سولارا عليكى النبى أنت كتبتى بالحبر السرى ولا شنو؟ معليش أمسحيها فى وشى وما تاخدى بخاطرك..بعدين ما مشكله عذيذتى أنشاء الله تجدى هنا من تقارب أهتماماتك بس ما تسى تجيبى معاكى الشاى بالنعناع ومعاه شويه لقيمات وتجى..منتظرينك ما تتأخرى
بت قضيم اللذيذه
كيفك أنشاء الله تكونى تمام؟ الليله يومك كان كيف؟ الليله كان عرس بنت عمتى فى السودان أتصلنا بيهم كانوا مهيصيين شديد..عقبالكن جميعن أنشاء الله
أها قلتى كيف؟ الذال بتاعتى عجبتك؟ ألفها ليكى بس أبقى فى كلام الأخ تبلدينا ده عشره..أنا عندى الزال فى الكيبورد بتاعى لكن ما بفرق بيناتم كتير..يعنى الذال والزال مواحد؟ طب لذومو شنو التفتيش والعذاب خلينا فى الأريح أحسن
يلا يا بت قضيم ما تتأخرى..سولاارا جايبه الشاى وجايه, الفحى توبك وتعالى بسرعه..فتك بعافيه
فى بيتنا رجل!
الأخ الكريم هوبلس
شكرا للنصيحه..والحاله نحن كنا عايذين ناخد راحتنا شديد ولكن جات الحذينه تفرح..ملقتلهاش مطرح
الأخ الكريم تبلدينا
وعليكم السلام ورحمه الله
دعنى أذهب مباشره الى سؤالك الأخير
نقاش الأولاد مع البنات لا يفيد شيئا أن كان خاصا..يعنى ولد وبنت لأنه تكون فيه الكثير من المجاملات والكذب والتجمل من الطرفين وخصوصا الولد..لأنه لا ينسى أبدا أن من أمامه هى أنثى..فبالتالى يتجمل أمامها..لن تكون منه فايده لا من ناحيه دينيه ولا دنيويه كما أن البنت لن تجد راحتها التأمه فى الحديث مع الأولاد لأنها وفى كثير من الأحيان لن تستطع أن تحكى له بسرها..أنا هنا أتحدث عن الفتاه العاديه..أما التى يكون معظم أصدقاءها أولاد فلا أعرف عنها شيئا..أما بالنسبه للمناقشه فى مجال مفتوح مثلا البورد مثلا فهى أخف ضررا والأمكانيه فى الأستفاده تكون أفضل للأختلاف الأراء والثقافات والبعد عن الأختلاط المباشر والله أعلم
الغاليه هوزى..كيفك أنشاء الله تكونى تمام؟
أوافقك الرأى أنكى حين لا تعرفين شخصا ما جيدا ما حيكون لديك ما يكفى لتقوليه..بس أنا لسه مصره تورونى كلمه ذعمطه ده معناها شنو
أها النقول ليك..أنا أكثر كلمات برددها ماشاء الله وأنشاء الله ولاحوله ولا قوه الا بالله..ويا سبحان الله
العذيذات سودانيه وذوله 123
حبابكم عشره بلا كشره..أتفضلو أدخلو برجلكم اليمين, ومشكوره يا ذوله على اللينك لكن نحن عايذينك بيجاى أوضتكم ده أتملت رجال على نسوان ونحن عايذين نتونس براحتنا هنا, يلا ما تتأخرى
العذيذه بنيه
وينك ليكى ذمن ما باينه؟ أنشاء الله تكونى تمام وتسلمى للطله, لكن عليكى الله ما تتأخرى راجياك ونسه كتيره
أها يا بنات ممكن أفتح لى موضوع..فالنبدأ كل واحده تقول لينا هى بتجيد شنو من طبخ أو هوايه معينه
ثانيا أكثر الأشياء التى تعجبها فى الفتاه أو الشاب..يعنى لو وحده فيكن جات تختار شريك حياتها لا قدر الله ما هى الأشياء الثابته التى لا يمكن تتناذل عنها والحاجات الممكن تتفاوض فيها وكده
يلا خلينا نسمع منكن
وفى أمان الله
لا اله الا الله
|
|
|
|
|
|
|
العنوان |
الكاتب |
Date |
ونسه بنات | bint_alahfad | 05-26-03, 07:43 PM |
Re: ونسه بنات | بت قضيم | 05-27-03, 01:04 PM |
Re: ونسه بنات | بت قضيم | 05-27-03, 01:32 PM |
Re: ونسه بنات | سولارا | 05-29-03, 02:04 AM |
Re: ونسه بنات | bint_alahfad | 05-28-03, 11:28 PM |
Re: ونسه بنات | بت قضيم | 05-29-03, 01:17 AM |
Re: ونسه بنات | HOPELESS | 05-29-03, 01:31 AM |
Re: ونسه بنات | Tabaldina | 05-29-03, 01:43 AM |
Re: ونسه بنات | Hozy | 05-29-03, 01:24 PM |
Re: ونسه بنات | sudania2000 | 05-29-03, 01:57 PM |
Re: ونسه بنات | zola123 | 05-29-03, 02:01 PM |
Re: ونسه بنات | benyya | 05-29-03, 09:51 PM |
Re: ونسه بنات | bint_alahfad | 05-29-03, 11:09 PM |
Re: ونسه بنات | Hozy | 05-30-03, 00:58 AM |
Re: ونسه بنات | HOPELESS | 05-30-03, 01:06 AM |
Re: ونسه بنات | فيصل النعيمه | 05-30-03, 12:24 PM |
Re: ونسه بنات | obay_uk | 05-30-03, 12:55 PM |
Re: ونسه بنات | فيصل النعيمه | 05-30-03, 01:14 PM |
Re: ونسه بنات | hala guta | 05-30-03, 03:55 PM |
Re: ونسه بنات | سولارا | 05-30-03, 05:42 PM |
Re: ونسه بنات | bint_alahfad | 05-30-03, 10:42 PM |
Re: ونسه بنات | obay_uk | 05-30-03, 11:20 PM |
Re: ونسه بنات | HOPELESS | 05-30-03, 11:40 PM |
Re: ونسه بنات | bint_alahfad | 06-03-03, 10:48 PM |
|
|
|