|
Re: مدخل7 (Re: dabeep)
|
الاخ العزيز بدرالدين
loooooooooooooooooooooooooooooooooooooooooooool ودى والله الجير مابجيبا و(الجير بجيبا) لغة بنايين , لمن تبنى الأوضة وتبيضا بتكون فى حتت منقرة فبيقوم البناْء بيقول ليك (الجير بجيبا أها الوصلة العملتها دى مايعملها إلا فنان قدير ذى الأستاذ حمزة سليمان والخبيرة شيرى أولا أشكرك على الزبائن التمام شيرى كلها والأستاذ حمزة سليمان ديل ناس مروقيين, وطبعا دى ذكرتنا سواقيين السفريات بيكونو متفقين مع بتاعين المطاعم فى المحطات يجيبو الزبائن وعضتم برا أها يابدر الدين ما بنختلف , وكلما تكتر من الزبائن بنشيلك الكوارع وأم فتفت
الأستاذة شيرى والله جيتك مقدرة (والمعلم دقس يافردة ) وأنا ماخد راحتى لأنك قلتى بتتكيفى للرندوق والفارات , فأولاد شمس هم نحن ونحن أولاد شمس, بل بالعكس أنا بأخد المسائلة الى أبعد من مجرد تناغم بل هى ظاهرة إجتماعية فى مجتماعنا كونت طبقة ولغة وأى تجاوز لهذه الطبقة هو قصور فى فهمنا أما عن الدبيب فجاكاتك صحيحة (الجاكات هى المصادر) ومايقدر يغالتك فيها أى معلم, فالدبيب أول ما عرف بضهب الحفلات وفى بعض المصادر الحديثة ورد أن الدبيب هو النحل والنحل نوع متطور من الضهب أحينا تجاه المراءة الجميلة ولكن أغلبه تجاه السفاسف وهذا نوع غير محبب من الدبايب تسلمى ياستنا وأسف إذا أخدنا راحتنا شديد
أستاذنا حمزة سليمان
ياخى شكرا على الطله ,وإحتمال من حسن حظنا أن المعلم دقس وفتح لينا مدخل أعتبره المدخل الثامن8 وأشكرك على تعريف الدبيب فى اللغة (طويل العمر) ودى طبعا معلومة جميلة سوف نستعملها للمخارجة, أضف اليها كلمة الأخ الرحمابى (دبيب النمل ياخى تسلم وأنا تقريبا مصنف نفسى زول ظريف فقول لوووووووووول والبيت بيتك والغريبة كان معاى الفنان أسامة الشيخ قبل ما أراجع البوست , شغال قريب مننا ومرات بجى بضهب وكنا بنتكلم عن بعض الفنانين وعقد الجلاد وذكر فيما ذكر حمزة سليمان وبالضبط كانت الجملة حمزة سليمان ده فنان وملحن قدير وطبعا بقول الكلام للأمانة والتاريخ و لأنو بنحترم الفنان أسامة الشيخ و دايرنك تتوصى بيه فى أى عمل فى المستقبل, وكده نكون حبايب وأنا زولكم ده برجعوا ليكم لحدى بيتكم, لكن قروش ما برجعا ولوما راضيين أرجعوا إلى خارطة الطريق عند هوزى التحايا وخالص الود
والتحية للأستاذة هوزى والتحية لأستاذنا بدرالدين
دبيب
|
|
|
|
|
|
|
العنوان |
الكاتب |
Date |
مدخل7 | dabeep | 05-14-03, 06:32 AM |
Re: مدخل7 | HOPELESS | 05-14-03, 06:35 AM |
Re: مدخل7 | dabeep | 05-14-03, 12:31 PM |
Re: مدخل7 | esam gabralla | 05-15-03, 12:16 PM |
Re: مدخل7 | Malaz_Afkarna | 05-15-03, 09:42 PM |
Re: مدخل7 | dabeep | 05-16-03, 05:45 AM |
Re: مدخل7 | dabeep | 05-16-03, 05:48 AM |
Re: مدخل7 | coolcom | 05-16-03, 10:21 AM |
Re: مدخل7 | Tumadir | 05-16-03, 10:28 AM |
Re: مدخل7 | dabeep | 05-17-03, 07:31 AM |
Re: مدخل7 | dabeep | 05-17-03, 07:35 AM |
Re: مدخل7 | بدرالدين شنا | 05-17-03, 02:11 PM |
Re: مدخل7 | shiry | 05-17-03, 02:41 PM |
Re: مدخل7 | HAMZA SULIMAN | 05-17-03, 03:22 PM |
Re: مدخل7 | Abdalla Gaafar | 05-17-03, 07:31 PM |
Re: مدخل7 | dabeep | 05-18-03, 06:55 AM |
Re: مدخل7 | dabeep | 05-18-03, 07:00 AM |
Re: مدخل7 | بدرالدين شنا | 05-18-03, 07:24 AM |
Re: مدخل7 | HAMZA SULIMAN | 05-18-03, 11:11 AM |
Re: مدخل7 | moniem2002 | 05-20-03, 00:42 AM |
|
|
|