|
Re: وقع من أجل أستقرار وسلام فى دارفور (Re: bakri abdalla)
|
الاخ سفيان: شكرا على المرور ومؤازرة فكرة أن يجتمع أبناء دارفور الذين فرقهم العِدا (الاعداء) ولا أقصد اجتماع عاطل لان قلوب المجموعات ليست شتى (فى البال الايه : تحسبهم جميعا الخ) اقصد ان الطروحات الايدولوجيه لمختلف الجماعات ليست كثيرة الاختلاف . وماوجد ينحسم داخليا ... حكومة البلطجه وراس المال المالى كثيرة المكر ، الجبهه الشعبيه لتحرير شعوب السودان ما قدرت عليهم...
بخصوص الموضوع بتاع اللبراليه الجديده. داير ليهو روقه وزمن وبرضو ما داير ديوك العده وهم كثر هنا.. وبعدين انحنا قاعدين فى بلد اللبراليه الجديده "ام دق" .. بناكل من عرق جبيننا... وعندنا عيال .. وضغط .. ومسئوليات جانبيه أخرى .. قصدت أن أرض سودانيز اولاين دى كثيرة الدٌركشم (وهو ناشف الطين الذى وطأته البهائم حينما كان مبتلا) ولهذا تحتاج لموضوع ناشف تختو كلو تاح تاح وتشمر لى جميع الوان الخلق بكل الأجنده . وسط السودان وأزقته الضيقه والواسعه وقبوره وبلداته ومزارعه واحراشه وريفه ومدنه ، أحلامها وصبواتها وعنفها وغبينتهاوناسو المخندقين "الماسكين الدروب وعارفين عمايل اليانكى" كلو شقّينا وتعلمنا منه ولم ننسى شيئا .... لما الزول يتفرغ ممكن تتراجع الاجنده .. عل حال شكرا على المتابعه والاهتمام ... الاخوه عبده وعاصم وبكرى ... مشكورين ودى المحريه منكم وفيكم.. مع الود الفاضل الهاشمى
|
|
|
|
|
|
|
|
|