|
Re: الضحك شرطنا (Re: مريم بنت الحسين)
|
Today my keyboard refuce to write in arabic, so I am do the cut and paste to reply to you.....
متهيألي الكل أو غالبية الاخوة هنا شافوا المؤتمر الصحفي اللي عمله وزير الدفاع الامريكي رامسفيلد ورئيس الأركان الجيش الامريكي مايزر .. ومتهيألي الغالبية من الي شافوا المؤتمر قعدوا يضحكوا على الكلام اللي موجود فيه واللي كان يحكيه مايزر ورامسفيلد قال رامسفيد بيقول على العراق احترام اتفاقيات جنيف بخصوص معاملة الأسري ده عبيط ولا إيه .. إذا كان الامريكان أصلا لما دخلو الحرب دخلوها من غير أي شرعية دولة وبرفض من الامم المتحدة .. يعني عايزين داخلين حرب غير شرعية ومرفوضة على نطاق عالمي واسع .. وقال إيه عايز العراق تحترم معاملة الأسري .. طيب وضرب المدنيين في البصرة والعراق .. ده من خرق لكل الاتفاقيات .. وضرب المدارس والمناطق السكنية .. مش خرق لكل الاتفاقيات .. ولما يجيبوا الاسري العراقيين وهما مربطين على الارض والامريكان الحاقدين بيجروهم من رقابهم ده مش اهانه وخرق للاتفاقيات .. لما اخوانا في جوانتناموا يتعرضوا للاهانه والذل ومحرومين من أبسط الحقوق اللي تكلفها حقوق الإنسان لأي انسان على وجه الارض .. ولما يرموهم في أرض بعيدة من غير محاكمة ولا ذنب ولا اي حاجة كده افترا وبلطجه ده مش خرق لاتفاقيات الاسري
بعدين طلع لي مايزر بنكته ضحكت عليها أوي أوي أوي .. قال إيه العراقيين ينتهكون القواعد الدولية بخصوص ما يتعلق بالحرب .. طيب ازاي يا معلم مايزر قال إيه .. قال عملوا كمين لفرقة أمريكية واوقعوا فيها الخسائر الجسيمة وكان المهاجمون بلباس مدني طيب بذمتكم مش ده حاجة تضحك .. يعني انا عايز أفهم حاجة هما عايزين يدخلوا العراق .. ويقتلوا اللي فيها ويحتلوها وعايزين منهم انهم يستقبلوهم بالورورد زي ما كانوا متعشمين ويقيم العراقيين الاحتفالات هما بيستهبلوا ولا إيه العبارة .. أنا مش فاهم إيه الوقاحة دي .. بعدين قال رامسفيلد متضايق أوي من تصرفات العراقيين ... ليه يا عم رامسفيلد .. قال إيه ..العراقيين بتظاهروا انهم استسلموا فجأة لقوهم بيضربوا نار وبيقعوا الخسائر بينهم
طيب وإيه المشكله في دي .. أنا باعرف انو الحرب كل شئ فيها جائز مادام بتدافع عن نفسك .. ولا هما عايزين يقولوا للقوات الامريكية اسمعوا احنا عايزين نستهبل عليكم .. إحنا مش اسري أحنا فدائيي صدام ومسلحين خدوا بالكم منا والله صحيح شر البلية ما يضحك .. بس صحيح ان لم تستح فافعل ما شئت بصراحه إمبارح لما شفت محمد الصحاف على قناة الجزيرة وسمعت الثقة اللي بيتكلم فيها .. وشفت الاضطراب والهلع اللي باين علي وجه مايزر ورامسفيلد .. تأكدت فعلا مين اللي لحتي الان منتصر .. وعملية الصدمة والهلع طلعت من نصيب مين
وعبد الباري عطوان بيقولك احنا من كذا يوم بنسمع انهم اقتربوا من بغداد .. اقتربوا من بغداد .. والله لو كانوا راكبين الجمال .. كان وصلوا بغداد من زمان
المشكله بيقوللك انه لحتي الان الامور ماشية زي ما هي متوقع وزي ما هما راسمين بالضبط .. على الرغم من انهم ما قدروش انهم يسيطروا على أي مدينة عراقية لحتي الآن .. هما المنطقة الوحيدة اللي سيطروا عليها هي ميناء ام قصر وليس البلدة .. فقط الميناء .. وفي النهاية اخر قرار انهم عايزين يلتفوا حول البصرة ويتجاهلوها علشان يتقدموا لبغداد إذا كانت البصرة بعدد سكانها 2 مليون نسمه ما قدروش يحتلوها ولا يقدروا يعملوا حاجة فيها راح يعملوا إيه في بغداد اللي عدد تعداد سكانها حوالي 6-7 مليون بالإضافة إلي ارتال من الجيش العراقي والحرس الجمهوري والمتطوعين ... بالإضافة إلي كل الذخائر التي تملكها العراق موجودة في العراق .. وكل المدافعين عن الناصرية والبصرة لا يملكون غير اسلحة تقليدية خفيفة وعادية
الامريكان يدركون أنهم لحتي هذه اللحظه مهزومون والامور لا تجري كما يرام .. ويعلمون أن الحرب الاعلامية التي يشنوها فاشلة فهم يقولوا كلام .. يختلف عن الواقع .. في حين الاعلام العراقي ناجح بنسبة 90 % فهم يقولوا ويثبتون ما يقولونه بالأدلة الواضحة
ولهذا قامت الطائرات اليوم بضرب الاذاعية العراقية الارضية والفضائية حتي تخفف من الضغط الاعلامي التي تواجهه الولايات المتحدة .. ولكن هذا لن يؤثر في لامور شيئا فهناك المراسلين الكثر في بغداد تسطيع السلطات العراقية امدادهم بكافة الوثائق والأدلة على ما يحدث
اللهم انصر اخواننا في العراق وثبتهم
|
|
|
|
|
|
|
العنوان |
الكاتب |
Date |
الضحك شرطنا | مريم بنت الحسين | 03-25-03, 09:28 PM |
Re: الضحك شرطنا | Hozy | 03-25-03, 11:54 PM |
Re: الضحك شرطنا | مريم بنت الحسين | 03-26-03, 08:24 AM |
Re: الضحك شرطنا | Ahlalawad | 03-26-03, 08:37 AM |
Re: الضحك شرطنا | shiry | 03-26-03, 09:09 AM |
Re: الضحك شرطنا | ابو نور | 03-26-03, 09:51 AM |
Re: الضحك شرطنا | kofi | 03-26-03, 09:37 AM |
Re: الضحك شرطنا | alzabeah | 03-26-03, 09:47 AM |
Re: الضحك شرطنا | almulaomar | 03-26-03, 02:04 PM |
Re: الضحك شرطنا | مريم بنت الحسين | 03-26-03, 09:43 PM |
Re: الضحك شرطنا | ابويوسف | 03-26-03, 11:55 PM |
Re: الضحك شرطنا | مريم بنت الحسين | 03-27-03, 00:11 AM |
Re: الضحك شرطنا | WAD ELGAALI#4 | 03-27-03, 00:55 AM |
Re: الضحك شرطنا | مريم بنت الحسين | 03-27-03, 01:02 AM |
Re: الضحك شرطنا | WAD ELGAALI#4 | 03-27-03, 01:36 AM |
Re: الضحك شرطنا | مريم بنت الحسين | 03-27-03, 10:41 AM |
Re: الضحك شرطنا | نادر | 03-27-03, 11:19 AM |
Re: الضحك شرطنا | رباطابي | 03-27-03, 02:45 PM |
Re: الضحك شرطنا | مريم بنت الحسين | 03-27-03, 09:12 PM |
|
|
|