شكلة القمة العربية

مرحبا Guest
اخر زيارك لك: 05-02-2024, 07:16 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف العام (2003م)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
03-03-2003, 10:42 AM

Yassir7anna
<aYassir7anna
تاريخ التسجيل: 09-08-2002
مجموع المشاركات: 2634

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شكلة القمة العربية (Re: shawkat)


    طبعا زي ما قلت ليك السؤال صعب جدا لكن انا ح اتوكل على الحي الذي لا يموت واقول راي، سجن سجن غرامة غرامة

    بالنسبة لي ما حصل في مؤتمر القمة الشي المحيرني لليلة انه الراجل لما رد على العقيد مانفى انهم هم الجابو الامريكان بل قال ليه انت الجابك منو؟ يعني كلنا جابونا الامريكان ومافي حد احسن من حد، فمثل هؤلاء القادة لا اعتقد ان هناك رجاء من رواءهم

    بالنسبة لينا في السودان يخيل لي مسالة الوطنية غايبة تماما، يعني الؤلاء للبلد والخوف على المصلحة العامة يكاد يكون معدوم وده يرجع للأفراد نفسهم لأن صلاح الراعي من صلاح الرعية ولا يغير الله ما بقوم حتى يغيروا ما بانفسهم

    ممكن الخص هذه القضية في ثلاث أمثال لو استطعنا ان نغير هذه الامثال ولو بعد عشرة اجيال فاعلم تماما تاني ما بجينا التكتح

    دار ابوك كان خربت شيل ليك في شلية، انا ما عارف ليه ما قال حاول صلحها او اعد
    ترميمها او بنياتها

    جلدا ما جلدك جر فيه الشوك، يعني شي ما بيهمك شخصيا او ما بيشكل ليك مصلحة شخصية سيبك منو واظن ده واضح في مماراسات كتيرة بتم في الدواوين الحكومية

    وان فاتك الميري ادردق في ترابو، يعني عليك بالجاهز والساهل الشي الفيه تعب وشقى ده ابعد منو

    فلو تمعنت هذه الامثال الثلاث تجد انها بتطبق بحذافيرها من قبل سياسينا بدقة يحسدوا عليها كلهم مدنيهم وعسكرييهم، فهنا ده المحك الرئيسي فهذا الفهم لو ما اتغير فيا سوداننا عليك السلام

    ولو تذكر اخي شوكت يوم 30 يونيو 1989 الصباح يوم طلعنا ومشينا لفينا في العاصمة الخرطوم شارع شارع وكان معنا بعض الاخوة الافاضل الله يطراهم بالخير هل تذكر تعليقاتنا؟ انه ما كان في اي اهتمام من المواطنين بالذي يجري كان الانقلاب ده كان في بوركينا فاسكو يعني كان في عدم مبالاة بصورة محيرة، وهذا كله نتيجة للأحباط الذي حدث من مماراسات قادتنا الكبار، عدم وجود الديمقراطية
    فاذا ما مارسنا الديمقراطية كافراد من المستحيل أن نطبقها في ، مجتمعنا لأن الديمقراطية سلوك وممارسة وليست شعارات

    وعلى ما اعتقد اكبر شي كان مؤثر في عدم المبالاة ما حدث بعد الانتفاضة من سرقة، انا لم احضر اكتوبر ولكن قرات وسمعت عنها سمعت وقرات انها اجهضت لأنها اتسرقت، ونفس المسلسل طبق بحذافيره في انتفاضة ابريل بدون اي اضافة او نقصان، فبعد الانتفاضة جونا ناس سمحين ونضاف ولا بسين بدل واستلموا كل الشغلانة في ليلة وضحاها والغريبة نحن واقفين بنتفرج بدون ان يهتز لنارمش، والناس الصنعوا الانتفاضة وضحوا من اجلها بكل نفيس وغالي لم نسمع عنهم بعد الانتفاضة بتاتا، كالمحامي عمر عبدالعاطي ود تيسير محمد احمد وكثيرين غيرهم وجو ناس من وين ماعارف واستلموا كل الوظائف وكانت النتيجة هي ما نتجرعه الآن، فيخيل لي لو كل الذين عايشوا ابريل واشعلوها ليس على استعداد لأن يعاودوا الكره مره اخرى وذلك نتيجة الاحباط الذي اصيبوا به

    فمشكلتنا بالجد عويصة ولو مااتحلت ح تكون ياها نفس الدوامه الديمقراطية الجاية ما ح تكون افضل من القادمة ولا العساكر الجايين ح يكونا ارحم من الهسع

    والله يكون في العون

    (عدل بواسطة Yassir7anna on 03-03-2003, 10:47 AM)
                  

العنوان الكاتب Date
شكلة القمة العربية shawkat03-02-03, 07:37 AM
  Re: شكلة القمة العربية alsngaq03-02-03, 08:09 AM
  تاني shawkat03-02-03, 08:22 AM
  Re: شكلة القمة العربية albagir altahir03-02-03, 09:27 AM
  Re: شكلة القمة العربية abas03-02-03, 09:35 AM
  Re: شكلة القمة العربية Yassir7anna03-02-03, 09:42 AM
  تاني shawkat03-02-03, 09:48 AM
    Re: تاني شرير والبرتقاله03-02-03, 09:54 AM
  تاني shawkat03-02-03, 10:03 AM
  Re: شكلة القمة العربية maia03-02-03, 10:18 AM
  Re: شكلة القمة العربية zola12303-02-03, 12:14 PM
  Re: شكلة القمة العربية Khaalaleyaal03-02-03, 12:34 PM
  Re: شكلة القمة العربية alsngaq03-02-03, 01:00 PM
    ياشماتتة أبلة ظاظا فينا Hozy03-02-03, 10:17 PM
  مازال الهزل مستمراً shawkat03-03-03, 06:27 AM
  Re: شكلة القمة العربية Yassir7anna03-03-03, 10:42 AM
  شغل الحكومة لو بخلص كان أدوهو مقاول shawkat03-03-03, 11:17 AM
  Re: شكلة القمة العربية Yassir7anna03-03-03, 12:48 PM
  مره أخري shawkat03-03-03, 12:59 PM
  Re: شكلة القمة العربية AlRa7mabi03-03-03, 01:20 PM
  Re: شكلة القمة العربية Yassir7anna03-05-03, 12:18 PM
  Re: شكلة القمة العربية elhilayla08-17-03, 11:24 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de