|
سلامي ليكم ..... أسطورة
|
سلام أهل الدار …… نعلكم طيبين ……… والله نحن كنا بنجي مارين بي عندكم بي جاي ، لكن الصراحة ليك ي الله … إتو ما كنتوا بتخلونا نمر ساي إلا نخش و نقعد و نتعرف عليكم و على حياتكم السمحة الفي البيت دا …… والله بيتضيفونا آخر ضيافة وكرم … والواحد كان بيمرق من عندكم مبسوط ونفسو مفتوحة من شدة الكلام السمح الفي البورد … والله ما شاء الله عليكم . اها أنا كنت كل ما اجيكم امرق وانا حالفة إلا أبقى واحدة منكم واجي اسكن معاكم - مع إني ساكنة سكنة عندكم - … لكين كل مرة نفسي تقول ليا : هسة يا بت إتي زي ناس البيت دا عشان تبقي منهم ، اها هم بيدوك الكلام السمح والروح الحلوة ، إتي ماشة تديلم شنو؟. اها كل مرة في جنس الكلام دا …… لامن يوم شالتني الهاشمية ولقيت ليك روحي عضوة في البورد ( طبعاً بعد ما حرّقت روح بكري) _ وهسة بقول ليهو : اعفي لي يا بكري .. جننتك _ … اها بعد داك حسييت بالأنانية …… لأني كل يوم باخد منكم و بتعلموني شي جديد ، و أنا ما عارفة اديكم شنو ولا اسوي ليكم شنو…… هسة انا لي قريب الشهر و زيادة و ما عارفة اسلم عليكم حتى … لأنو ما لاقيا التعابير المناسبة عشان احييكم واقول ليكم : يا مبدعيين ! هل ممكن تقبلوا غير المبدعين في هذا البورد؟ اها قمتّ قلت مادام اصلي دخلت البيت لازم اشارك عشان إتو كمان من حقكم عليّ إني اوريكم مشاركاتي اكان سمحة كان شينة ، وإتو تحكموا …. وانا رضيانة بي حكمكم . لكين احتست في اني اشارك بي شنو ….. و أخيرا قررت إني اكتب حاجة من أوائل محاولاتي ..، لكنها قريبة من نفسي حبيبة لقلبي ……. وزي ما بقولوا الكحة ولا صمّت الخشم……….. ودي اول كحاتي ليكم …… مع كامل تقديري لكم زمرد
|
|
|
|
|
|
|
العنوان |
الكاتب |
Date |
سلامي ليكم ..... أسطورة | zomorrod | 02-23-03, 01:58 PM |
Re: سلامي ليكم ..... أسطورة | zomorrod | 02-23-03, 02:06 PM |
Re: سلامي ليكم ..... أسطورة | zomorrod | 02-24-03, 09:25 PM |
Re: سلامي ليكم ..... أسطورة | almulaomar | 02-23-03, 02:17 PM |
Re: سلامي ليكم ..... أسطورة | نصار | 02-23-03, 02:46 PM |
Re: سلامي ليكم ..... أسطورة | Teeta | 02-23-03, 10:09 PM |
Re: سلامي ليكم ..... أسطورة | مشتاق | 02-23-03, 10:20 PM |
Re: سلامي ليكم ..... أسطورة | وجن | 02-23-03, 11:31 PM |
Re: سلامي ليكم ..... أسطورة | zomorrod | 02-24-03, 09:35 PM |
Re: سلامي ليكم ..... أسطورة | Teeta | 02-24-03, 11:06 PM |
Re: سلامي ليكم ..... أسطورة | Teeta | 02-24-03, 11:08 PM |
Re: سلامي ليكم ..... أسطورة | toona | 02-24-03, 11:12 PM |
Re: سلامي ليكم ..... أسطورة | zomorrod | 02-25-03, 03:18 PM |
Re: سلامي ليكم ..... أسطورة | woroorrook | 02-25-03, 05:04 PM |
Re: سلامي ليكم ..... أسطورة | toona | 02-25-03, 06:51 PM |
Re: سلامي ليكم ..... أسطورة | bamseka | 02-25-03, 07:29 PM |
Re: سلامي ليكم ..... أسطورة | zomorrod | 02-26-03, 08:10 PM |
|
|
|