مسكين ابو طالب
كان فى دول الخليج شغال.. مع اميرة.. يحلم يرجع البلد فى الاجازة مدبج بالهدايا... ولفات التترون... والعمة الكرب... وكل تطلعاته لم تتعدى ان يشترى سفنجة يشغلها فى الخط... عندما فشل فى المدرسة بقى مساعد لورى.. لقى فرصة واغترب..شاب نوبى طيب كله كبرياء.....فى رحلة مع الاميرة وصل الولايات المتحدة.. وقرر ان يبقى بها ليحقق حلمه الذى لم يتحقق... وكمثل كل السودانيين بدا فى الاعمال الشاقة سواق بيتزا.. وتقدم بطلب لجوء سياسى.... وكسائر خلق الله.. خلق موضوع وهو لا يدرى عن السياسة الواو الضكر.... مرت الايام.. وتحصل على اللجوء وهو لا يعرف ان يركب كلمتيين بالانجليزى حتى العربى فى تلتله.. التقيت به وانا اكن له احترام..فهو نموذج للانسان البسيط.. ومرت الايام وهو يكد فى عمله.. ويلم فى الدولار....مرت فى اللجوء تقدم لجواز سفر للاجئين وقرر بعد اعوام من الشقاء ولم الدولار الاخضر ان يزور البلد.... وذى كل السبقوه سافر الى سوريا... ومنها بالجواز السودانى للسودان.. بالدولارات اول حاجة عملها اشترى بوكس تايوتا فى البلد.... وهى بداية تحقيق الاحلام... منذ نعومة اظافره..قضى اجازة والدولار اداه مكانة بين اولاد الحلة.. لم صرف ما فى الجيب قرر الرجوع.. ليواصل.. الرحلة المسعورة.. بقى يعرف كلمتين انجليزى لزوم العمل...كان يسكن معى.. وكناى فى نقاش بعد ان رجع من السودان بقى يمدح الحكومة السودانية.. وذى ناس كتار خشوا السياسة بالباب الخلفى.. بقى ابو طالب المساعد... يعرف فى السياسية... وفى المجالس يتحدث ويغالط ما خلاص ضمن اللجوء..... ومرت الايام وابوطالب يتحصل على الاقامة الامريكية القرين كارد... وبعد عاميين يقرر ان يذهب للبلد فى الاجازة.. ويضاعف الجهد.. يشتغل بيتسا واسبيرات.. ليل نهار ويلم فى الدولار.. فصل ليه بدلتين... وطلع الجواز الابيض.. والمرة دى على عينك يا تاجر ماشى السودان..... وصل الخرطوم.... ركب البصات للشمالية...وفى محطات التفتيش... ابو طالب يذدرى على رجال الامن.. والتفتيش.... ويهدهدم بمظره والبدلة.. ويطلع القرين كارد والمساكين ما عارفين حاجة .. يخلوه البص يمر... وهو آخر عظمة.... قضى اجازته.. بين الاهل ولى عروسه.. بعد ما انفق ما فى الجيب.. عاود.... رحلة الرجوع .. والبداية من الصفر...... خلاص بقى مشهور.. وعرف اصول اللعبة.. بقى حاجة تانية الامريكى.... وقضى عامين ورجع للزواج.. ززز عمل العرس ومشى السفارة.. لمن قدم للقرين كارد عمل انو متزوج.. موظفة السفارة تطلب منه الاوراق.. ومتخيل.. انها حاجة ساهلة وتمر.... تم مقارنة تاريخ الزواج.... الفعلى وتاريخ التقديم وكان هنالك اختلاف..رفض ليه ضم زوجته... رجع العريس.. وانتظر... ومرت الايام واتحصل.. على... الجنسية... وخلاص الامريكى راجع السودان........ ومشى البلد قام يفترى....ودخل فى مشكلة.. ورجع ابو طالب الامريكى الى عقلية المساعد سله سكينو وطعن.. وانتهى به الامر الى السجن......... كم زول ذيك.. فى كندا وامريكا... والمشكلة اتساوينا الدارسين وخريجين الخلوة.. وود الشيخ.. وود العمدة..وود البصير الطبيب والاستاذ الجامعى.. ومساعد العربية والجندى كلنا ركبنا سرج واحد فى بلد الغربة.. وتعال شوف واحد يقدم لجوء سياسى بانو عضو ومناضل فى الاتحادى وبعد داك يصدق..فى اى ندوة او اى مجلس ينبرى وكأنه ود السيد محمد عثمان... وخلاص اتساوت الكتوف .. وبقينا سواسية وهذه احد ميزات اللجوء والاغتراب... واتخيلوا مسكين .. كم من ذيك لكن ما محظوظ لو قعدت وسكيت الاحزاب والعمل الاجتماعى كنت بقيت نجم وتم تكريمك لكن ما بتدى حريف (عدل بواسطة sharnobi on 02-22-2003, 06:57 AM) (عدل بواسطة sharnobi on 02-22-2003, 06:58 AM)

العنوان	الكاتب	Date
مسكين ابو طالب	sharnobi	02-22-03, 05:21 AM
Re: مسكين ابو طالب	almulaomar	02-22-03, 08:46 AM
Re: مسكين ابو طالب	sharnobi	02-22-03, 01:24 PM
Re: مسكين ابو طالب	nazar hussien	02-22-03, 02:26 PM
Re: مسكين ابو طالب	sharnobi	02-22-03, 02:51 PM
Re: مسكين ابو طالب	Raja	02-22-03, 03:29 PM
Re: مسكين ابو طالب	garjah	02-22-03, 04:18 PM
Re: مسكين ابو طالب	sharnobi	02-22-03, 05:26 PM
Re: مسكين ابو طالب	sharnobi	02-22-03, 05:21 PM
Re: مسكين ابو طالب	Raja	02-22-03, 04:38 PM
Re: مسكين ابو طالب	sumah	02-23-03, 06:51 AM
Re: مسكين ابو طالب	sharnobi	02-23-03, 07:55 AM
Re: مسكين ابو طالب	Khaalaleyaal	02-23-03, 08:50 AM
Re: مسكين ابو طالب	sharnobi	02-23-03, 05:09 PM
Re: مسكين ابو طالب	dmoo3	02-27-03, 10:03 PM
Re: مسكين ابو طالب	المسافر	02-27-03, 10:51 PM
Re: مسكين ابو طالب	sharnobi	02-28-03, 01:27 AM
Re: مسكين ابو طالب	mo	02-28-03, 03:09 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]