|
Re: من ينقذنا من عمر الجزولي وعثمان خالد مضوي ؟؟ (Re: SARA ISSA)
|
هو ما عمر الجزلي وعثمان خالد براهم ياساره عيسى ... القائمة طويلة .... ونسال الله الخلاص منهم لأنهم كرهونا التلفزيون... لقد كان قديماً أمين حسن عمر ومنتداه الفقهي ... برنامج أكتر شئ ممكن يكون محاضرة في قاعات طلاب الدراسات الإسلامية ... مادة مقدمة بطريقة جافة ... غير مشوقة ولا فيها أي من بهارات الإعلام ولا ملمح لموهبة إعلامي ... الحمد لله ربنا فكانا منه ونسأل الله ما يجينا تاني وما فقدنا غيروا ... أما الفارس الآخر هو فيلسوف زمانه الذي هَدّانا وقَدّانا وعذبنا عذاب الذين كفروا ( الكريه حمزه غضب الله ) زفاتيتو أقصد حماميزوا وأنا ما عارف كان في صحفيين أولاد حلال حاسين بعذاب الناس وشغالين ليه لكن خلوهو ما عارف عمل ليهم شنو ... والله حمزه دا بقى لينا في العزيزة ... تفتح الرادي يجيك ناطي ... تفتح التلفزيون يجيك ناطي ... المؤسف والوجعة الحقيقة الصحيفة الجميلة التي كنت أطالعها في السودان وخارجه منذ أن كانت تصدر من خارج السودان وبعد دخلت السودان ... وفي الغربة بقت السلوى فتحتها لقيت فيها حمزه ... والله خليت صحيفة الخرطوم ... مخلوق سمج وقبيح ... في الطب فشل في الإذاعة فشل وفي التلفزيون فشل نط في الصحافة بيحرر ليهو صفحة كاملة كمان ... يعني كان ناس فضل محمد وإبراهيم دقش ديل درسو صناعة كمونية ولا كانو عتالة في سوق البصل أيهما أحق بأن يمنح صفحة يا دكتور الباقر ... والله لا أدري إن كنت قد وافقت على منحه هذه الفرصة وأنت مستيقظ إعلامياً لأن صفحته تماماً كجلباب الدرويش ... كل قطعة من بلد ... تجيب الهم والإكتئاب ... الله يصرفوا عنا ... بقيت أخاف لو فتحت الحنفية يجيني ناطي منها ... لأنو قبال كدا واحد قال مشى يخطب فتح خشموا جاء ناطي حمزه عذاب الله ... اللهم أصرفوا ... ما عارف هو ما يمشي أمريكا ولا كندا زي تراجي وباقي أحباب الملاجئ ... بالله قولوا ليه بقت ساهلة ... وممكن نتحرك معاهو ونعمل ليهو حفلة وداع بحمادة بت ... وبالمناسبة عندو حاجة غريبة جابوها هو وعلي مهدي ( أي واحد بعمل ليهو حاجة كدا زي كُرْضُمة في ذمته بعد ما يلبس البدلة كرضمة بدل الكرفتة يعني كرضمة عنق بدل ربطة عنق ... ربنا لا تمحنا ولا تبلينا)... وموضة الختم الأربعة يعني القصة بقت موضة بداها خليل إسماعيل وزيدان والآن على مهدي وحماميزو حاجه تانية برنامج إسمو أفراح الروح ... هذا البرنامج زمنه ساعه كاملة ( فلقتين في الراس ) أقصد يبث مرتين في اليوم ... والله يفتقر لأبسط مقومات البرنامج ذو الهدف والرسالة ... والله غثاء وهراء ... اضعف إعداد ... اضعف تقديم ... اضعف إخراج ... عدم ترابط في الفقرات ... فقط مجاملة للمنتج وأذي للمشاهد .... والله لم أرى فيه شخص فيه لمسة تشد إلى الشاشة عدا واحدة دكتورة تدعى نجوى وأعتقد هي بتاعت علوم دينية والله أفضل من يقدم برنامج أو مادة إعلامية ... لها التحية ... وبرنامج بتاع الرحيق المختوم يحتاج تعديل حتى يصير أكثر جاذبية وبرنامج نبع المعارف الذي صار فيه محي الدين جبريل أطرش في الزفه ... والله هراااااااااااااااااااااااء والبرامج السياسية التي لا تغباها العين مما فيها من إسفاف ... البرامج الثقافية والمنوعات التي لولا ليالي النغم والله لصارت خراب وربنا يحميها من حمزه وبقية المتسلبطين ... وضاعت أيام لها إيقاع ولم تخلفها شواطئ التي صارت أسواء خلف لأحسن سلف ... وهناك سهرة مراسي الشوق التي لا يشاهدها أحد إلا وسالت الدموع منه دون أن يشعر بها فالتحية لأسرتها ... أما قمة العطاء والإبداع فهي ( شواااااااااااااااااااااااارد ) كل التحية لأسرتها إعداداً متقن وكوادر فنية متمكنة وأجمل جرافيكس أشاهده في هذا البرنامج ... هذا علاوة على أن سر نجاحه يكمن في المتألقة دوماً ومذيعة الأخبار الناجحة كوثر بيومي ... فهي أنسب من يقدم مثل هذه البرامج الثقافية وذلك لما لها من حس أدبي رفيع يجعلك تشعر بإنفعالها بالقصيدة في وجهها قبل ان تعلق أو تعقب فهي فنانة قبل أن تكن مقدمة برنامج ... تعرف كيف تدير الحوار مع شخص مبدع ... كيف تنتقي الكلمات ... الحديث بكل الأدب الذي هو تاج هذه الجميلة ... إعطاء كل مستضاف مساحته دونما أن تخل بزمن البرنامج أو افكار الضيف ... تستدرج الشاعر ليقرأ أجمل ما عنده ... تعلق بعبارتها المألوفه الجميلة دوماً ( الله ... جميل ) ... والله جميلة إنتي يا كوثر ... وربنا يحفظك ويكفيك شر ناس التلفزيون ما يقومو يكيدوا ليك لأنهم أعداء النجاح ... هي تعرف كيف أن تلبس بجمال وحشمة .... أفضل من تضع مكياج ... والله في نوع تتمكيج تلقاها ( بس الكلب الأكل ليهو جدادة ) تشمئز من اللوحة طفولية الرسم التي على وجهها ... هذا إضافة إلى لمسات الحسن التي حباها بها الله أسأل الله لها الحفظ والرعاية ... (ماشاء الله وعيني باردة )
|
|
|
|
|
|
|
العنوان |
الكاتب |
Date |
من ينقذنا من عمر الجزولي وعثمان خالد مضوي ؟؟ | SARA ISSA | 12-03-06, 07:04 AM |
Re: من ينقذنا من عمر الجزولي وعثمان خالد مضوي ؟؟ | ابو عثمان | 12-03-06, 07:14 AM |
Re: من ينقذنا من عمر الجزولي وعثمان خالد مضوي ؟؟ | مجاهد عبد الرحمن | 12-03-06, 08:13 AM |
Re: من ينقذنا من عمر الجزولي وعثمان خالد مضوي ؟؟ | SARA ISSA | 12-03-06, 09:33 AM |
Re: من ينقذنا من عمر الجزولي وعثمان خالد مضوي ؟؟ | Dia | 12-04-06, 02:12 AM |
Re: من ينقذنا من عمر الجزولي وعثمان خالد مضوي ؟؟ | ABDELMAGID ABDELMAGID | 12-04-06, 02:28 AM |
Re: من ينقذنا من عمر الجزولي وعثمان خالد مضوي ؟؟ | فاروق حامد محمد | 12-04-06, 02:44 AM |
Re: من ينقذنا من عمر الجزولي وعثمان خالد مضوي ؟؟ | SARA ISSA | 12-04-06, 04:39 AM |
Re: من ينقذنا من عمر الجزولي وعثمان خالد مضوي ؟؟ | عبدالأله زمراوي | 12-04-06, 04:52 AM |
Re: من ينقذنا من عمر الجزولي وعثمان خالد مضوي ؟؟ | عبده عبدا لحميد جاد الله | 12-04-06, 05:10 AM |
Re: من ينقذنا من عمر الجزولي وعثمان خالد مضوي ؟؟ | فاروق حامد محمد | 12-04-06, 07:15 AM |
Re: من ينقذنا من عمر الجزولي وعثمان خالد مضوي ؟؟ | SARA ISSA | 12-04-06, 07:37 AM |
Re: من ينقذنا من عمر الجزولي وعثمان خالد مضوي ؟؟ | أسامة خلف الله مصطفى | 12-04-06, 08:05 AM |
Re: من ينقذنا من عمر الجزولي وعثمان خالد مضوي ؟؟ | SARA ISSA | 12-04-06, 08:26 AM |
Re: من ينقذنا من عمر الجزولي وعثمان خالد مضوي ؟؟ | فاروق حامد محمد | 12-04-06, 08:49 AM |
Re: من ينقذنا من عمر الجزولي وعثمان خالد مضوي ؟؟ | أسامة خلف الله مصطفى | 12-05-06, 00:19 AM |
Re: من ينقذنا من عمر الجزولي وعثمان خالد مضوي ؟؟ | SARA ISSA | 12-05-06, 04:29 AM |
Re: من ينقذنا من عمر الجزولي وعثمان خالد مضوي ؟؟ | حسين يوسف احمد | 12-05-06, 02:20 PM |
Re: من ينقذنا من عمر الجزولي وعثمان خالد مضوي ؟؟ | عبدالعظيم عثمان | 12-05-06, 05:49 PM |
Re: من ينقذنا من عمر الجزولي وعثمان خالد مضوي ؟؟ | عمار يس النور | 12-07-06, 05:14 PM |
|
|
|