|
Re: الكرة في ملعب الاحزاب المعارضة فمن من زعماءها علي استعداد لاعـلان الأضراب السياسي والعصيان? (Re: بكري الصايغ)
|
ود الصايغ ماداير اسالك اقول ليك كيف الحال لن حال كل سودانى الايام دى معروف بس ياخ انت ماشايف انو نحن بنلعب فى الزمن الضايع ومطلوب مننا نحرز قونين.؟ تفتكر ممكن؟ الانفصال مامشكلة المشكلة فى الحايات ودى بتذكرنى حكاية الثعلب والمرفعين قالوا المرفعين والثعلب وجدا عجل غاتس فى الطين فى نص الترعة المرفعين احتار كيف يصل للعجل ,, الثعلب قال ليهو: انا عندى فكرة انت يا المرفعين ترجع ورا وتنط فوق ضهر العجل وتقطع اللحم وتجدّع لى وانا بلّم اللحم المرفعين نفّذ الفكرة وبعد ما قطّع لحم العجل وهو حى حاول يقفز الى اليابسة فوجد نفسه ماقادر عشان مافى مسافة لقوة الدفع والقفز ,, المرفعين قال للثعلب : والله دى ورطة كبيرة الثعلب قال ليهو: دى ماها ورطة ,, الورطة لمّا يجوا اهل العجل. أها يالصايغ انا كنت قايل الناس ديل مستعدين لملاقاة اهل العجل لكن تبيّن انهم زى أحونا المرفعين.
|
|
|
|
|
|