|
|
 Re: فكر العلماء كثيراً وفكروا..ليش القرد يأكل موز (Re: سيف اليزل جعفر عبد الرحمن)
|
| Quote: بأن موزتان فقط يمكنهما أن يزودان طاقة كافية للقيام بتمرين رياضي لمدة 90 دقيقة |
.. | Quote: الإضرابات العاطفية الموسمية (الحزن):يساعد الموز على التخفيف من أعراض الاضطرابات العاطفية الموسمية بسبب توفر مادة التربوتوفان به. |
يا ابو الزهور سلامات ..
تعرف عندي ود خالتي .. عندو صاحبو الاتنين (صحابه) وماشاء الله عمالقة ..
قامو دخلو الجنينة بتاعت جدنا .. وكان الموز طالع .. ولما الموز يكون نجيض في السبيطة على الشجرة بيقوم يطلع ريحه وبتلقى الموزة فيها شرخ لانو بتتمدد..
المهم الصحابة ديل .. لقو ليهم (صبيطة) كاملة نجيضة .. قامو نزلوها جمب الجدول .. واتكاملوها الاتنين ..
لاحظ نفرين في سبيطة بتاعت موز ..
قال لي وصلنا مرحلة من الشبع .. بقينا نقطع راس الموزه من فوق .. (ونمصره) بدون (مضــغ)  المهم انهم لاعبين راس وماف واحد عايز يرفع يدو ..
المهم السبيطة بقت باقي فيها كم صباع كدا .. هم الاتنين بقو ما قادرين يتحركو.. قال لي بعد شوية الواحد بقى يتابع الرحلة الارتجاعية بتاعت الموز من وإلى الخارج .. بنظام تلاتة صباعات متصلات مع بعض .. مع انكتام في النفس .. وصعوبة في الحركة ..
الاخطر من كدا .. في غنماية لي شلاقته جات لقت قشر الموز مكوم والجماعة فاقدين النطق والحركة وشغالين بنظام سلاح الإشارة .. قومي يا غنماية اقعي في القشر .. بي شرفنته دي .. ضغطت على القشر .. بعد شوية صوته راح .. رقدت جمب الجماعة ديل .. قال لي بعد شوية عيونه بقو بيييوض بعد شويتين قومي يا الغنماية موتي.. وجماعتك ديل وصلو الحلة زحف ..
تعرف اغرب حاجة .. الفاكهة الوحيدة البمشي عليها لما ادخل في محل الفواكه .. الموز ـ مسالة الجنيات دي عجيبة خلاص  مرات كتيرة بيكون الموز اخضر لكن بتحايل عليهو في كيس يا في اي محلات مضلمة بيصل درجة بتاع نضج عجيبة جدا ..
عندنا زول صاحبنا في الكورة كان بيجي ومعاهو موزو في كيسو .. نحن نضرب في الموية وهو يقشر في الموز .. ويخش يدور بينا الميدان كلوو يعني في ناس ناقشين حكاية الموز دي من زمااان ..
مدرب الهلال البرازيلي السابق .. قالو كان شابك ليك الجماعة موز تقيل في التمارين .. عشان كدا كلتشي كان جنو ينطط ..
لكن المسالة العاطفية دي الموز بالغ فيها .. والله يا ازهري موزك دا كان بيعوض عن الشواكيش .. ياني الزرعت لي شجرتين في الشركة دي .. لكن ما يكون تحلية ساكت عشان تبرد بيها آثار الشاكوش .. دا يبقى (تنطط) من المسؤولية بي صورة قردية خالص .. وحسب نظرية داروين ..
على كل .. زكرتنا الواحد ماشي البيت يشيل معاهو خمسة ستة كيلو .. اصلو لي كم يوم كدا قلبي قاعد يدق .. ظنيتو الشاكوش القديم بدا يتحرك.
|
|
 
|
|
|
|
|
| العنوان |
الكاتب |
Date |
 فكر العلماء كثيراً وفكروا..ليش القرد يأكل موز | أزهري عبد الرحمن | 03-25-09, 02:13 AM |
 Re: فكر العلماء كثيراً وفكروا..ليش القرد يأكل موز | Gaafar Ismail | 03-25-09, 03:03 AM |
 Re: فكر العلماء كثيراً وفكروا..ليش القرد يأكل موز | أزهري عبد الرحمن | 03-25-09, 07:20 AM |
| Re: فكر العلماء كثيراً وفكروا..ليش القرد يأكل موز | Baha Elhadi | 03-25-09, 07:28 AM |
| Re: فكر العلماء كثيراً وفكروا..ليش القرد يأكل موز | Gaafar Ismail | 03-25-09, 07:31 AM |
| Re: فكر العلماء كثيراً وفكروا..ليش القرد يأكل موز | حيدر حسن ميرغني | 03-25-09, 07:36 AM |
| Re: فكر العلماء كثيراً وفكروا..ليش القرد يأكل موز | سيف اليزل جعفر عبد الرحمن | 03-25-09, 07:52 AM |
| Re: فكر العلماء كثيراً وفكروا..ليش القرد يأكل موز | أزهري عبد الرحمن | 03-25-09, 08:46 AM |
| Re: فكر العلماء كثيراً وفكروا..ليش القرد يأكل موز | tmbis | 03-25-09, 11:20 AM |
 Re: فكر العلماء كثيراً وفكروا..ليش القرد يأكل موز | أزهري عبد الرحمن | 03-26-09, 03:53 AM |
| Re: فكر العلماء كثيراً وفكروا..ليش القرد يأكل موز | Gaafar Ismail | 03-26-09, 05:30 AM |
| Re: فكر العلماء كثيراً وفكروا..ليش القرد يأكل موز | Gaafar Ismail | 03-26-09, 05:35 AM |
| Re: فكر العلماء كثيراً وفكروا..ليش القرد يأكل موز | أزهري عبد الرحمن | 03-26-09, 09:01 AM |
|
| |
tmbis
فيس بوك
تويتر
انستقرام
يوتيوب
بنتيريست