|
ياجماعة ماتغالطوا ساكت كنا شحادين !!
|
فعلا كنا شحادين
لوعاوز ليمونة كنت بتجري لي جارك
لوعاوز ملح ولا شطة ولا اي حاجة تلحق بيها الحلة بتشحد جارك بالحيطة
لو ماشي المدرسة بترفع ايدك لي اي بوكس ولا ملاكي في الشارع ملح يعني ومابتركب مواصلات
لو ربنا اكرمك بي عربية خردة واتعطلت في الطريق كنت بتشحد الناس الماشين في الشاريع يدوها دفرة
لو عندكم في الحلة فريق كورة والكورة ترشقت بتعملو كشف وتلفو على البوت بيت بيت وتلمو حق الكورة
لكن اليوم تغير الحال وتبدل والحمد لله
يعني لو عايز ليمونة او شوية ملح او شطة ما ح ترفع راسك لي جارك وتشحدو لانو جارك زاتوووو بيكون معلم الله الليموناية
اها لو ماشي المدرسة ورفعت يدك لي بكره مافي زول ح يشتغل بيك وكل زول خايف من التاني
اها كمان لو عربيتك اتعطلت في الطريق ح تقول نشوف لينا اولاد حلال يدفروها معانا
لو في الحلة كورتكم طرشقت تشوفو حاجة تعملوها غير الكورة لحدي ماربنا يكرمكم بي كورة تاني
انتو اصلو قايلين الشحدة دي كيف الا الواحد يشيل ليهو صحن ويقعد في نص السوق
زاتوووو
|
|
|
|
|
|