|
Re: "الدايرنا يجينا هنا" ..عمر البشير... كذب السيح والريح..!!. (Re: فتحي الصديق)
|
Quote: ما ممكن تغالط في حاجة ان عشتها بنفسي والكل يعلمها.. طيب لماذا تم مصادرة كتاب (الطريق إلى بور) الذي ألفه د. الطيب ابراهيم محمد خير (الطيب سيخة)...؟.
هذا الكتاب صدر في منتصف التسعينات وقد قرأته في الفاشر قبل طباعته وتصفحته وقلت لكاتبه بالحرف الواحد " نعم هذه كلها حقائق لكن الكتاب ده حا يعمل ليك مشكلة كبيرة مع أخوانك العساكر"، وقد كان.. واتذكر أن العقيد تونس محمود (ايها الشعب السوداني الفضل) كتب مقالاً كبيرا في صحيفة القوات المسلحة وهاجم فيها الكاتب هجوما شديداً وطلب من عمر البشير قراراً بمصادرة الكتاب من المكتبات وبالفعل تم مصادرته، والطيب سيخة ليس مجرد كاتب فقط بل (عسكري) وكان ضمن الجيش في رحلة (بور) الشهيرة.
اخي .. نعم عاطفتنا جياشة ..قول هناك رجال شجعان لا أحد ينكر هذه لكن الغالبية العظمي من افراد الجيش ما تعودوا الثبات في المعارك وناس الحركة الشعبية يعلمون ذلك، والقيادة العامة تعرف ذلك جيداً وكان الواحد منهم يطلق نفسه بطلقة في رجله حتى يتم اخلاوه إلى جوبا ثم إلى الخرطوم. |
الاخ خالد
ياحبيبنا الموضوع ما موضوع غلاط يمكن انت الحته العشتها كانت مع الناس البقومو جارين من اول طلقة
بعدين الطيب ابراهيم رجل طبيب يعني دخل الجيش وهو كبير ماممكن تقارنو بي ضابط محترف
طيب انا برضو عشت في بيت كان بيطلع منو في الصباح جميع الرتب اها لو بالليل في حرامي لافي في الحلة بينط البيوت كلها الا بيت العساكر اها ديل نايمين ياحبيبنا الحرامي خايف لووول
بعدين ناس الجيش الشعبي كان بيحترمو الجيش السوداني وعارفين مقدراته القتالية
ممكن اعدد ليك جميع شجعان القوات المسلحة لكن لا اقدر استحضار اسم واحد يطلق عليه لقب جبان
لو سالتني هذه الاسئلة ح تجد هذه الاجابات
/ هل الجيش السوداني يحتاج الى اليات وعتاد حربي ؟ نعم هل الحكومات الاخيرة كسرت من شوكة الجيش ؟ نعم هل يتم القبول للجيش او الكلية الحربية على اساس جهوي ؟ نعم هل الجيش السوداني به جبناء ؟ لا
اما سطرك الاخير بتاع الواحد يطلق على نفسه طلقة حتى يتم اخلاءه دي لحدي وجودي في السودان ماسمعت بيها لكن ممكن يحصل في زمنكم اي حاجة بعدين يازول مافي عسكري سوداني بيخاف حسب علمي
تحياتي
زاتوووو
|
|
|
|
|
|
|
|
|