|
|
 يوسف السماني ومركب النقص الكيماوي Yousif O2 S3
|
الجعلي قال ليهم والله الغربة من شدة مو حارة تخليك تسالم الشايقي كان لاقيتو في الشارع ..
ابشرك اخي الجعلي فالغربة اصبحت اكتر حرورية وهي تجلعنا نلتقي امثال يوسف السماني وننتظر لمن يناضمنا ويقول لينا اقيف هنا وما تقول ده وما تسوي ده !!!!!
هااااااانت الزلابية ..
تعرف يا يوسف السماني كلامي البكتب فيهو هنا ده كنت ممكن اسمعك ليهو امبارح عشان ما تفتكر الشغلانة فنجطة خلف كيبورد والسلام لكن لانني احترمت ناس كتار كان موجودين في التجمع او خليني اقول احترمت كل الموجودين وقتها فاثرت الصمت وتسليمك المايك البتحبو زي عيونك ..
والله يا يوسف فكرت جادي امشي محلات مكبرات الصوت بتاعة الجوامع و اجيب ليك ساوند سيستم ..
يا اخوي انت كان المايكات دي عاجباك كده ما تشتغل مؤذن او ابقا فنان ..
انا مقتنع تماااما يا يوسف انو انت عندك نقص ما في مكان ما تحاول انك تتمو بي التسلق على اكتاف المايكات والجلوس في المقدمة وتوسط كراسي الندوات عسى ولعل يكتمل وقتها مركب النقص المصاحب لي شخصيتك لكن للاسف انت تختار الطريق الخطأ والاشخاص الخطأ لتكملة نقص هذا المركب الكيميائي المعقد ..(معقد ده حلوة )
الاستاذ الدكتور كرار التهامي التقيته مرتين كانت الامس هي الثالثة احترمه للحد البعيد ولا احتاج ان ادافع عنه فالرجل طيلة اغترابه واعتراكه في مختلف انقسامات الرياض كن قادرا على الدفاع عن نفسه ..
ولا اعتقد ايضا انني احتاج للدهنسة والتملق المعشعش في رؤوس امثالك والديدن الذي تتصرف به للوصول لشهرة او لخدمات مدفوعة الاجر حتى اصل لهدفي ..
ادفع ضرائبي سنويا وبانتظام حتى جاءت لحظة الاعفاء يعني يا يوسف انا حاليا معفي من الضرايب وعليه لن استفيد من خدمات الدكتور للتملق..
لست من هواة جمع الاراضي وكل ما انزل اجازة اكتفي بالنزول في بيت الوالد الله يديهو العافية ومرتاااح جدا من الناحية دي فلا احتاج للتملق لسحب قرعة اراضي ..
عربيتي كركعوبة وربما ادل الدكتور كرار في حرج ان حاولت ان اطلب منه التوسط لي من اجل جمركة العربية فعربيتي تصغرني بعامين تقريبا (ما تضغطوا علي وتقولوا لي انت مواليد كم سمح ؟)
متى ما قررت العودة النهائية اما بعدم رضاء الكفيل عني او بسبب استفزاز سعودي لي في اشارة مرددا (اااااااااااي يا زوووول ) فالدكتور كرار لن يفيديني كثيرا فلا انا املك الاثاث الفاخر ولا المكيفات الاسبليت وكل الممكن اشيلو معاي بيطلع دون الحوجة لجمرك وخدمات الدكتور (تلاتة سراير- ستارتين - بوتوجاز اربعة عيون- غسالة يدوية - خلاطة جكها مكسور- وطقم عشا عمران ضييع منو سيرمس وكباية )
احترم الدكتور كرار التهامي قبل ان يكون امينا عاما فانا احترمه لشخصه ومنذ اول مرة التقيته فيها في تجمع لابناء امدرمان ..
لا تعتقد ان كل الناس تفكر مثل تفكيرك النفعي المعارضة صباحا ثم التملق ليلا (عفوا عكستها فانت تعارض ليلا وسط الرقيص وتتملق صباحا وانت تقدم الشاي والكراسي الفاخرة للسفارة )..
يوسف السماني مشكلتك عايز تعمل ليك سيرة ذاتية قاطعا من شبطك مفادها انك من دعاة العمل الناجح في المجتمع المدني وربما لما ترجع نهائي السودان تقد اولاد الحلة بي قصص خرافية ونات قاعد في ضل شجرة نيمة او شايل كيس جيلاني وماشي الجزارة تجيب طماطم وربع كيلو لحمة .." هيييييييييه والله انا لمن كنت في السعوديييية ..هيييييييييه زمن "
والله يا يوسف بتزكرني بي جارنا زول قدااااااااااااااااااد وفاكيها في نفسو زيييك كده يوم واحد صاحبنا جاني في الحلة قام لم فيهو زولي القداااد زيك ده قال ليهو يا ولدي انت جاي من وين ؟؟
قال ليهو انا مغترب في السعودية ..
زولنا القداد قال ليهو يا سلااااااااااااااام ياخ انا عشت في السعودية دي اجمممل ايامي ياخ ..اها النسألك بالله ..الحرم لسة في حتتو ديك ؟؟؟؟؟
صدقني يا يوسف ده مصيرك القادم زييي زولنا القداااد ده ..
امبارح يا يوسف اثبت انك ضعييف تماااما في ادارة ندوة ومن حقي التساؤل من فوضك للجلوس في هذا الكرسي وباي صفة ؟؟؟؟؟؟
اوووعا تقول لي بسبب لجنة البورداب !!!!!!!
طيب ياخ نفترض جلا انو الناسديل قالوا ليك اقعد فهل تعلم انك لا حواريا ولا ذهنيا ولا حضوريا تستحق الجلوس في الكرسي ده وادارة حوار يكبرك تجربة وخبرة ..
فلا انت سميت لنا سبب هذا التجمع اهو ندوة اهو اجتماع اهي ونسة اهي هي ام أهو أهو كما يقول عبد المنعم مدبولي!!!!
تووووووووووشك مسكت المايك وقلت يا جماعة العندو سؤال يسأل ومعكم الان كلمة ابو جهينة !!!!
يوسف السماني يا اخوي شغل يا زول يا نيل والحفلات البتسويها هناك دي ما تجي تزحمنا بيها هنا..
كل التحية للدكتور كرار وبالله را دكتور ما تنساني بعدين لمن اجي اجازة السودان عشان تشوف لي موضوع التخفيض وتأجيل الخدمات وتحلني من موضوع الخدمة الوطنية عشان انا جوووة الجك ..
حا ازكككككككككككرك واقول ليك انا عمر الفاروق الشكرتك في قصر الستين ..
تخريمة :
والله يا يوسف امبارح اللقاء ده لو كان حاضروا صحفي فلسطيني كان لحقك بوش ....
قوم لف كده
|
|
 
|
|
|
|
|
| العنوان |
الكاتب |
Date |
| يوسف السماني ومركب النقص الكيماوي Yousif O2 S3 | عمر الفاروق | 03-01-09, 11:17 AM |
 Re: يوسف السماني ومركب النقص الكيماوي Yousif O2 S3 | محمد عبد الماجد الصايم | 03-01-09, 11:36 AM |
| Re: يوسف السماني ومركب النقص الكيماوي Yousif O2 S3 | عمر الفاروق | 03-01-09, 11:39 AM |
| Re: يوسف السماني ومركب النقص الكيماوي Yousif O2 S3 | عمر الفاروق | 03-01-09, 11:59 AM |
| Re: يوسف السماني ومركب النقص الكيماوي Yousif O2 S3 | عمر الفاروق | 03-01-09, 12:03 PM |
| Re: يوسف السماني ومركب النقص الكيماوي Yousif O2 S3 | عمر الفاروق | 03-01-09, 12:25 PM |
| Re: يوسف السماني ومركب النقص الكيماوي Yousif O2 S3 | humida | 03-01-09, 11:41 AM |
| Re: يوسف السماني ومركب النقص الكيماوي Yousif O2 S3 | صلاح أبودية | 03-01-09, 11:46 AM |
| Re: يوسف السماني ومركب النقص الكيماوي Yousif O2 S3 | صلاح أبودية | 03-01-09, 11:47 AM |
| Re: يوسف السماني ومركب النقص الكيماوي Yousif O2 S3 | humida | 03-01-09, 11:50 AM |
| Re: يوسف السماني ومركب النقص الكيماوي Yousif O2 S3 | humida | 03-01-09, 12:01 PM |
| Re: يوسف السماني ومركب النقص الكيماوي Yousif O2 S3 | humida | 03-01-09, 12:04 PM |
| Re: يوسف السماني ومركب النقص الكيماوي Yousif O2 S3 | humida | 03-01-09, 12:17 PM |
| Re: يوسف السماني ومركب النقص الكيماوي Yousif O2 S3 | Khalid Saeed | 03-01-09, 12:32 PM |
 Re: يوسف السماني ومركب النقص الكيماوي Yousif O2 S3 | ahmed haneen | 03-01-09, 01:03 PM |
| Re: يوسف السماني ومركب النقص الكيماوي Yousif O2 S3 | علاء الدين يوسف علي محمد | 03-01-09, 01:18 PM |
| Re: يوسف السماني ومركب النقص الكيماوي Yousif O2 S3 | humida | 03-01-09, 01:19 PM |
| Re: يوسف السماني ومركب النقص الكيماوي Yousif O2 S3 | humida | 03-01-09, 01:39 PM |
| Re: يوسف السماني ومركب النقص الكيماوي Yousif O2 S3 | وليد محمد المبارك | 03-01-09, 01:52 PM |
| Re: يوسف السماني ومركب النقص الكيماوي Yousif O2 S3 | صالح عبده | 03-01-09, 01:53 PM |
| Re: يوسف السماني ومركب النقص الكيماوي Yousif O2 S3 | humida | 03-01-09, 02:58 PM |
| Re: يوسف السماني ومركب النقص الكيماوي Yousif O2 S3 | جمال هباني | 03-01-09, 07:20 PM |
| Re: يوسف السماني ومركب النقص الكيماوي Yousif O2 S3 | يوسف السماني يوسف | 03-01-09, 05:22 PM |
| Re: يوسف السماني ومركب النقص الكيماوي Yousif O2 S3 | يوسف السماني يوسف | 03-01-09, 05:11 PM |
| Re: يوسف السماني ومركب النقص الكيماوي Yousif O2 S3 | وليد محمد المبارك | 03-01-09, 05:25 PM |
 Re: يوسف السماني ومركب النقص الكيماوي Yousif O2 S3 | Rawia | 03-01-09, 05:28 PM |
 Re: يوسف السماني ومركب النقص الكيماوي Yousif O2 S3 | Rawia | 03-01-09, 05:31 PM |
| Re: يوسف السماني ومركب النقص الكيماوي Yousif O2 S3 | صالح عبده | 03-02-09, 07:22 AM |
| Re: يوسف السماني ومركب النقص الكيماوي Yousif O2 S3 | humida | 03-02-09, 10:16 AM |
| Re: يوسف السماني ومركب النقص الكيماوي Yousif O2 S3 | abdulhalim altilib | 03-02-09, 12:05 PM |
 Re: يوسف السماني ومركب النقص الكيماوي Yousif O2 S3 | محمد عبد الماجد الصايم | 03-02-09, 12:14 PM |
| Re: يوسف السماني ومركب النقص الكيماوي Yousif O2 S3 | humida | 03-02-09, 01:14 PM |
| Re: يوسف السماني ومركب النقص الكيماوي Yousif O2 S3 | humida | 03-02-09, 01:19 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست