|
|
 Re: بيان من لجنة مناهضة كجبار (Re: عبد الحكيم نصر)
|
| Quote: ثانيا:ملف الشهداءغير مرتبط بقيام السدمن عدمه وسنظل جاهدين في تقديم من ارتكب هذا الجرم الي العدالة حتي وان اعلنت الحكومة اليوم قبل الغد انها صرفت النظرعن تنفيذ سد كجبار . |
ده طلب مشروع وحق يجب ملاحقته..
(1)
باقى البيان تكهنات ساكت وبعيد عن الحقيقة ..
الحقيقة البتسحى منها الحكومة انها صرفت النظر عن السد
ودى حقيقة واضحة عمليا
( سحب الاليات من كجبار.. بدء الدراسة فى سد الشريك .. بدء عمليات المسح والاحصاء فى خزان الرصيرص ... توقيع عقودات سدود الجنوب )
عمليا كدة مافى حاجة اسمها سد كجبار ( والحكومةلن تعلن ... متين الحكومة كانت بتعلن فشلها وهزائمها ..؟)
(2)
الهيئة الشعبية البيتكلم عنها البيان هى الهيئة بتاعت محمد بخيت
هيئة انتهازية زيها وزى لجان المناهضة اللى اتشكلت بدون علم الناس وبدون انتخابات
وكده بقى النوبى بين مطرقة هيئات حكومية منافقة وسندان لجان مناهضة مزايدة
لا هذه تمثل المواطن ولا تلك ايضا .. وذلك التحالف النوبى البنسمع بيهو اليومين ديل ..
كلها اجسام فوقية تلاتة اربعة انفار يقعدو ويفكو ليهم اسم وهاك يا مواطن اناممثلك الاوحد ..!
لو فى جسم جا بانتخابات وصناديق اقتراع يجى يصححنى ..!!
(3)
كجبار عمليا انتهى .. بين غباء الحكومة وحماقة المعارضة
وعليه اسأل .. المليون دولار وين ..؟
اتجمعت من سكر المواطنين واستقطاعات المغتربين ..
مشت وين ..؟
موش مادام مافى سد تتصرف فى مشروع تانى يستفيد منه المواطن الدافعها ..؟
خلاص مافى سد ..رجعوا للمواطنين سكرهم وللمغتربين ريالاتهم ودراهمهم
فى الايام الجاية انا بادق ليكم جرس المليون دولار
عشان الزول المسكين القاعد هناك يعرفها مشت وين .
ناس فى الحكومة وناس فى المناهضة يبلو راسهم من هسة
زمان لمن كنتو متحالفين مع بعض و بتجمعو فيهامن قرية لى قرية ومن دولة لى دولة ماكنت عارفين بيجى يوم زى ده بنسألكم منها ..؟
طبعا السؤال ده ما لكل الاخوة المناهضين ولا لكل الاخوة المؤيدين ... بل للمنافقين والانتهازيين من الطرفين ..
وبالتزم لاى نوبى صادق - معارض ولا مؤيد - انو موضوع المليون دولار ده يكون موضوع الرأى العام فى الايام الجاية ان شاء الله
عشان الرأى العام يميز الخبيث من الطيب و مايتخم باسم التنمية الرافعها الحكومة ولا باسم الحماية الرافعنا البعض فى المناهضة
كلهم حرامية ومنافقين وتجار ازمات فى نظرى لحدما نعرف المليون دولار مشت وين ..؟
وباواصل ان شاء الله
.........
|
|
 
|
|
|
|
|
| العنوان |
الكاتب |
Date |
| بيان من لجنة مناهضة كجبار | عبد الحكيم نصر | 02-26-09, 07:21 PM |
| Re: بيان من لجنة مناهضة كجبار | GamarBoBa | 02-26-09, 07:39 PM |
| Re: بيان من لجنة مناهضة كجبار | عبد الحكيم نصر | 02-26-09, 08:06 PM |
| Re: بيان من لجنة مناهضة كجبار | Elmosley | 02-26-09, 09:58 PM |
| Re: بيان من لجنة مناهضة كجبار | احمد سردوب | 02-26-09, 10:19 PM |
| Re: بيان من لجنة مناهضة كجبار | عبد الحكيم نصر | 02-27-09, 10:11 AM |
| Re: بيان من لجنة مناهضة كجبار | baha eassa | 02-27-09, 10:34 AM |
| Re: بيان من لجنة مناهضة كجبار | Suad I. Ahmed | 02-27-09, 12:51 PM |
| Re: بيان من لجنة مناهضة كجبار | الطاهر ساتي | 02-27-09, 01:36 PM |
| Re: بيان من لجنة مناهضة كجبار | Medhat Osman | 02-27-09, 04:24 PM |
|
| |
الطاهر ساتي
فيس بوك
تويتر
انستقرام
يوتيوب
بنتيريست