فليستعد الجميع لأثنين جديد ...

Quote: إنت بتتكلم عن منو بالتحديد ؟ كتلتوا الأطفال في معسكرات الإلزامية ، و أعدمتوا ناس بدون محاكمات ، و عذبتوا الناس في بيوت الأشباح ، و حرقتوا الناس أحياء في دارفور و الجنوب ، و سرقتوا القروش ، و مارستوا السوء الإداري و المحسوبية و بوظتوا التعليم ، و أفسدتم الثقافة و الإبداع ، و نشرتوا سوء التغذية و المجاعات و الأمراض .. و .. و طبيعي ما تتوقعوا زول يتعاطف معاكم لو بتراهنوا على التعاطف لمن الأسر المكلومة كانت غارقة في دموعها و أحزانها على أطفالهم الذين قتلوا بالكلاشنكوف في معسكر العيلفون ..كان بشيرك هذا لا يرى مشكلة في ذلك لمن طفل عمر أقل من عام يدك داخل فندك في دارفور .. بتعليمات من القائد الأعلى للجيش ... كنتوا وين ؟ لمن قلعتوا أظافر المعارضين في التعسينات .. و صعقتوهم بالكهرباء و قتلتوهم بدق المسمار في الرأس ... إين كان رئيسك ؟ لم نسمع له إعتراضاً و لا إعتذاراً الأغلبية العظمى من الشعب السوداني ليس لديها ما تخسره .. و بقولوا ليك ما تتحدى زول ما عندو حاجة يخسرها ! تاني فكرة المحكمة الجنائية الدولية إنو أصلاً تحاكم المجرمين في البلدان الشعوبها ما قادرة عليهم .. المساكين زينا كده .. فما في داعي للوعيد و التهديدات الدونكيشوتية ديك لاهاي .. لو بتفتكروا البشير برئ قدموا دفوعاتكم القانونية قدام قضاة لاهاي أما لو دايرين تاخدوا الموضوع رجالها .. أمشوا حاربوا كل الدول الملزمة بي قرار مجلس الأمن ..