|
Re: جنون السمك يجتاح قرى الجزيرة (Re: أيمن دياب)
|
Quote: قرى الجزيرة المطلة على النيل الازرق الواقعةامام مصانع السكر بالولاية يشاهد فيها خروج الاسماك الكبيرة فى الشاطىء وهى فى حالة اغماء شديد بينما الاسماك الاخرى تطفو على سطح النيل الان يتسائل الناس عن الاسباب البعض يؤكد بفعل مخلفات مصانع السكر وحتى الان ما زالت الاسباب مجهولة . ويشاهد سكان ولاية الخرطوم وجود طبقة من الطحالب الخضراء تقطى سطح النيل لدرجة تأثر مياه الشرب بها اما البعض وصف الحالة بمرض جنون السمك نواصل |
يا بلدي يا حبوب .. دا تخصصنا بقى .. دي يا صديقي ظاهرة موسمية بيستمتع بيها سكان المناطق الواقعة على ضفاف النيل الأزرق .. والليها علاقة بي خزان سنـار .. وهي ظاهرة ليها علاقة بي فتح التوربينات الرئيسية في اللحظة دي في كميات كبيرة جدا من الاسماك الكبيرة جدا كسمك (العجل والكبروص والبياض ) بيحصل ليها اختناق جراء دخول الطمي والطين في فتحات التنفس ( الخياشيم ) وبيظهر ليها الاعياء دي نسبة لعدم المقدرة على التنفس .. وبتبدا تطفو على سطح المياه بدفعات مختلفة حسب نوعيته وحسب المجموعات العايشة فيها .. الاسماك الصغيرة بتروح في الرجلين ساكت .. الجماعة بالعامية بيسموها (السمك سكر) لانو بيكون في حالة اشبه بي حالة السكران .. وفي الحالات دي أول ما الخبر يجي الحلة .. كل إبن انثى وإن طالت عمامته أو قصرت بتلقاهو شايل ليهو (فرار) يا (كوكاب) يا (بدينقة) إلخ من أدوات الصيد السريعة ما عدا ( السفروقات ) لانو طبعا السمك ما بيطير .. وفي الحالة ديك لو لقى ليهو اي طريقة والله بيطير .. لو جا الباحث ( كيكي ) بي هنا بيفكفك ليك الماساة دي حضرت موسم زي دا قبل فترة في قريتنا على ضفاف النيل الأزرق شرق سنجة .. ويومها اندهشت لما يحتضنه النيل من مخلوقات ضخمة جدا .. حتى أن واحدة من الاسماك الكبيرة جدا والضخمة .. تم ربطها في سرج أحدى الجمال وحاولو يجروها من سطح النيل .. قام الجمل اتكوم ليهم في القيفه وقرب يقول الروووب .. والحاجة الممتعة في المسالة أنو الجماعة بيختارو حسب الحجم والصنف .. يعني الاحجام ابو ناس خمسة وستة كيلو دي بيدفروها لي قدام .. وبينشنو على ناس عشرين ولي فوق شفت البني آدم مفتري كيف لما النعمة تكتر ليهو ولما ربنا يديهو ( بالقلاب ) ..؟! أرجو أن أطمئن عزيزي القاري أنو المسالة دي ما ليها اي علاقة بي اي تلوث بيئي ولا ليها علاقة بي حكومة الانقاذ .. دي مسالة ليها علاقة بي الله وكيفية توزيع ارزاق العباد .. (ومصائب السمك عند قوم فوائد) الصورة ادناه بتوضح ليك انو الجماعة قانصين بي عصاياتم في انتظار ما يطفح من النيل.
|
|
|
|
|
|
|
العنوان |
الكاتب |
Date |
جنون السمك يجتاح قرى الجزيرة | بلدى يا حبوب | 02-09-09, 11:31 AM |
Re: جنون السمك يجتاح قرى الجزيرة | العوض المسلمي | 02-09-09, 11:36 AM |
Re: جنون السمك يجتاح قرى الجزيرة | أيمن دياب | 02-09-09, 11:49 AM |
Re: جنون السمك يجتاح قرى الجزيرة | أيمن دياب | 02-09-09, 11:51 AM |
Re: جنون السمك يجتاح قرى الجزيرة | أيمن دياب | 02-09-09, 11:54 AM |
Re: جنون السمك يجتاح قرى الجزيرة | أيمن دياب | 02-09-09, 11:55 AM |
Re: جنون السمك يجتاح قرى الجزيرة | أيمن دياب | 02-09-09, 11:59 AM |
Re: جنون السمك يجتاح قرى الجزيرة | أيمن دياب | 02-09-09, 12:07 PM |
Re: جنون السمك يجتاح قرى الجزيرة | khaleel | 02-09-09, 12:10 PM |
Re: جنون السمك يجتاح قرى الجزيرة | tmbis | 02-09-09, 12:13 PM |
Re: جنون السمك يجتاح قرى الجزيرة | أيمن دياب | 02-09-09, 12:31 PM |
Re: جنون السمك يجتاح قرى الجزيرة | أيمن دياب | 02-09-09, 12:33 PM |
Re: جنون السمك يجتاح قرى الجزيرة | أيمن دياب | 02-09-09, 12:34 PM |
Re: جنون السمك يجتاح قرى الجزيرة | أيمن دياب | 02-09-09, 12:35 PM |
Re: جنون السمك يجتاح قرى الجزيرة | بلدى يا حبوب | 02-09-09, 01:25 PM |
Re: جنون السمك يجتاح قرى الجزيرة | أيمن دياب | 02-09-09, 01:29 PM |
Re: جنون السمك يجتاح قرى الجزيرة | معتصم ود الجمام | 02-09-09, 01:49 PM |
Re: جنون السمك يجتاح قرى الجزيرة | بلدى يا حبوب | 02-09-09, 01:30 PM |
Re: جنون السمك يجتاح قرى الجزيرة | tmbis | 02-09-09, 02:13 PM |
Re: جنون السمك يجتاح قرى الجزيرة | elameen | 02-09-09, 02:33 PM |
Re: جنون السمك يجتاح قرى الجزيرة | أيمن دياب | 02-09-09, 02:42 PM |
Re: جنون السمك يجتاح قرى الجزيرة | Alshafea Ibrahim | 02-09-09, 05:06 PM |
Re: جنون السمك يجتاح قرى الجزيرة | أيمن دياب | 02-10-09, 06:23 AM |
Re: جنون السمك يجتاح قرى الجزيرة | Ahmed Elmardi | 02-10-09, 06:39 AM |
|
|
|