Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!! (Re: سلمى الشيخ سلامة)
والله يا قطامة كلامك دا الليلة من دون الأيام موزون .. بالذات فيما يتعلق بالتلفزيون .. تمبس الشين في شأن القطامة.. أنا قطيمة يا تمبس؟؟!! أنا يا تمبس بعد كل البينا،، خلاص اسمع،، تعال شيل جواباتك شييييييييييلها شييييييييييييييلها شييييييييييلها.. وجواباتي اديها لغنمايتك بس حاسب ما تنفخها ليك تتطرشق تحصل جدي السمح وزين ثغيل ده يوم الخميس الصباح وانا قاعد اضرب في قهوة بي مزاج في مقهى في الرياض .. لقيت الزول بتاع القهوة فاتح قناة هارموني وفيها نفس المسلسل البتتكلمي عنو دا .. المهم وقتها فكرت اني ادفع بتاع القهوة دا اي غرامة مالية بدل اي حاجة .. ياخ معقولة دي حاجة من الصباح الواحد يشوفه .. وهو في إجازة ..؟ نفس الحركات والتفاصيل .. أنا يتخيل لي العلاقة ما بين المخرج والمصور (والممسل) علاقة ( خلعيــه ) بمعنى أوضح : المخرج بيخلع المصور المصور يقوم يخلع (الممسل). (الممسل) يخلعنا نحن ديل .. (ويسل) لينا روحنـا .. اصلو ما ممكن معقولة الناس دي لا درست تعبير ولا كيفية التعامل مع الكاميرا ولا كيفية التعايش مع النص ..؟ بعدين مشهد السكران الحايم طوالي في المسرح وفي المسلسلات التلفزيونية دي شنو ..؟ لمتين نحن نكون طاشمين كدا دا ..؟ بنصحى متين .؟ ما حاعلق كتير على الجزئية دي لاني اتفق معك تماماً فيها، وفكرة (الخلعة) دي فكرة جميلة والله اصبتها يا تمبس،، فعلاً النظرة التايهة الموزعة في وجوه الناس في دراما التلفزيون بالظبط نظرة خلعة اضف عليها (الصنة) التي يبدأ بها الممثل المشهد وهو يناظر الكاميرا وعيناه تسألان (أها خلاس نبدا) وثواني كده ونحن عزيزهم المشاهد نشاهد، بعدين يبدا الممثل الكلام. نفس الحوارات نفس الأفكار نفس الماكياج والكتيح وبعدين انت تتحدث عن مشهد الطاشم ،، انا بقى بتجيني حمى نفاس رسمي من مشهد البحر والموية،، هل لاحظت في كل فيديو كليب سوداني (لو صح هذا التعبير اساساً) لا بد أن المغني واقف في البحر وبيجدع في الموية وينظر للاهوت السمائي بنظرة مبهمة حائرة صاحية من النوم بكابوس ولسان حاله يقول (أنا الجابني هنا شنو يا ربي؟؟)) النيل الذي وهبنا الله له لا نستخدمه (كافي البلا وحايد المحن) لا كمياه شرب ذي الناس، لا كملهم رومانسي (ويمكن مش وقته أعلق على أن أجمل مناطق النيل في الخرطوم والتي كان من المفترض أن تستغل كمنطقة سياحية واللا حتى ترفيهية لي ناس السودان زاتم ، مقاصدنها بالقصر الجمهوري ويافطات ممنوع الاقتراب والتصوير الرسمية ويافطات ممنوع البول يا حمار اللا رسمية) اقول،، ما هذا المنظر البايخ الذي يعتمده جميع مخرجي الفيديو كليب – أنا وانت والنيل وشوية تراب وحشيش- ما المنظر المفرح ذاك الوقت؟؟!! ثم أن المصور أحسبه يلف حول نفسه باحثاً عن الشمس،، الشمس وينها يا ربي؟؟ يدور ويتساءل،، وينها؟؟ أيييييييييييييوه الشمس أهي،، خلاص يا هناي يا مغني اقيف قدام الشمس دي خليني اصورك أهو بالمرة صورنا فيديو كليب ومنها احتياطي دعاية معجون أسنان ثم،، الرتابة،، الرتابة،، الرتابة،، ملل الحركة فتحسب أن الممثل (يمشي جوه الجزمة الأول) حتى البكاء،، ان يبكي فتحسب أن الدموع لا تأتي من العين كما درسونا في حصص العلوم بل أن لبعض البشر قادرية البكاء من المعدة،، اسمع ضغطي ارتفع حاسكت شوية في الحتة دي الغريبة انو الاذاعة والدراما الاذاعية حاجة ما تخلص .. يوم الجمعة لو ما حضرت .. خليهو يا عديلة النومة دي بتريحـو شوية .. انا ما برتاح .. أجمل الاعمال الاستمتعته بيها سلسلة متاعب والمقدرة العالية للشباب ديل على الادهاش .. بالذات كبسور .. وحلقة الجماعة الساكنين في بيت الايجار المسكون .. احي استاذي موسى الأمير الرجل الفنان جدا .. وفيصل سعد دون انقاص لحق المجموعة .. بالاضافة لي الاعمال القديمة .. ومنها في وادي أم سدر .. صراحة لا اتابع الإذاعة وشئ ما شفته ما اقول فيه شي وسعيدة بكلامك واتمنى يكون صحيح تمبس .. ناقد وباحث وبتاع كل حاجة بت قضيم قطيمة ومسيخة وأمممموح حلاتها تشبه روحها والجاز مسوحها (عدل بواسطة بت قضيم on 02-10-2009, 07:24 AM)

العنوان	الكاتب	Date
يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	بت قضيم	02-09-09, 11:13 AM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	محمد سنى دفع الله	02-09-09, 11:31 AM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	بت قضيم	02-09-09, 11:53 AM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	بت قضيم	02-09-09, 12:08 PM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	tmbis	02-09-09, 12:32 PM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	سلمى الشيخ سلامة	02-09-09, 03:01 PM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	بت قضيم	02-10-09, 07:20 AM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	بت قضيم	02-10-09, 07:39 AM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	mutasim Hameed	02-10-09, 07:59 AM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	اميمة مصطفى سند	02-10-09, 10:01 AM
Re: يا ناس الدراما... الله لا يورم لكم غدة...ما رأيكم لو ندي التلفزيون ده صنة؟؟!!	ابوحراز	02-10-09, 12:11 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]