|
مايقوما....مايقوما (السر عثمان الطيب)
|
مايقوما ..مايقوما .. (حكاية شافعي لا أم ...لا أبو)..! شعر: السر عثمان الطيب
في العاصمة الخرطوم في لحظة من ذات يوم والجو هبوب وسموم كابات غيومو سِموم إنسان وإنسانة ما هُن عريس وعروس شيطان وشيطانه كان تالِتُن إبليس عمداً وبي إصرار لا خوف ولا رهبة من جُرم أو عاقبة إشتعلت الرغبة إنعدمت النخوة إتبهلت الشهوة واندلعت النزوة وإتمادوا في الهفوة إتمادوا فاتوا الميس وحدّ اللعب بالنار عيييييك غابوا في النشوة وانزرعت البذرة والبذرة مشؤومة مايقوما.. مايقوما وسواري آخر الليل.. اللافي راكبي الخيل حايمي ومشيها تقيل اتسمرت وقفت.. حرنت، صهيلا صهيل لما القلوب وجفت، شقت سكون الليل صرخة وأنين وأنين في خور تحت كبري، إتناوشن كلبين إتهاوشن جم كوم نهشن طرف طرحة ما بين صراخ وعويل.. الكوم نزفلو دموم والعسكري الضكران فت.. نطّ .. جبد الكوم واتفرزعن كلبين كاكيهو شرب الدم وعينيهو دمعت دم شال نفسو واتحزم الطرحة لمّاها الطفلة ضمّاها وفي دفتر الأحوال سماها مايقوما..! من عطفو أداها، مايقوما وداها لي حي عتيق وعفيف ومايقوما ضيفة الحي لكن هي ما كانت، زي أي كائن حي مقطوعة من شجرة، ثمرا المحرم نيّ بي طيبة الطيبين، الدار بقت دارا وارثين مكارم طي، ما مات لهب نارا الفُقرا، ما فقرا شان خاطر الأطفال بيناتن النبقة... واللقمة مقسمومة *** يا مؤتمر وطني، لو إنت صح وطني يا مؤتمر شعبي، لو إنت صح شعبي يا إتحاديين، لو إتحاديين يا حركة شعبية بعثِ وشيوعية يا أمة، يا أمة، كان إنتو صِح صادقين يا ناس يا حاكومة، يا معارضين، يا هووووي يا مشتتين جبهات ومفرقين حركات ومقسمين جيهات يا اخوانا بالذمة اتجيهوا، اتلموا ما أروع اللمة ما أجمل الأمة لمّان تكون، لما على قلب زول واحد متماسكي ملمومة تسمع صراخ طفلة مسكيني، محرومة ما نطقت اليابا ما شافت اليُما في دفتر الأحوال سموها مايقوما.. !
|
|
|
|
|
|
|
العنوان |
الكاتب |
Date |
مايقوما....مايقوما (السر عثمان الطيب) | ALGARADABI | 01-11-09, 05:07 AM |
Re: مايقوما....مايقوما (السر عثمان الطيب) | ALGARADABI | 01-11-09, 05:14 AM |
Re: مايقوما....مايقوما (السر عثمان الطيب) | naeem ali | 01-11-09, 09:03 AM |
Re: مايقوما....مايقوما (السر عثمان الطيب) | ALGARADABI | 01-11-09, 06:28 PM |
Re: مايقوما....مايقوما (السر عثمان الطيب) | osman righeem | 01-11-09, 11:05 AM |
Re: مايقوما....مايقوما (السر عثمان الطيب) | najma | 01-11-09, 06:03 PM |
Re: مايقوما....مايقوما (السر عثمان الطيب) | ALGARADABI | 01-12-09, 08:53 PM |
Re: مايقوما....مايقوما (السر عثمان الطيب) | najma | 01-12-09, 09:01 PM |
Re: مايقوما....مايقوما (السر عثمان الطيب) | ALGARADABI | 01-12-09, 08:58 PM |
Re: مايقوما....مايقوما (السر عثمان الطيب) | tarig almakki | 01-12-09, 09:26 PM |
Re: مايقوما....مايقوما (السر عثمان الطيب) | ALGARADABI | 01-12-09, 09:37 PM |
رابط | محمد الامين احمد | 02-21-09, 08:39 PM |
Re: رابط | Rihab Khalifa | 02-21-09, 08:48 PM |
Re: رابط | ALGARADABI | 02-21-09, 09:42 PM |
Re: رابط | naeem ali | 02-22-09, 11:00 AM |
Re: مايقومه | naeem ali | 02-22-09, 11:07 AM |
Re: رابط | osman righeem | 02-22-09, 11:28 AM |
Re: رابط | naeem ali | 02-24-09, 12:06 PM |
|
|
|