غادة عبد العزيز خالد و حاجة مومنين رحمها الله... كتابة بطعم الزمن الجميل

Quote: الاخ العوض و الاخت غادة تحية لكما فقد استدرتما (الكلمة دى صاح و لا غلط ) الدموع من عينى وطالما البوست بقى بيت بكا فخلونى ابكى على حبوبتى حياة حاج شريف قرافى امرأة ب 100 رجل لم ار قط من يحب الاضياف اكثر منها كان بيتها مفتوح لناس البلد الجايين الخرطوم ولكل الاهل بالخرطوم لم تبخل قط نكون فى اشد الحاجة وما عندنا شى لكن ما ان يظهر ضيف حتى تجى الحاجات من وين الله اعلم لم اذق فى حياتى ما هو اشهى من طبيخها (خصوصا الشربوت ) كانت ذات شخصية قوية يهابها (ويحبها ) حتى الرجال لكنانكسر المرق و اتشتت الرصاص منذ ان فقدناها قبل 10 سنين افتقدنا عمود الاسرة و جمل الشيل و لمة الجمعة