في البلد يا تايسا عندنا الضيافة إسمها المعروض.. يعني لامن تمشي لناس ويقدموا ليك حلاوة أو بلح مش عشان تشيلي قطعة واحدة على إستحياء لكن معروضك دا حقك يعني لازم تشيلي الباقي معاك.. زوجة المساعد الطبي كانت سيدة مدنية.. قام جاها جدنا عفيف الله يرحمه، مدت ليهو الشيالة مليااانة فيها الحلاوة والبلح والخبيز.. لكن عشان يشيل قطعة على طريقة ناس المدينة.. جدك عفيف استلمها منها وكباها في طرف توبو وقال ليهابغبطة كبيرة: هـع.. حاكومة.. بتدي كبار كبار!.. بعد دا بسم الله نبدأ..
Quote: يا عيسى ناقل الكفر بقى كافر ؟ ......................... إلا أنني أتفق معاهو بأن الشيخ فعلاً مفروض يخرص جداً
.. هاهاها.. يعرفوك هلالابي كيف يا عمران.. إنت ياخوي ما ناقل إنت مبشرّ ومحتفي بالكفر دا.. المشكلة أستاذ جبرا دا لا البتكلم عاجبو ولا الساكت عاجبو.. حيرتونا معاكم يا السوادين:).. زي لامن جا في الأخبار وربما في نفس اليوم خبر إمام الجامع ال طرد فرفور من الصف الإمامي.. وخبر يتحدث عن القبض على فنانين يتعاطون الخمر في شقة بعد مداهمة (النظام العام) لهم.. واحد علق: إنتوا لا البصلي بتخلوه ولا البسكر بتخلوه.. .......... قبل ما ماسورة الملح دي تقطع: من زمان كنت بفكر في الكتابة أو البحث عن إنتاج للفنان عماد يوسف بعد أن سمعته لأول مرة قبل خمسة سنوات وفي مناسبة خاصة.. واكتشفت إنو زول غنّااااي شديد.. لغاية ما قبل فترة بكري سجل ليهو أغنيتين من قناة أم درمان.. فاكتشفت إنو هو ملحن وربما شاعر أيضاً.. ولاحظوا للتواضع لامن إعتذر لمحمود تاور والصادق لأنو على الأقل الناس سمعوا الغنية منهم رغم إنها من ألحانه هو... يعني فعلاً فنان وحساس.. وعلى عكس الشعراء والملحنين القاعدين (يقلعوا) أغانيهم من الفنانين في أول خلاف (مادي).. .. دي دعوة لتمبس يجي يملح معانا برضو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست