السترة والفضيحة الما متباريات ..

Quote: حنواصل الطريق البديناهو من قبل لبنى ومشيناهو معاها وما حنقيف خالص وكل شيء بيتم بالرواقة التغيير يا زاتو ما بالثورات والمظاهرات والكواريك بس "وفي كلٍ خير" التغيير بيجي شوية شوية لما نبدا نطبقوا على أنفسنا وأبنائنا وبناتنا بدعم الإيجابي من قيم المجتمع ونبذ السلبي منها

Quote: يعني ناس بيتكم لو ماوقفوا معاك الح يقيف معاك منو لكن ممكن تختلف وجهة نظرهم اذا حدث من اخرى انصروا بتكم ظالمة او مظلومة

في نساء ناس بيتهم ما قاعدين يقيفوا معاهم لا ظالمات لا مظلومات "راجع الأمثلة أعلاه"
ونحن عايزينهم لو أهلهم ما وقفوا معاهم يكونوا قويات وما ينهزموا
ويقيفوا مع نفسهم ويفتشوا حقوقهم بدون ما يتعرضوا للنبيشة
أقول ليك حاجة
أنا الحركة دي علمني ليها أبوي
مش وقف معاي وبس
علمني أجيب حقي وقال لي حرفياً
(أنا وأخوانك ما دايمين ليك إتعلمي تسكي حقك وتجيبيهو بي يدك وبي كل تهذيب وبنفس القدر ما تشيلي حق زول)

Quote: ممكن تبتدي فيها ويوم اجتماعكم الكبير زوجك يقول ليك مروق من البيت مافي اها دي محتاجة سلام من الداخل في الاول

ما مشكلة نعمل الإجتماع الكبير في البيت
إنتا ما سمعت بي فض النزاعات ودرء الكوارث؟

يا زول أقول ليك القصة دي بدون إجتماعات بتتعمل
قال ليك لو كل واحد نظف أمام بيته لأصحب العالم نظيفاً
"مثل صيني"