|
|
 Re: THE FRIENDS (Re: HAIDER ALZAIN)
|
هشام ازيك
وسلام الى ابوجهينة والزاتو والمايتسمى ود الزين ده ..
بالمناسبة موضوعك ده بحتاج ذهن صافي للكتابة فيهو ، هي الرغبة في لكن الحضور ليها ما اكتمل جواي عشان تطلع الكتابة ، انا بشعر لو ماحسيت بالكتابة مابقدر اكتب ، لكن بالجد موضوع يحتاج النقاش والكتابة
اولا شكل السلوك في العلاقات والبرغماتية في تكوينها ومبررات الحدث وممارساتها..
بعد داك هي الظاهرة ربما لاتنحصر في الصداقة بوجه خاص بقدر ما اراها تتمخض عن كمية اسئلة عن السلوك والدوافع للصداقة ...
بعدين نشوف طبيعة الانسان ام المجتمع الدافعه لتكوين صداقة ...
انا البقدر اللخصو ليك من فترة تقارب السنتين ، يمكن دي الفترة البعد رجوعي من الغربة وان لم تكن بصورة نهائية ، لكن كانت الغربة منعرج لا استطيع ان اقول اضافة لي بقدر يمكن ان يغير مسار كتير من المفاهيم لكن استطيع ان اقول انها ادتني البعد المناسب لرؤية الاشياء بوضوح ...
مثلا هنا الاشياء قريبة جداً لدرجة انك لا تستطيع رؤيتها بشكل جيد ، الغربة ادتنى البعد ده في للقراءة بشكل جيد...
بصراحة حاتكلم بصراحة عن الموضوع ده ، يمكن لان هنالك حالة (استغراب) مش حسرة او آسف..
ياهشام انا قاعد تنتابني حالة استغراب بالجد ودهشة ، حيال سلوك الأفراد الزول خشى معاهم في يوم الأيام في مسالة التزام بخصوص بناء علاقة ، فيها من من وقف وفيها من ينتظر وفيها مالم يبدل تبديلا..
لكن اهم مميزات الممكن تؤدي للشلخ في العلاقات هو عدم الوضوح والصراحة، كمان ماتنسى ظاهرة النفاق ودي بقت مستشرية بصورة اكثر ماتُثير للاستغراب..
البلد دي بتشعر انو حتى الرابط بين الملتقيات عالم بتاع زيف زيف ...
ياخ انا كنتب بعرف ناس الواحد داير يموت في دباديبك ، لكن تجي تسالوان انت ما يكا انت ، هو شكلو كان بتوقعك تجي على هواهو وتمارس معاهو الفشخرة ووهلمجرا وكان عمل غلط تعمل نايم...
ياخ انا مسالة الزمن دي مش الناس هنا شايفنها ساهلة ، وحاتك في المنبر ده ناس بالكوم اتوترت علاقتنا عشانها...
المشكلة انا لو فعلا بكون غلطان ماعندي مشكلة لكن الزول داير يمشى ويجي على كيفو ويخرمج ماتقول ليهو راسك في كراعك ، بصراحة انا عدم المبالاه وقلة الشغلة ما بتنفع معاي..
فالفترة الكافية لدراسة كل الشخصية المناط صداقتها ، المكان والزمان في تكوين الصداقة دي بأثر في استمرارها.."مثلا المنبر ده نموذج"...
وحاضع ليك دراسة عشان تكون بصورة علمية اكتر عن تجربتي انا وتقيمي ليها...
بعدين الاجمل في ده كلو بالرغم من بعض مرارة التجربة انو الواحد يشعر بنفسو ان قاعد ينضج..
وتجي تقعد تتذكر حصل وحصل وحصل وفلان داك وداك ، لمن تشعر بانو الموضوع بقت قراياتك ليهو بواقعية بالجد بتشعر انك ماشي في طريق النضوج..
يعني المسالة في ناس ، بتاثروا بى ضغط التجربة ، لانو فعلا في ناس بتشعر بيهم احيانا بقصد او بدون قصد لديهم سلوك بتحس بيهو زي سلوك الشفع بتاع المكاواة داك ، لمن يقابلك ويعمل ليك فيها انو مُحاط بمجموعة واكتب افراد اخرين ده غير الاشارات الممكن تلتقطه في حديثهو أي كان في مجال ثقافي ولا سياسي او خلافو...
فكل ما يتفوه هذا الشخص ولا يصدر منو تصرف بايحاءات الواحد هنا بشعر بالراحة اكتر مش عشان الشخص ده راجع وراء ما حاسي بل عشان انو الزول شاعر انو قاعد ((ينضج)) بالمناسبة تاني انا عاني كملة نضوج دي، لاني بحس بيها جواي..(وده الفرق بين الغرور والثقة) يا ابو الشوش..
والموضوع ده قاصر على الجنسين...
لحدي مانرجع بقدر اقول ليك تلخيصي للصداقة هي عندي(( التزام))..
التحايا النواضر...
|
|
 
|
|
|
|
|
| العنوان |
الكاتب |
Date |
| THE FRIENDS | هشام آدم | 04-21-09, 01:44 PM |
| Re: THE FRIENDS | هشام آدم | 04-21-09, 01:46 PM |
| Re: THE FRIENDS | هشام آدم | 04-21-09, 01:49 PM |
| Re: THE FRIENDS | هشام آدم | 04-21-09, 01:52 PM |
| Re: THE FRIENDS | هشام آدم | 04-21-09, 01:55 PM |
| Re: THE FRIENDS | هشام آدم | 04-21-09, 01:59 PM |
| Re: THE FRIENDS | هشام آدم | 04-21-09, 02:05 PM |
| Re: THE FRIENDS | ALZOLZATOO | 04-21-09, 02:00 PM |
| Re: THE FRIENDS | هشام آدم | 04-21-09, 02:10 PM |
| Re: THE FRIENDS | هشام آدم | 04-21-09, 02:16 PM |
| Re: THE FRIENDS | هشام آدم | 04-21-09, 02:20 PM |
| Re: THE FRIENDS | هشام آدم | 04-21-09, 02:26 PM |
| Re: THE FRIENDS | هشام آدم | 04-21-09, 02:30 PM |
| Re: THE FRIENDS | هشام آدم | 04-21-09, 02:36 PM |
| Re: THE FRIENDS | هشام آدم | 04-21-09, 02:38 PM |
| Re: THE FRIENDS | هشام آدم | 04-21-09, 02:42 PM |
| Re: THE FRIENDS | هشام آدم | 04-21-09, 02:46 PM |
| Re: THE FRIENDS | هشام آدم | 04-21-09, 02:49 PM |
| Re: THE FRIENDS | هشام آدم | 04-21-09, 02:55 PM |
| Re: THE FRIENDS | هشام آدم | 04-21-09, 07:32 PM |
| Re: THE FRIENDS | ابو جهينة | 04-21-09, 07:45 PM |
| Re: THE FRIENDS | HAIDER ALZAIN | 04-23-09, 08:41 AM |
| Re: THE FRIENDS | معتز تروتسكى | 04-24-09, 08:59 PM |
| Re: THE FRIENDS | HAIDER ALZAIN | 04-26-09, 09:15 AM |
| Re: THE FRIENDS | هشام آدم | 04-26-09, 09:30 AM |
| Re: THE FRIENDS | هشام آدم | 04-26-09, 09:32 AM |
|
| |
معتز تروتسكى
فيس بوك
تويتر
انستقرام
يوتيوب
بنتيريست