تصانيف الشيوعية ..فرز العراقيب و العصبات ....عودة قسرية لحسن موسي و "ناسو" و محن اخرى

Quote: شرف الشوش سلام جاك و شكرا على تنبيهي لوجود لوغو مجموعة" نايكي" في كاريكاتيري عن الزميل "الشيوعي النضيف" المسلح بقوة العين و بأدب البذاءة الغليظة.و حقيقة لم انتبه لوجود اللوغو في الجزمة و سأقوم بتعديل الرسم و أعتذر لجزمة مستر نايكي( ياله من إسم) عن هذا التعدي المريع كوني استخدمت صورتها في تمثيل زميلنا "الشيوعي النضيف". دا كوم لكني با صاح أراك تكاد تموت هما من مراقبة حقوق الشركات المتعددة الجنسيات ( من نوع نايكي)التي لم تتورّع من تشغيل الأطفال في بلدان العالم الثالث حتى تنخفض تكلفة تصنيع منتجاتها، بينما أنت تغض النظر عن تجاوزات حرامية الأسافير النضيفين القريبين الذين لا يتورعون عن التفاخر بسرقة حقوق المبدعين في وضح النهار.فياخي اعمل معروف و قول لينا رأيك شنو في النهب المصلح بقوة العين في أسافير السودانيين .و مش إنت براك يا أشرف ، في زملاء كتار لابدين يقروا في بذاءات و أكاذيب الزميل النضيف و ساكتين ساكت ما قالوا بغم. إنت رأيك شنو في دا؟و أنا بسألك إنت و الزملا التانين الساكتين على الوساخات التي يرمينا بها الزميل النضيف. عشان نوع الإجابة الممكن تجي من جهتك إنت و من جهة الزملاء التانين ممكن تترتب عليها مواقف تانية فيما يخصني أنا شخصيا تجاههم فردا فردا.وهناك مثل شعبي (سري؟) وسط جمهور الماركسيين اللينينين السودانيين يقول : كل شاة معلقة من عصبتها عدا اعضاء الحزب ، فهم معلقين من عصبة الحزب . يعني مافي" إلكترون حـُر " في فضاء العمل العام البقوموا بيهو أعضاء حزب الشيوعيين السودانيين.شفت كيف؟ سأعود