عصام جبرالله

Quote: Salamat Ya Essam... until Tragie comes and explains her post, I think she was referring to the fact that some of us are not engaged in a diverse range of topics.. of course this depends on the time factor available to each of us.. Tragie: what do you think of those, like me, who are also focusing mainly on human rights posts? especially torture? I wish I could be so active like you, my dear... mohamed elgadi

Quote: I wish I could be so active like you, my dear...

يا دكتور محمد اريتني بسوى ربع البتسويه انت,يا زول بلاش تواضع

ده انت شغال للانسان في كل مكان وليس السودان فقط.

الله يديك العافيه ويسعدنا انه نبقى تلاميذ في مدرستك الانسانيه الكبيره.

وبعدين هنا انا بتكلم على مستوى المنبر لما قلت (الصاوي وابو ساندرا مثالا)

اما انت فلما نتكلم على مستوى العالم و الابطال البتحسبوا على اصابع اليد

وقتها اعطي مثالا بشخصك,وصدقني هذا ليس نفاقا واسأل الهاشمي كثيرا

ما اقول له اريت الشيوعين كلهم زي محمد القاضي وزيك(اقصد الهاشمي)

عارف تجربة الشغل معاكم متعه حقيقه ,عارف ليه؟؟؟؟؟

قلت للهاشمي انه معاكم اقصد (القاضي و الهاشمي) لا تحس بالحزب او التعنصر الحزبي

دائما بتريحوا الواحد وبتحسسوهوا انكم ممكن وقادرين على التعامل مع كثيرين

ما دام في ارضيه مشتركه.

اما في شيوعين هنا بس على مستوى البورد خليك من بره لا بيشاركوا ولا بتقطعوا

ولا بجيبوا الحجار الا اذا كان الكلام عن الحزب الشيوعي او البوست كاتبه شيوعي....

ودي حاجه ما صح اطلاقا.

تحدثت عن الصاوي وابو ساندرا كمثال ولكن الرائعين هنا كثر من (الرفاق)

اذكر عمر ادريس بيحسسك دائما انه ود بلد اصيل وموجود دائما في الهم الوطني.

خالد العبيد,زول شعبي وجماهيري

سلوى صيام لا تغيب عن البوستات الوطنيه.

هنادي يوسف.

عادل عثمان

وآخرين قد لا استحضرهم هنا.

لكن كمان في كوم آخر

المتقندفين و المتفلسفين والعاملين فيها بتوع ديلاكيت وما ادراك ما جدليه واشكاليه

وماديه وهيجل قال وسارتر عمل وماركس نظر و....الخ.(ديل بنضحك عليهم على فكره)

لانهم عاملين فيها عشرة بقرش ومقددين الدنيا ,هم ماعارفين انه الكلام البتفهموا الصفوة بس

ده ما كلام جماهيري.

هؤلاء لا احبهم وراقدين بكثرة في هذا البورد.

بعدين يجوك الكسالى والمضارين لكسلهم بادعاء انه البورد ده بقى( اي كلام)و...الخ

زي ناس( السهيلي مجذوب) صح النوم يا سهيلي.

ويعصام جبر الله فهمته ولا الكلام البسيط ده ما بيخش رأسك.

تراجي.