قلت قبل كدا ..المريخ دا زى رمضان بعلم الصبر ..خمسة سنوات من ا لهزائم المتواصلة وماسمعنا زول نضم ولا هتف ..ياخ نهائى ا لكونفدرالية السنة الماضية اخدوا اربعة مع الرافة ..عادى جمهورهم بقى يشجع فى الفريق الضيف ..غايتو الزول عشان يبقى مريخابى لازمو (قلب ميت) ..والقلبو حار يجى الهلال هزيمة فى بطولة لاتذكر اقامت الدنيا ولم تقعدها ..عموما نقول الآتى : صلاح ادريس دفع وبذل باخلاص وتفانى ووقف على كل كبيرة وصغيرة ولايستطيع احد ان يزايد عليه ..فقط يعاب عليه تاثير علاقته ا لخاصة مع جمال الوالى فى مراعاة مصاالح الهلال ..ويعاب عليه ايضا الانفراد بالقرار وابعاد الكثيرين القادرين على الاسهام والمشاركة ..اما المتربصون بصلاح ادريس والحالمون بادارة ا لهلال فبعضهم تحركه المصلحة ا لذاتية ومحاولة اثبات الوجود على حساب الهلال ..والدليل التسجيلات الحالية وماقبل التسجيلات .. فقد وقف الكثيرين واحجموا عن المساهمة المادية وقفوا ينتظرون فشل صلاح ادريس ليقدموا انفسهم كبدائل ..وصلاح ادريس هذا لو كان ينام على (فلوس) ستكون خلصت حتى الآن ..فقد تحمل عبء الدفع وحيدا .. ويعلم هؤلاء ان فشل صلاح فى انجاح عميلة التسجيلات هو فشل للهلال ..كنا سنحسن الظن بمن يتبرع بتسجيل محترف او اعادة قيد لاعب ..لكن اثر البعض (الفرجة) و(التشفى ) .. ليختلف الناس حول صلاح ولكن ليتفقوا حول الهلال الكيان ..هذا مانتمناه .. ...... مكابر من يقول ان الوضع فى ادارة الهلال لايحتاج الى تغيير التغيير مطلوب ..وتبديد رؤية الفرد لصالح رؤية الجماعة ضرورة .. على صلاح مراجعة مواقفه وعلى الآخرين ايضا مراجعة مواقفهم وقد يتم التغيير المطلوب فى وجود صلاح ادريس وبالمشاركة مع الآخرين ..
اسمع ..بدلة بدرالدين الامير (شديييدة ) والله ..غايتو تقشروا على حسابنا ....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة