فرانسيس المهاجم الخطير يوقع للهلال غدا!!!!!!!!!!!!!!!!!!!!!!!!!!!!!!!!!!!!!!!

أها سكتنا ود العمارات بتاع عشة وأمونة قام واحد تاني يجوعر لينا, وشوية شوية الصدق بدا يظهر

فرنسيس ما هداف أمريكا لكن "عرفناه وعظمناه ولقبناه بهداف أمريكا >> وهذه سيكون تعريفه ولقبه بالسودان"

يا أخي لا, يعني كلامك الأول كله كضب

"عرفنا ه بلاعب جامعات دون تفصيل" يعني حسع لما أقول كريم عبد الجبار كان هداف دوري الجامعات في الباسكت بول وفرانسيس هداف دوري الجامعات في كرة القدم واحد؟

يا زول هداف دوري الجامعات في أمريكا معناها واحد هداف دوري NCAA درجة أولى

"عرفناه بدورى الجامعات تعميما، ودورى التعليم العالى بأمريكا إتحاديه إسمهما (إتحاد الكليات) و (إتحاد الكليات الصغرى) والكليات الصغرى هى كليات السنتين. وهما إتحادان منفصلان ومتوازيان، ولا يصعد أو يهبط فريقأ من أحدهما للآخر"
أهو ده كلام فيهو الما صاح وفيه الصاح لكن كلام ضلاليا يعني زي ما تقول رابطة المايقوما ودوري الدرجة الأولى أتحدان منفصلان ومتوازيان، ولا يصعد أو يهبط فريقأ من أحدهما للآخر.

وبعدين يعني زمان لما كنا في أسود الهوسا في رابطة العشش كان عندنا واحد اسمو أبكر قورو جاب ليهو خرطمية قون في الدوري نقول أنو هداف دوري الخرطوم وبعدين نقول " عرفناه بدورى الخرطوم تعميما". يا أخي أختشو.

أها يا أبو العريف NCAA فيهو ثلاثة درجات يعني زي ما تقول كده زي مثلا درجة أولى وتانية وتالتة في دوري الخرطوم وحتى NCAA درجة أولى فيهو 48 فريق ومعظم لاعبين الدرجة الأولى والتانية عندهم منح دراسية أها بعد التلاتة درجات بتاعت ال NCAA بيجو ناس NAIA وديل كده زي ناس الدرجة الرابعة وديل دوريهم كبير جدا وحتى فيهو 6 فرق من كندا وبعدين في ناس ال NJCAA وديل بالضبط زي روابط الناشئين البنجح فيهم بمشي يلعب درجة لكن نادر واحد من الروابط يمشي يلعب في دوري المحترفين (في السودان الممتاز البقابلو في امريكا ال (MLS) ) وقي أمريكا هنا ما حصلت وبالمناسبة يافابيا كلية فرانسيس فيها أحسن برنامج للكليات الصغيرة ونصيحة لأولادنا السودانيين الهنا في أمريكا لو الواحدلو ما لقى منحة كورة لجامعة وما أخدوه في ال NCAA أو ال NAIA يخلي الكورة لكن لوعايز يستمر في الكورة يشوف ليه كلية صغيرة عندها برنامج قوي زي يافابيا يمكن بعد داك الواحد يلقى ليهو منحة لكلية عدل.

"عرفناه أيضاً بلاعب بالإتحاد الأمريكى السوداني ساسل، وبتاع الورنيش فى السودان يفهم أنه ليس إتحاد تكاملى بين إتحاد شداد السودانى وإتحاد المحترفين بأمريكا" أه ده هنا الكضب العديل. ساسل ده ما أتحاد لا زي الأتحاد السوداني البينبع من قواعد وناسو بيجو بالأنتخاب ولا الأتحادات بتاعة الأمريكان النظامها أنو الفرق فيها بيمتلكوها أفراد أو شركات بديروها بالأنتخاب والديمقراطية, ساسل ده شركة بتاعت نفر واحد ومسجلها محاميه في أريزونا وهي ما Union أو Federation أو Association عشان تسميه اتحاد ممكن تسمي ساسل ده دين فيهو واحد عامل فيها أنا ربكم الأعلى والباقي سميهم العايزو لكن أتحاد وجاليات وكضب ودجل فده ما في وياخي اختشو.

وبعدين يا نادر الفضلي أنا فهمتا عنك أربعة حاجات (يمكن تكون غلط) الأولى أنك فلاتي زينا ودي لو صح تكون دي أول مرة أشوف لي فلاتي منافق وما بمرق النصيحة. وتانيها أنك مريخابي, ياخي أختشي المريخ ماخد سبعة بدل ما ترسلو ليه واحد زي ولدنا حذيفة ده ولا أولادنا الفي NCAA يساعدو في النص أو الدفاع شوية ترسلو ليهو فرانسيس والتالتة أنو أنت عمرك ما شفت فرانسيس بيلعب ودي بس أقول ليك أستغفر الله يا رب أحمينا أها والأخيرة أنك عمرك ما لعبت كورة ولا خشيت كورة ولو سألوك الكورة بلعبوها كم انت ما بتعرف أها الكلام ده أنا ما قادر أصدقو طيب وجاي تنق ليك مع زول أحرف من دق كفر في السودان كيف.


النور كشول

المدرب والخبير الدولي وزميل أبكر قورو هداف دوري السودان