|
Re: حقائق عن الشارع المصرى (Re: حامد محمد حامد)
|
من اجمل ما فى الشارع المصرى تلك الجمل التى نراها مكتوبة على السيارات بكافة الأنواع،وهى مليئة بالحكمة احيانا ( السعادة فى الرضا)، وبالوقاحة احيانا (صغير بس يحيّر)،و بخفة الدم احيانا (المجروحين يمسكوا يمين)،و بالطيبة احيانا (يا بركة دعاكى يا أمى)، و بالمياصة أحيانا(من حق الكبير يتدلع)،و بالغموض أحيانا (للكبار فقط).
من اجمل ما فى الشارع المصرى روح التعاون ، وتتجلى هذة الروح فى (ورطة الزق)، فعندما تعطل سيارتك وتطلب من أقرب مجموعة أشخاص أن (يزقوك) سيستجيب لك الجميع فورا..ولكن لأى مدى؟، لأبعد مما تخيل، فالشخص الذى تورط فى أن يزقك لن يتخلى عنك حتى تدور سيارتك وتنطلق مسرعا ملوحا له بالشكر من شباك سيارتك، لكن من الوارد أن تستمر عملية الزق لمسافة طويلة تجعلك تشعر بالإحراج ،ومن الوارد أن تتوقف العربية مرة أخرى فتنزل من سيارتك وعلى وجهك ابتسامة بلهاء فتجد الأشخاص الذين قصدتهم من قليل يعودون إليك مرة اخرى و يواصلون عملية الزق لدرجة تجعلهم يبتعدون عن المكان الذى كانوا يقفون فيه بمسافة تحتاج لمواصلتين علشان يرجعوا لها ...بس الجميل فى مصر إنه مش مهم الناس دى مشيت معاك لحد فين المهم عربيتك تدور وتمشى وترحمهم من الورطه اللى حطوا نفسهم فيها.
الأظرف عندما يكون العطل اللى فى سيارتك من النوع الذى لايفلح معه الزق، هنا سيستمر الناس فى زقك إلى ان يفقدون الأمل تماما، وساعتها سيقترحون عليك أن (إحنا هنزقك على جنب وتركن عربيتك وتقفلها وتروح تجيب ميكانيكى)، وقد تجد بينهم شخص لا يفهم فى الميكانيكا لكنه عاطفى جدا و سيفاجئك بطلب غريب( إفتح كده الكبوت).
|
|
|
|
|
|
|
العنوان |
الكاتب |
Date |
حقائق عن الشارع المصرى | حامد محمد حامد | 12-17-08, 08:15 AM |
Re: حقائق عن الشارع المصرى | حامد محمد حامد | 12-17-08, 08:18 AM |
Re: حقائق عن الشارع المصرى | حامد محمد حامد | 12-17-08, 08:28 AM |
Re: حقائق عن الشارع المصرى | حامد محمد حامد | 12-17-08, 08:30 AM |
Re: حقائق عن الشارع المصرى | حامد محمد حامد | 12-17-08, 08:33 AM |
Re: حقائق عن الشارع المصرى | حامد محمد حامد | 12-17-08, 08:36 AM |
Re: حقائق عن الشارع المصرى | malik_aljack | 12-17-08, 08:34 AM |
Re: حقائق عن الشارع المصرى | حامد محمد حامد | 12-17-08, 08:38 AM |
Re: حقائق عن الشارع المصرى | زهير حيدر صديق | 12-17-08, 08:52 AM |
Re: حقائق عن الشارع المصرى | malik_aljack | 12-17-08, 08:56 AM |
Re: حقائق عن الشارع المصرى | حامد محمد حامد | 12-17-08, 09:09 AM |
Re: حقائق عن الشارع المصرى | حامد محمد حامد | 12-17-08, 09:13 AM |
Re: حقائق عن الشارع المصرى | حامد محمد حامد | 12-17-08, 10:28 AM |
Re: حقائق عن الشارع المصرى | حامد محمد حامد | 12-17-08, 10:31 AM |
|
|
|