|
الطباخين..
|
وفي رواية التباخين..
الواحد فيهم يا تلقاهو راجل شدييد ..يا كمان راجل شديييييييييييييييييد.. علاقة حميمة وسريعة تنشأ بين الطباخ النسوان امات شلوخ .. وناسيييييييييييييييين من تصبح وهو بقرقر في المحشي لحدي ما تمسي وهو بيرص في المخلل وهو في حالة نضمي.. الغريبة في اختلاف في الشكل والمضمون بين طباخين المطاعم وطباخين الاعراس.. الرجل السوداني بطبيعة الحال طباخ من الدرجة الاولى اما بسبب العزوبية الجبرية او بسبب عشق المزة وجلساء الليل وما ادراك ما كرستال البلح وحلة السكارى .. مع ظهور صالات الافراح اختفى الطباخ .. ومع ظهور الخدمات الراقية من النسوان الاستايل الساكنات الشقق وما ادراك ما الاحياء الراقية ويقمن بتوفير وجبات العشاء اختفى الطباخ .. ولّى زمن العشا البيكون محجوز بي ترابيز جمعية الحلّة عينك لي حلل البيض وصواني الباسطة وما تقدر تمد ايييدك .. انتهى زمن مد الصواني للسمحات عشان تعشي صاحباتا مقابل ابتسامة واحتمال ونسة بعد الحفلة قد تمتد لي مواعدة وعلاقة تستمر شهرين لي قدام .. فات زمن الزحمة والشكلة في مكان العشا وطلعوا عشا الفنانين وعشا اهل العريس .. انتهى زمن اختلاف الصحانة جارك تجيهو وركة وانت تجيك باسطة واخر ما تجيهو عيشة ... ويااااااااا حليل الشكلة في مكان العشا وهو مضاء اضاءة باهتة تجدها في كلللللللل بيوت الافراح وكانه متفق عليها ان تكون بهذه الدرجة من الاضاءة .. ويا حليل لمن تصحى الصباح وتكتشف انو في زول كان داسي ليهو صينية كاااملة بتاعت باسطة ونساها .. ويا حليل زمن كان اهم زول الزول العندو مفتاح البيبسي المجدع في البراميل..
قال ليهو يا محمد ياخ العرس قرب وما عارف العشا حا يكلفني كم واجيب كم خروف وكم عجل و و .. قال ليهو انت من زمن العشا يعملوهو نسوان الحلة وجيب لي حلل علوية وصاج زهرا وكانو النعمة ؟؟ ارح اوديك لي طباخ مباااالغة بيسلمك صحن الكوكتيل ده من إلى ولا زحمة ولا وسخ ولا لملم ولا جيب ولا ودي .. وقد كان ومشو لي الطباخ صاحبنا العريس سال عمو الطباخ وقال ليهو : بتعمل العشا بي كم يا عمو ؟ طباخنا قال ليهو هاك الكتلوج ده يا ولدي وشوف عايز ياتو نوع وكم صحن منو؟ عريسنا فتح الصفحة الاولى ولقا ليك الصحن فيهو دجاجة مشوية ولحمة باسطرمة مع قطعة سمك الصحن بي خمسين الف ..شبك ليك الطباخ يا عمو ده غاااااااالي وليي انت عشاك غالي كده و و و .. فتح الصفحة التانية لقا ليك صدور دجاج مع سلطة المايونيز مع سمك فرايت الصحن بي اربعين الف شبك ليك الطباخ يا عممو لكن بتبااالغ غاااالي شديييد اكلك ده والله ... عمنا الطباخ قال ليهو يا ولدي ممكن اسألك سؤال؟ إنت من وين ؟؟؟؟؟ عريسنا قال ليهو انا من جبرة .. طباخنا مسك جلابيتو في نص صفحتو وصفق بي اليمين وساعدا بي انفزارا كده وقال ليهو : هييييييييييييييييييييييييييي يا ولدي افتح صفحة 48 ... مخللة ..بطاطساية ..بيضة ..سلطة اسود ..
|
|
|
|
|
|
|
العنوان |
الكاتب |
Date |
الطباخين.. | عمر الفاروق | 12-14-08, 12:32 PM |
Re: الطباخين.. | محمد البشرى الخضر | 12-14-08, 12:58 PM |
Re: الطباخين.. | محمد سنى دفع الله | 12-14-08, 01:04 PM |
Re: الطباخين.. | محمد البشرى الخضر | 12-14-08, 01:21 PM |
Re: الطباخين.. | انعام عبد الحفيظ | 12-14-08, 01:10 PM |
Re: الطباخين.. | محمد عبد الماجد الصايم | 12-14-08, 01:26 PM |
Re: الطباخين.. | baha eassa | 12-14-08, 01:36 PM |
Re: الطباخين.. | عماد محمود علي | 12-14-08, 01:36 PM |
Re: الطباخين.. | عبد الدائم سيد أحمد | 12-14-08, 01:38 PM |
Re: الطباخين.. | Shamael Elnoor | 12-14-08, 01:58 PM |
Re: الطباخين.. | عمر الفاروق | 12-14-08, 01:53 PM |
Re: الطباخين.. | عمر الفاروق | 12-14-08, 01:56 PM |
Re: الطباخين.. | Tabaldina | 12-14-08, 02:12 PM |
Re: الطباخين.. | عمر الفاروق | 12-14-08, 02:53 PM |
Re: الطباخين.. | خالد عبد الله محمود | 12-14-08, 02:58 PM |
Re: الطباخين.. | ياسر عبدالكريم محمد | 12-14-08, 03:52 PM |
Re: الطباخين.. | عمر الفاروق | 12-14-08, 03:51 PM |
Re: الطباخين.. | عمر الفاروق | 12-14-08, 03:53 PM |
Re: الطباخين.. | عمر الفاروق | 12-14-08, 03:58 PM |
Re: الطباخين.. | عمر الفاروق | 12-14-08, 04:05 PM |
Re: الطباخين.. | Yassir Tayfour | 12-14-08, 08:47 PM |
Re: الطباخين.. | Maawya Hussein | 12-14-08, 04:03 PM |
Re: الطباخين.. | محمد سنى دفع الله | 12-14-08, 04:56 PM |
Re: الطباخين.. | haroon diyab | 12-14-08, 05:03 PM |
Re: الطباخين.. | Elsamani A.Malik | 12-14-08, 04:59 PM |
Re: الطباخين.. | Elsamani A.Malik | 12-14-08, 05:15 PM |
Re: الطباخين.. | طارق جبريل | 12-14-08, 05:28 PM |
Re: الطباخين.. | ناهد بشير الطيب | 12-14-08, 05:45 PM |
Re: الطباخين.. | دينا خالد | 12-14-08, 07:36 PM |
Re: الطباخين.. | محمد البشرى الخضر | 12-14-08, 08:08 PM |
Re: الطباخين.. | ALazhary2 | 12-14-08, 08:13 PM |
Re: الطباخين.. | عمر الفاروق | 12-14-08, 08:34 PM |
Re: الطباخين.. | عمر الفاروق | 12-14-08, 08:51 PM |
Re: الطباخين.. | Muna Khugali | 12-14-08, 08:52 PM |
Re: الطباخين.. | عمر الفاروق | 12-15-08, 07:16 AM |
Re: الطباخين.. | Mohammed Ibrahim Othman | 12-15-08, 12:12 PM |
Re: الطباخين.. | طلحة عبدالله | 12-15-08, 02:04 PM |
|
|
|