|
Re: امطار غزيره الان بالدوحه (Re: ضحيه ابراهيم)
|
مــــــطــر مــــطــر مــــطـــر
الدوحـة الليلـة تسـتحم من مطر الشــاء ، تغسل ذكرياتها القديمة، وتستقبل مباهج العام الجدبد بندى المطر .... الليلة الدنيا عندنا مطر وأنا بموت في المطر من ضغير بعشق مدني ما عشان اتولدت فيها .عشان خريفه والمطر البنهمر بي سبب وبدون سبب . من انا صغير وانا بحب المطر كل انواع المطر . النقناقه والشكشاكه والتقيله والخفبفةوالطرفة البكايه ومطر الليل والبتجي الدغش مع سيد اللبن ، ما عارف سيد اللبن ده بصل كيف ؟؟ هو حمارو ،،لابسين باتا ولاشنو ؟ ماعارف!! بحب الطرفة البكاية تبكي طول الليل وفي الصباح تقش دموعه على الشجر وتفتح عيون سحابه ابيض زي اللبن أصلو السحاب الوحيد البببكي وعيونو ما بتحمر !!السحابة تلقاهاسود وبنية ومحمرة وبعد تبكي كل االمطره تنزل لألوان على الأرض افضل السما ماسك ليه في كم سحابه ممصوره وخفبفه تلعب بيها الريح ,, ناس الخرطوم بخافوا المطر يوم السحاب اتلمه واعمل مظاهرة صغيره اتحوقلوا وانططوا لي فوق اهبوا الهوا عشان مظاهرة السحاب تتفرتق ، اقولو ليك المطر ببوظ لينا البلد ،ويوماالمطرة تنزل اكسروا ركبة والزموا بيوتهم وابطلو الشغل واقولوا ليك الجو جو فول ،ما عارف ليه بحب المطر ؟؟اجمل وقت بكتب فيهو المطر نازل وقطراتو بترقص مع الأرض وترسم تيجان بنية والشجر برقص مع الريح والبيوت فرحانه من النضافه بحب المطر مطرة واحده والناس تابى الطلعه والدخله ويابو الشغل ما عارف علاقة المطر بالشغل شنو، عندي اصحابي مشو اليابان لي شغلة مهمة ولمن وصلو لقو المطرة شغاله المرافق قال ليهم ارتاحو وبعد ساعة اركبو البص رقم كدة اوصلكم لينا وبعد ساعه جماعتك طلعو لقو المطر منهمر كأنو السحاب عايز افرغ موية السما كلها طوالي رجعوا لي ورا وقالو بعد المطره تقيف بنلقى الناس طلعت للشغل وكسرو ركبه في الغرفه نص ساعه والمرافق كان عندهم وبعتذر لانو ماوراهم محل المظلات . طلع من الدولاب شمسيتين واتحرك على الباب اصحابي قالوا ليه بصوت واحد يازول وينك مارق المطرة!!! دي مطرة نصاح !! انا بحب المطر وأجمل اعمالي عملتها ومعاي المطر ومن صغير كنت بلعب تحت المطر وبغني مع اصحابي ( يامطيرة صبي لينا في عينينا)وبمشي الشغل في المطر ولحدي الأن امارس جنوني برقص تحت المطر والأن اتيتكم بعد ان صاحت في زوجتي انت مجنون شنو ممشيك في المطرة ، قلت ليها انا برقص برقص ـ انت مجنون ادخل من المطر ، طبعا لم اسمع كلامه بل واصلت الرقص تحت المطر .. ما عارف ليه بحب المطر ؟؟؟
|
|
|
|
|
|
|
العنوان |
الكاتب |
Date |
امطار غزيره الان بالدوحه | ضحيه ابراهيم | 12-06-08, 12:46 PM |
Re: امطار غزيره الان بالدوحه | محمد سنى دفع الله | 12-06-08, 01:09 PM |
Re: امطار غزيره الان بالدوحه | محمد سنى دفع الله | 12-06-08, 01:30 PM |
Re: امطار غزيره الان بالدوحه | ضحيه ابراهيم | 12-06-08, 02:06 PM |
Re: امطار غزيره الان بالدوحه | شكرى سليمان ماطوس | 12-06-08, 06:17 PM |
Re: امطار غزيره الان بالدوحه | ضحيه ابراهيم | 12-07-08, 01:35 PM |
Re: امطار غزيره الان بالدوحه | أبو ساندرا | 12-06-08, 08:09 PM |
Re: امطار غزيره الان بالدوحه | ضحيه ابراهيم | 12-07-08, 01:39 PM |
Re: امطار غزيره الان بالدوحه | Abuelgassim Gor | 12-06-08, 08:46 PM |
Re: امطار غزيره الان بالدوحه | Abureesh | 12-07-08, 03:09 AM |
Re: امطار غزيره الان بالدوحه | محمد سنى دفع الله | 12-07-08, 07:30 AM |
Re: امطار غزيره الان بالدوحه | Abureesh | 12-07-08, 09:02 AM |
Re: امطار غزيره الان بالدوحه | ضحيه ابراهيم | 12-07-08, 03:12 PM |
Re: امطار غزيره الان بالدوحه | ضحيه ابراهيم | 12-07-08, 01:45 PM |
Re: امطار غزيره الان بالدوحه | محمد خليل ساني | 12-07-08, 02:05 PM |
|
|
|