|
|
 Re: عــاجل .. شيكات الهزيمة البيع والشــراء (Re: طلحة عبدالله)
|
| Quote: يعني ننتظرك لما تجيء خامي لينا نادي المريخ جايبو هنا عشان نعرف أنك قاصد المريخ واللا المنظر شنو ..؟؟؟؟ وبعدين ياخي بنفس المفهوم الورجقي بتاعك دا أنا جبت سيرة نقل ولا نصف نقل هنا ....؟؟؟؟ |
ما جبت سيرة نقل يا ابو قرجــة .. لكن يا مسكين جبت لي سيرة قوون .. وجريدة قوون واوحيت انو الكلام البقول فوقو دا ليهو علاقة بي قوون .. والله معناته إلا اكون انا (قرج) شفت كيفن ..؟
بعدين علشان نقول ليك هنضب عندك وريتك انو انا ما عندي علاقة بي نقل جرايد زي ما بيتفضل حضرتكم وبعض الاخوة (النقلتية) هنا دا .. ياخ وكيلك الله انا البتكتب في الجرايد بتاعتكم دي ما قاعد اقراهو زاتو من صدى ومن قون ومن اوف صايد وإنت يا بتاع الجداد وقفصو عادي جدا قاعد تنقل لينا وما بتتحرج ..
بعدين إنتو خليتوني اكمل كلامي .. ما بلععك بلعتوني ليهو كل واحد فوقكم جا بي افتراضاتو لاعبين لي بي خطة تلاتة واحد تلاتة .
إنت جيت جبت ليك جريدة وخلفت رجلك وعايز تقراها لي ..
خالك همزاوي جايب معاهو فيجيب الجلابية فاليوم وفنيرقان وريهاف نول .. وأحتمال كان جسيتو كويس يكون جايب معاهو بزنكـا ..
فيصل الرشيد .. انفرد بي المرمى وفك الباص لي كلتشي ..
عماد محمود .. هيثم مصطفى عمل ليهو موية في ضهرو..
ورجقي شنو يا طال عمرك .. ورجقي شنو يا بتاع الجداد .. وولدنا مهند الطاهـر .. Quote: ما برضو في مساكين زيك هنا خموا البيض الممزر دا وجابوهوا لينا هنا وقالوا قالت قون والفضيحة والصفيحة والقنلقيز وطالبناهم كمريخاب أسياد وزعماء بأنو يمشوا يقولوا لرمضان المسكين جيب حرز الوهمة دي واللا خمها بي عفانتا دي ووديها أقرب كوشة ..
عايز أقول شنو ..؟؟؟؟؟؟؟؟
أيوة ما تخمنا بالردود الورجقية دي .. |
يا مسكين يعني إنتو ح تقعدو تلهلهو كدا دا لي متين .. امس القريبه دي هيثم مصطفى طلعتوهو عنصري وكاتبين معلقات وكاميرا التلفزون شغاله بتنقل لينا في عش الحدية القلتو لي اخوانك ديلاك .. اها من امس نحن بنقول ليكم يا جماعة الكلام البتعملو فوقو دا ما كويس .. شوفو زولكم العجب قال شنو ..
لا مصرين ومالين الدنيا حديث عن الأدب .. وعن الته>يب وعن الاحترام المتبادل واحيانا عن السايكولوجي .. ما عايزين تصدقوا الكلام البنقول فوقو ..
وحسع دي لما الكلام دا اتكتب طوالي طلعتوهو فلم هندي ..؟ والبوست الواحد يتكاملوهو خمسة ستة انفار شايلين بنادقم وبنبقاياتم ..؟
والله البقرا هيجتكم دي التقول مورجقين من جيوبم .. اقصد التقول دافعين من جيوبم ..
| Quote: ناقل ما ناقل جيب لينا سريع الأدلة اللي بتثبت أنو كان في سوق ذمم فاتح قبل مباراة الزعيم العجب المؤدب المهذب وأبو الهل المهلهل بقيادة كابتن ملافظ ما كويسة داك .. اها تعال سالي لسان الغلاط .. |
غلالاط ..؟ لالا كدا انا ازعل منمك .. ولو زعلت منك عارفني بعمل شنو..
حسع في كلامي الفوووق دا في كلام كتبتو قلت يا جماعة في زول اجوهو قروش وحددتو بالاسم ..؟
ما شايف نفسك استعجلته ..؟
مش كان تصبر شويتين لحدت ما اقول العايز اقولو واطلع اتهاماتي .. وشابكني كمان غلالاط ..؟
الجا جاب اسماء ناس هنا دا منو..؟
مش إنت سالت يا طلحة وجا فيصل الرشيد جاب سيرة كلتشي .. وعماد محمود جاب اسم هيثم سااكت كدا دا ..؟
انت شكلك خالط موية وجاز .. بيني وبين محمد عادل .. يا ابوي عاين انا ما بتاع غلاط وكرهتي في الدنيا الغلاط وبورديك دا مليان مغالاتيه وغالاتين وسلاطين باشا واي شي .. لو كلامي دا ما نفع معاك إنت ما ملزم يا طلحة ترد علي علشان ما نخسر بعض .. إنتو شكلكم الكلام بيحرقكم .. والواح بيقعد يقول ليهو كلام ما قادر يعرف معناتو شنو ..
فيا اخوي قبال ما اتم ليك الكلام .. المكان دا بالنسبة لي مكان بتاع موضوعية .. حتى في الكربنة ما قاعد اكتب كلام بتاع غلاط يا كلام حشو ساكت .. فلو كلامي نفع معاك مرحبتين ولو ما نفع .. والله يا طلحة زيك وزي اخوانك ديل ما ملزم ترد لي ولا انا ملزم ارد ليك ..
نقطة يا طلحة .. ولو فكرت تجي ترد .. جود كلامك علشان المسالة تكون موضوعية شويتين ..
مظبوط ابوي انا ..؟
Quote: ومن هسع عشان تكون علي علم ..
جبت ما يثبت .. ليك علي اشيل معاكم عكاز واللا قناية واللا مرق واللا اية حاجة القاها قدامي وأقع ليكم في ناس الزعيم ديل لقط ..
ما جبتها ما بسكك ... لكن بجيب لي سولتيب واللا صباع أمير واللا اية لزاق والصق ليك وهمتك دي في مكان واضح في ضهرك وليك علي اهتم بيها لحدي كورة مريخ هلال الجاية حفاظا عليها من عوامل التعرية الزمنية من نسيان وغيرو ..
الكع يا مسكين نزل بضاعتك ..
وعندك من هسع لمدة اسبوع من صدورو ..
قال جبت سيرة المريخ قال .. |
الكلام الجوه الاقتباس دا ما رديت عليهو .. راجع العرض الفوقاني علشان اقدر ارد ليك .. الدنيا اربحاء وعقاب شهر .. من ناحية أخرى .. الليلة نهخاية الاسبوع بالنسبة لي يعني يومين احتمال كبير ما اقرب للنت لانو برضو قاعد ادي نفسي راحة .. علشان اقيم فيها حصاد الاسبوع .. وبشغل الفلترة زي ناس قناة الجزيرة ..
العرض لو نفع معاك كان بها .. وتعال طالع بي وشك .. علشان انا ما بلصق في الضهـر انا بختهخا طااخ في الجبين علشان تشوفه العين ..
وعندي لحام بارد .. إنت من زمن السولوتيب وصباع أمير .. صباع امير دا الجماعة بلصقو بيهو بنات ام لعاب ..
|
|
 
|
|
|
|
|
| العنوان |
الكاتب |
Date |
 عــاجل .. شيكات الهزيمة البيع والشــراء | tmbis | 11-19-08, 11:17 AM |
| Re: عــاجل .. شيكات الهزيمة البيع والشــراء | tmbis | 11-19-08, 11:25 AM |
| Re: عــاجل .. شيكات الهزيمة البيع والشــراء | tmbis | 11-19-08, 11:39 AM |
| Re: عــاجل .. شيكات الهزيمة البيع والشــراء | tmbis | 11-19-08, 11:42 AM |
 Re: عــاجل .. شيكات الهزيمة البيع والشــراء | Faisal Elrasheed | 11-19-08, 11:48 AM |
| Re: عــاجل .. شيكات الهزيمة البيع والشــراء | حمزاوي | 11-19-08, 11:43 AM |
| Re: عــاجل .. شيكات الهزيمة البيع والشــراء | tmbis | 11-19-08, 11:49 AM |
| Re: عــاجل .. شيكات الهزيمة البيع والشــراء | طلحة عبدالله | 11-19-08, 11:51 AM |
 Re: عــاجل .. شيكات الهزيمة البيع والشــراء | عماد محمود علي | 11-19-08, 11:59 AM |
| Re: عــاجل .. شيكات الهزيمة البيع والشــراء | tmbis | 11-19-08, 12:37 PM |
| Re: عــاجل .. شيكات الهزيمة البيع والشــراء | عماد محمود علي | 11-19-08, 12:49 PM |
| Re: عــاجل .. شيكات الهزيمة البيع والشــراء | السمؤال بدرالدين | 11-19-08, 12:05 PM |
| Re: عــاجل .. شيكات الهزيمة البيع والشــراء | tmbis | 11-19-08, 12:26 PM |
| Re: عــاجل .. شيكات الهزيمة البيع والشــراء | محمد عثمان | 11-19-08, 12:36 PM |
| Re: عــاجل .. شيكات الهزيمة البيع والشــراء | tmbis | 11-19-08, 12:46 PM |
| Re: عــاجل .. شيكات الهزيمة البيع والشــراء | tmbis | 11-19-08, 01:04 PM |
| Re: عــاجل .. شيكات الهزيمة البيع والشــراء | السمؤال بدرالدين | 11-19-08, 12:46 PM |
| Re: عــاجل .. شيكات الهزيمة البيع والشــراء | ابو عثمان | 11-19-08, 12:54 PM |
| Re: عــاجل .. شيكات الهزيمة البيع والشــراء | tmbis | 11-19-08, 01:26 PM |
| Re: عــاجل .. شيكات الهزيمة البيع والشــراء | طلحة عبدالله | 11-19-08, 01:16 PM |
| Re: عــاجل .. شيكات الهزيمة البيع والشــراء | عماد محمود علي | 11-19-08, 01:32 PM |
| Re: عــاجل .. شيكات الهزيمة البيع والشــراء | tmbis | 11-19-08, 01:48 PM |
| Re: عــاجل .. شيكات الهزيمة البيع والشــراء | حمزاوي | 11-19-08, 01:23 PM |
| Re: عــاجل .. شيكات الهزيمة البيع والشــراء | tmbis | 11-19-08, 01:57 PM |
 Re: عــاجل .. شيكات الهزيمة البيع والشــراء | عماد محمود علي | 11-19-08, 02:11 PM |
| Re: عــاجل .. شيكات الهزيمة البيع والشــراء | tmbis | 11-19-08, 02:12 PM |
| Re: عــاجل .. شيكات الهزيمة البيع والشــراء | طلحة عبدالله | 11-19-08, 02:08 PM |
| Re: عــاجل .. شيكات الهزيمة البيع والشــراء | tmbis | 11-19-08, 02:34 PM |
| Re: عــاجل .. شيكات الهزيمة البيع والشــراء | tmbis | 11-19-08, 02:40 PM |
| Re: عــاجل .. شيكات الهزيمة البيع والشــراء | طلحة عبدالله | 11-19-08, 03:08 PM |
| Re: عــاجل .. شيكات الهزيمة البيع والشــراء | ابو عثمان | 11-19-08, 02:19 PM |
| Re: عــاجل .. شيكات الهزيمة البيع والشــراء | طلحة عبدالله | 11-19-08, 02:24 PM |
| Re: عــاجل .. شيكات الهزيمة البيع والشــراء | tmbis | 11-19-08, 02:56 PM |
|
| |
tmbis
فيس بوك
تويتر
انستقرام
يوتيوب
بنتيريست