|
Re: حول كلمة ( بلاى ) بتاعت تمبس (Re: بشير أحمد)
|
Quote: فهل هى تعنى ( بالله ) ؟؟ فإن كانت كذلك فهل هى مستعملة فعلاَ فى اللغة المتداولة فى السودان ؟؟ فإن كانت كذلك ففى أى المناطق من السودان تتداول ؟؟ |
.. Quote: أم لا هذا ولا ذاك بل هى من إحدى لغات الرندوك السودانية ؟؟ |
سلامات يا ماهر .. وعلشان ما تعمل لي بلبلة بي بلاي بتاعتي دي .. المسالة عادية جدا .. يا ماهــر انا معظم الحاجات البتعامل بيها هنا سماعية وزي ما قال ليك كمال فرانكلي فيها من لغة أمدرمان .. وبعض من رندوك العامة المستعمل في كل مكان في السودان .. وبالمناسبة: ما بتحرج إني اكتب بالطريقة دي بدل اللولوة بتاعت شدة ومدة والف ممدودة .. وفتحتين .. دا ما معناتو كمان انو الواحد ما مقتنع بالمسالة دي لكن انا ما شايل مسالة اعرب ما تحته خط دي .. وكان مشيت دخلت مكان لقيت فوقو الحصة دي مدورة .. بخارج نفسي .. جنى وجن عقيد الامور من ناحية وجني وجن القصيدة البي ضلفتين دي من ناحية أخرى .. بعدين عادي جدا يا ماهـر مسالة انك ما تجد ليها تفسير مسالة بلاي دي .. حسع عليك الله كدي اقنعني بي أنك عارف كتير عن: ضهر البيت .. وراس البيت .. وخشم الباب .. وكراع العنقريب ااي بتوصل ليك الفكرة بي طريقة محسوسة لكن هل هي .. اشياء اكزست كدا ممكن تقوم بي وظايفه ومسمياته دي ..؟ يعني مثلا لا مؤاخذه تصحي من النوم بتلقى الباب قاعد يتسوك بي معجون أبو ورده .. وبعد شوية يجيبو ليهو الشاي؟ قول جابو ليهو معجون يلقو ليهو فرشة قدر دي وين ..؟ ونفس الطريقة فيما يتعلق بي كراع العنقريب .. يعني ممكن تفتكر انو لما كان قاعد في البرنده بلبس مقاس كم ..؟ ولما بقى عنقريب جرتق عايز شبشب يكون عامل ماتشن مع ياتو تووب من تياب الجرتق ماهــر .. بلاي الله يرضى عليك ما تدخلنا في حتات ضيقة ..
|
|
|
|
|
|
|
العنوان |
الكاتب |
Date |
حول كلمة ( بلاى ) بتاعت تمبس | Mahir Mohammed Salih | 11-17-08, 09:52 AM |
Re: حول كلمة ( بلاى ) بتاعت تمبس | Frankly | 11-17-08, 10:03 AM |
Re: حول كلمة ( بلاى ) بتاعت تمبس | Mahir Mohammed Salih | 11-17-08, 02:35 PM |
Re: حول كلمة ( بلاى ) بتاعت تمبس | بشير أحمد | 11-17-08, 10:08 AM |
Re: حول كلمة ( بلاى ) بتاعت تمبس | tmbis | 11-17-08, 10:27 AM |
Re: حول كلمة ( بلاى ) بتاعت تمبس | osman righeem | 11-17-08, 10:45 AM |
Re: حول كلمة ( بلاى ) بتاعت تمبس | ابو جهينة | 11-17-08, 11:21 AM |
Re: حول كلمة ( بلاى ) بتاعت تمبس | Mahir Mohammed Salih | 11-17-08, 04:30 PM |
Re: حول كلمة ( بلاى ) بتاعت تمبس | Mahir Mohammed Salih | 11-17-08, 04:19 PM |
Re: حول كلمة ( بلاى ) بتاعت تمبس | Mahir Mohammed Salih | 11-17-08, 04:16 PM |
Re: حول كلمة ( بلاى ) بتاعت تمبس | Mahir Mohammed Salih | 11-17-08, 04:11 PM |
|
|
|