|
Re: لكن هي ذاتا قاعدة تغلط فيني ؟؟ (Re: ناهد بشير الطيب)
|
زيارة عزيزة جدا يا أستاذة
وقطعا انت ما ممن المذكورات - ين -ون أعلاه
أنحن لو عندنا 5 مقدمات برامج زيك كان بقينا دولة متقدمة !!
قصدت من الحلقة دي ، أقصد البوست دا ، ألفت الانتباه إلى نوع "آخر" من الشقاء الذي يتكبده الانسان
سوى الشقاء الاقتصادي والاجتماعي والسياسي والذي منه الشقاء من قبل اللغة وتجاهها ومن جرائها
مما يكون عمرو سنة ولي حدي ما يبقى كاتب في سودانيز اونلاين ( ) وهم يراقبونه كيف ينطق المخرج الفلاني وكيف يتفوه بالكلمة الفلانية وكيف يقرأو يكتب ويسمع ويتلو العربي والانجليزي في المدرسة و...
اضيفي إلى ذلك "سوء الفهم" أو "الفهم الغلط" [على الأصح !!] لكلمة قالا لي زول أو زولة أو قالوها ليهو واللي ممكن يتسبب - عادي - في شقاء بطول وعرض العمر وربما أكثر
....
دا كله كوم طبعا
وضعف أو انعدام الرابطة الذهنية والوجدانية بينه وبين مدلولات كلمات وتراكيب وأساليب "مجازة"في القواميس ومحاريب اللغة ومن كبار وصغار سدنتها وأساطينها
.... كوم تاني
والكوم الأخير دا هو ما نعنيه بكونها
Quote: هي ذاتا قاعدة تغلط فيني |
دومي يا استاذة بكامل الخير ووافر العافية وتقبلي مودتي وثنائي وتقديري
ـــــــــــــــــــــــــــــــــ
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|